熱門文章

書單推介

睇左佢地未? 未睇就話學投資?

是咁的,不時都會有網友PM 我問想學睇年報, 想學投資 問我有無咩書推介 必睇 今日推介幾本我覺得幾啱新手睇嘅 會計 入門書; 中階書; 估值書 當然亦會有一啲講投資「大道理」嘅書 書睇過好多, 但真係覺得有用, 有insight 嘅兩隻手數晒 希望今次幫到大家慳返唔少時間去搵書 揀書

2021年12月30日 星期四

變幻才是永恒. 捉得到? 摸不透! PE(5)

世界上每樣野都有規有矩, 喺商業社會當然都唔例外, 特別係點樣埋數、入賬更加係一大堆框架守則.

大家跟住同一款規則先可以有可以做到比較. 如果一間公司只要賣出貨物, 唔理收左錢未, 都可以當收入; 而另一個國家要收到Cash 先當賣出收入. 兩間公司嘅賣出定義唔一樣的話, 作為外人又點可以睇住盤數嚟做比較.

2021年12月28日 星期二

乜又係你呀? 誠哥! 長建高於市價回購股份

長建1038 喺2021年12月24日回購左 131,065,097股股份, 佔己發行股份數 4.94%
回購後嘅股份數為 2,650,676,042
回購價為 USD$8.8378 (HKD$68.93) , 總金額 USD$1,158,328,020 (FX=7.80x; ~HKD$9,034,958,556 = 9,034 百萬 = 90億)
當日股票收市價為$48.50 (高於市價回購)


開波之前 可以重溫 N年前小弟寫嘅1038長建
但有啲關於OVPH嘅野寫錯左, 今次會更正返
(自High mode) 諗住寫今日個題目時, 喺Google 做下資料搜集, 點知搵返自己篇舊文, 得我寫過相關嘅野 😅😅😅

好多人有疑問, 
誠哥有咩搞作?
點解要高於市價回購? 
有咩陰謀? 
OVPH公司? 咩嚟?

2021年12月27日 星期一

買股睇PE? (4) 一次性? 有意外!!!

上幾篇寫過 公司延長折舊年期, 甚至做一次超大金額嘅資產減值去令到往後嘅盈利唔同晒
今次繼續比唔同例子, 講下市盈率PE Ratio 有咩注意嘅點

2021年12月22日 星期三

聖誕禮物? 騰訊「送」京東

前幾日騰訊出左篇公告話考慮派中期息, 市場好大反應,當日都寫左篇文計下數睇下影響幾大

2021年12月20日 星期一

[剪報] 領展專訪 (2021 Dec)

https://www.hk01.com/%E5%9C%B0%E7%94%A2%E6%A8%93%E5%B8%82/714027/

專訪|110億狂掃海外物業 領展霍業生:港短期通關未敢過份樂觀
**************************************************************************************
領展資產管理(中國)總監霍業生接受《香港01》專訪時表示,香港市場不少貴重物業均由實力雄厚的大業主及發展商持有,相關放盤少,為維持高增長目標,未來仍會繼續在外地物色投資機會,而且會分散投資組合,「唔同籃放唔同類型雞蛋」。
人話✅✅✅ 
823唔係唔想喺香港買物業, 因為香港大部份物業都由大地主持有, 佢地持貨能力相對更高, 好少有減價(靚回報)嘅物業買.
未來823嘅增長動力來源係收購 (加租帶嚟嘅增長佔比較少)
香港無野好買, 去外地買, 更可以做到收入來源分散.

2021年12月17日 星期五

[問問題] 1883 中信電訊 資不抵債?

是咁的, 有位網友PM 問關於 1883嘅負債會唔會太重
想請教你1883中信國際電訊,根據2021年中期業績,總資產約182億,但當中約97億是商譽,如果扣除了商譽不計,負責比率會大幅提升,這方面是否要小心?
**********************************************************************
首先睇睇 1883 負債有幾多先

2021年12月14日 星期二

騰訊派中期息! 世界沒日? 增長不再?

【分析憂業務高增長不再】騰訊突商派中期息 歷來首次 https://bit.ly/322m5HK

#騰訊(00700)突然宣布審議派 #中期息,若獲得董事會批准,或是上市以來首次派發中期股息。分析認為,騰訊一向作為 #增長股 代表,手上大量現金用於研發、併購和發展新業務,現在出乎意料增派中期息,市場擔心會否意味未來業務增速不再。

騰訊董事會宣布,預期於下周四(23日)審議一項決議,以批准派發中期股息。不過,公司於中期業績公告列明,並無宣派任何截至6月底的中期息。本報查詢是否追派6月底的股息,騰訊回應稱,除通告內容,沒有補充。

股息一向不是騰訊的賣點,以昨日收市價466.6元計,股息率僅0.34厘,即一手騰訊價值4.66萬元,僅收取股息160元。翻查資料,自2004年在港上市以來,騰訊從未派發中期息,一直只派末期息,並每年增加派息金額。以去年為例,每股末期息1.6元,較前年多33%,派息比率約25%。

市場對騰訊突然有意增派中期息感到不解。利達基金經理黃耀宗表示,傳統而言,增長股一般投放大量資金於研發,以維持業績增長,「當一隻增長股開始派息,是否意味成長階段過去?」他續說,之前有網上言論憂慮騰訊變成另一隻中移動(00941),即增長動力欠奉,成為收息股,「若預言成真就慘了」。

******************************************************************************
市場好多解讀, 包括及不限於:

2021年12月12日 星期日

買股睇PE? (3) 我最鐘意嘅一個Case

買股睇PE? (1) 中國鐵塔

上兩篇嘅Case 都係公司延長左資產嘅使用年期, 令到折舊年期增加, 折舊金額變細, 最後盈利就增大
(註: 唔討論間公司有心定無意, 只係講返個事實)
今日講下另外嘅「玩」法, 銀河娛樂0027

2021年12月11日 星期六

朋友移民, 想要隻英鎊收息股. LGEN (3) 估值

LGEN (1) https://lookitsmathbook.blogspot.com/2021/12/lgen-1.html
LGEN (2) https://lookitsmathbook.blogspot.com/2021/12/lgen-2.html
未睇嘅, 睇左上兩篇介紹先
今日會計下佢嘅估值

朋友移民, 想要隻英鎊收息股. LGEN (2)

https://lookitsmathbook.blogspot.com/2021/12/lgen-1.html
前幾日寫左個開頭, 好brief 咁講下LGEN 嘅賺錢模式 & 各分部之間嘅協同效應
今日再喺某幾個位講多少
********************************************************


上次講到 LGEN 買堆Pension (MPF)返嚟, 賺息差; 舊錢要搵渠道投資, 收管理費; 加埋其他公司都搵LGEN 幫手投資, 賺管理費; LGEN 亦會出部份錢去賺投資收益; 中間有部份會比返Pension(MPF) 持有人. 

2021年12月7日 星期二

朋友移民, 想要隻英鎊收息股. LGEN (1)

初稿: 12月08日; 0140pm..
依位老友之前喺小弟嘅推介下 買入 RioCan REIT & 美股RQI UTF (詳細介紹可以去 Kano 嘅Blog)
佢成功財息兼收,話股價都執左40% 50%,十分和味🤣 問我仲有無靚野介紹
Kano RioCan ; Kano RQI <<= link

今日順手寫比佢睇,再post比大家過目
依隻英國收息股喺一位網友介紹嘅,自己都有少少研究
我會盡量用“人話” 去講🤣 因為佢真係有啲複雜,主要講佢嘅商業模式,點賺錢,未來有咩前景。數字野太深留返之後(你地有興趣再睇的話)

2021年12月5日 星期日

買股睇PE? (2) 美股都係咁?

買股睇PE? (1) 中國鐵塔 https://lookitsmathbook.blogspot.com/2021/12/pe-1.html


繼續上一篇嘅 PE系列
大家都知依個Blog 最大宗旨係愛國, 上一篇寫 0788 比人誤會實在唔太好, 係我唔啱
今日為大家揭穿濕鳩美帝嘅玩數祕技

未睇上一篇嘅, 乖, 睇左上一個先
有0788嘅根底之後, 相信今日講三隻美國妖股唔會難到大家






買股睇PE? (1) 中國鐵塔

ummm...是咁的.
成日都會聽到邊隻股去到咩PE 市盈率好抵買
PE好易睇, 好易用, 但!? 真係可以就咁用?
散戶用咩心態; 用咩工具; 用咩知識去玩股票(比股票玩) 就有咩嘅投資結果
一般散戶投資回報如何, 相信唔需要搬數據出嚟
希望用唔同例子, 帶出市盈率PE 究竟有咩位要注意
********************************************************
今日講嘅例子係: 0788 中國鐵塔

2021年12月1日 星期三

又講0823領展,年報有新point

我無諗過依隻咁嘅 0823有咁多野可以講, 喺睇緊份中期年報又好似見到有啲新point, 值得mark低,(順手比埋大家睇)
領展中期年報網址: 
https://www.linkreit.com/tc/investor-relations/financial-reports-and-presentations/












2021年11月15日 星期一

領展823 網上業績發佈會. 掂! (2021 Oct)

是咁的,上篇跟住0823嘅公告& PPT 寫左啲過去半年嘅業績重點

之後再睇埋官網嘅分析員會議 仲有CNBC 嘅訪問

有幾個point 想寫埋, 今篇可能會比較零碎

2021年11月10日 星期三

房託之皇, 領展823 最新業績重點(2021 Oct)

 well.. fb 大家有比反應, 咁找數😂😂

香港零售: 
  • 香港商場部份出租率創新高, 有97.5% (同年6月份為96.9%)(又話商場無人租?)
  • 續租租金(唔係成個場嘅租金)只係上升3.4% (唔好以為高過通賬, 一份約至少都兩至三年, 所以3.4% 係比較細嘅加幅) 依個弱左少少, 不過今年咩情況, 唔需要再解釋










  • 整體香港商場依部份收入上升6.2% (主要係一次性營銷及其他收益為主, 本業嘅商鋪/街市/教育 大約增長2%)
  • 租金對商戶銷售金額持平, 大約13% (領展係睇住依個數嚟決定加租幾多)
  • 喺嚟緊半年, 有大約面積19% 嘅商場租約到期 (等於: 可以再加租)

2021年11月4日 星期四

[問問題]網友問 0012 投到新地皇, 有咩睇法? (更新)

好! 近排轉左新工, 迎嚟新挑戰, 會忙左 (以前唔忙都係出文好慢, 無分別) 😆😆


 









 

https://ps.hket.com/article/3098828/
【地王爭霸戰】恒地508億買中環海濱地王 林高演:派息不變 無供股壓力

    恒基兆業地產集副主席林高演:

    根據集團6月30日中期報告,借貸額是20%,他指,由於目前利息低,加上恒地一向有穩收入,並得到母公司恒基兆業支持,「提供200至400億元給恒地都是閒事」。他又指,是次地皮的成交價為508億元,其借貸額30%屬合理水平,集團的現金流轉非常好,「即使集團明日需要繳付508億元,亦可以即時開支票」。此外,他表示,集團未來的派息不變不用供股,並無壓力。同時,雖然是次集團獨資投地,惟若日後有發展商有意合作,可研究合作的可行性。

    至於投資回報方面,目前中環商廈普遍月租每呎約130至190元不等,若以地價及建築費,即630億元計,項目回報率約4厘。而以平均呎租160元計,回報達5%,以呎190元計,回報則近6%,大家由此可計算到回本期。

中環新海濱3號商業地王位於怡和大廈對出,地盤面積近52萬平方呎,最高可建樓面約161.5萬平方呎,而中標財團另需興建約23萬平方呎的政府設施,包括重置現時的郵政總局等。發展商強調,將投資630億元打造此項目成為香港最具標誌性的世界級地標建築、朝氣蓬勃海濱長廊及為公眾提供大量日常享用的活動空間。

第一條問題: 夠唔夠錢比?

2021年10月18日 星期一

1883 中信電訊 估值

 聽聞有位網友心思舉旗不定, 話研究完1883 中信電訊, 唔知唔買唔買好

咁我又計左個簡單估值, 拎埋上嚟一齊睇下

*************************************************************

幾個問題

Q1. 派息政策?

2021年10月16日 星期六

土地共享=鬥地主?(1)南豐

關於依個土地共享計劃, 今日喺到就唔多講個機制喺點, 依啲上Google 第一個results 就搵到

外界反應(我睇返嚟) 有正 有負, 有人話

  • 地產商冷淡 
  • 地產商身體很誠實 
  • 政府明益地產商
  • 亦有人話 要地產商割地起共屋, 係共產! 鬥地主!

as at today 2021 10 05, 新聞報道過嘅有3單土地共享申請, 我決定每單都望望...鬥地主? 定win win? 官商勾結?

重點係, 土地(住宅)供應有無多到?

2021年10月13日 星期三

土地共享=鬥地主?(3)新鴻基

土地共享嘅第三單申請,係新鴻基地產喺元朗站附近,濕地保護區邊皮嘅地

中間有個三角型 & 長方體
















2021年10月11日 星期一

土地共享=鬥地主?(2)恆基 會德豐

關於「土地共享」有人覺得係政府"沒收"地產商土地嘅手段之一, 但亦有人話係益左地產商

發展局: 土地共享先導計劃https://www.devb.gov.hk/tc/issues_in_focus/land_sharing_pilot_scheme/index.html

2021土地共享先導計劃- 3分鐘看懂

https://www.spacious.hk/zh-tw/blog/%E5%9C%9F%E5%9C%B0%E5%85%B1%E4%BA%AB%E5%85%88%E5%B0%8E%E8%A8%88%E5%8A%83-%E8%A6%81%E9%BB%9E-%E5%AF%A9%E6%89%B9%E6%99%82%E9%96%93-%E9%99%90%E5%88%B6-%E8%A3%9C%E5%9C%B0%E5%83%B9/

************************************************************************************

今日分享下我搵到嘅資料 &整合:

2021年10月10日 星期日

[剪報]捐地! 共產?

鬥地主 [OCT 04初稿] (2021 10 04)
https://lookitsmathbook.blogspot.com/2021/10/oct-04.html

_____________________________________________________

喺2019年, 特區政府提出加快運用收回土地條例: 

2021年10月4日 星期一

鬥地主 [OCT 04初稿]

https://www.hk01.com/%E8%B2%A1%E7%B6%93%E5%BF%AB%E8%A8%8A/678902/

本地地產股暴瀉 恒地挫近一成 港地產商據報被要求「守規矩」

__________________________________________________________

2021 OCT 04








__________________________________________________________

成個topic 超大, 牽涉好大, 我做左一大堆嘅收集/讀返以前嘅新聞

今日寫住個初稿先, (至少好過自己乜都無寫過, 依個topic 好值得留一個版位)

2021年10月3日 星期日

關於近排Alibaba 阿里巴巴(2021 OCT)

關於近排Alibaba 阿里巴巴, 講幾句 (本Blog第一大宗旨, 寫比n年後嘅自己睇)









Alibaba 買得未? 加息週期買科網股?
https://lookitsmathbook.blogspot.com/2021/06/alibaba.html

_______________________________________________________

喺2021年6月份, 當時我計完之後認為US$228 係fair price

[鳩噏]睇新聞; 誠哥買青衣船塢 (2021 OCT)

https://hk.finance.yahoo.com/news/%E8%B6%85%E4%BA%BA%E6%96%B0%E6%90%9E%E4%BD%9C%EF%BC%9A%E9%9D%92%E8%A1%A3%E8%88%B9%E5%A1%A2%E8%A4%87%E8%A3%BD%E3%80%8C%E9%BB%83%E5%9F%94%E8%8A%B1%E5%9C%92-20-%E3%80%8D%EF%BC%9F-070811521.html

超人新搞作:青衣船塢複製「黃埔花園2.0」?

長和早前向太古收購旗下香港聯合船塢50%權益,完成收購後,長和將全資擁有聯合船塢公司及用地。市場傳出,長和或把聯合船塢所在的青衣地皮,改劃為住宅項目,複製成另一個「黃埔花園」,預計可以提供多達約1萬個單位。

聯合船塢佔地約108萬方呎,若以地積比率5倍發展,可建樓面面積約540萬方呎。假設項目每個單位面積約500方呎,估計可提供超過1萬伙,規模等同十大藍籌屋苑之一「黃埔花園」。

*********************************************************************************************

誠哥又有動作, 咁當然外界亦會有無限解讀, 明嘅! 誠哥出手好少會錯, 亦睇得好準

我就好鐘意鳩噏, 等我又講幾句 (本Blog第一大宗旨, 寫比n年後嘅自己睇)

最鐘意睇地圖, 開張圖嚟望下先啦咁緊係!!!

2021年9月30日 星期四

現金流量表 點解要減?點解要加?

[會計教學] 現金流量表 點解要減?點解要加?

近排分別有兩位網友PM 問關於現金流量表嘅問題 (其實唔止依兩位,但唔係近排😂)

依幾位網友都好勤力, 咁我緊係好樂意解答

希望用一啲貼地嘅語言(人話)去幫大家, 拉近同“會計”之間嘅距離

2021年9月28日 星期二

共你個橙? 澳門賭業

https://news.mingpao.com/pns/%E7%B6%93%E6%BF%9F/article/20210915/s00004/1631643932311/
澳門賭牌修例諮詢「加辣」增官派董事 增居民持股派息須政府批准 未回應是否針對外資 ( 2021 09 15)









*********************************************************************************************

喺9月15號, 有報導講澳門就賭牌嘅事開始諮詢, 標題寫加辣

2021年9月18日 星期六

希慎 收購上海物業 (2021 09 18)

希慎向長實等收購上海「世紀盛薈廣場」

希慎興業以35億元人民幣收購上海「世紀盛薈廣場」已竣工寫字樓/商舖混合發展項目,長實持有項目60%權益。希慎表示,收購屬策略性長期投資,令集團內地市場業務多樣化,符合加強投資物業組合的業務策略,增加穩定的經常性租金收入,提升股東價值。長實表示,今次物業銷售是日常銷售業務之一,集團在銷售所佔收入約21億元人民幣,集團過去10年在內地的物業銷售收入每年平均約298億港元,現時在內地20多個城市擁有50多個房地產項目。集團資深顧問李嘉誠及主席李澤鉅重申,對香港及內地充滿信心。「世紀盛薈廣場」已竣工寫字樓/商舖混合發展項目,建築面積逾93萬平方呎,包括一座24層高的大樓及一個3層地庫,目前處於空置狀態,並擁有約320個停車位。

2021-09-17 19:29:30 #RTHK

==============================================

有位成日請我飲咖啡嘅網友問:「咁佢係咪即係用曬手上既現金去收購? 但係用曬啲現金都唔夠收購?」

咁依個時候就要睇"數簿'啦

2021年7月27日 星期二

美國長期Work From Home, Office 無人租?!?!?!?!

作為一個老闆, 除左睇盤數, 都要有business sense

平時除左要唔離地, 睇多啲世界各地嘅新聞, 亦要了解下其他"同業" 發展成點

知己知彼, 話唔定搵到投資機會

大約一年前 COVID 最爆嘅時候, 差唔多個個股民/市民 都會話以後有網購就得嫁啦, 有上網 work from home 嫁啦, 唔洗行商場, office 都唔會有人租嫁啦

「仲買收租股?」「are u kidding me?」

「無人租嫁啦」

2021年7月25日 星期日

睇左佢地未? 未睇就話學投資?

是咁的,不時都會有網友PM 我問想學睇年報, 想學投資

問我有無咩書推介 必睇

今日推介幾本我覺得幾啱新手睇嘅 會計 入門書; 中階書; 估值書

當然亦會有一啲講投資「大道理」嘅書

書睇過好多, 但真係覺得有用, 有insight 嘅兩隻手數晒

希望今次幫到大家慳返唔少時間去搵書 揀書

2021年7月23日 星期五

中國新疆棉事件,UNIQLO 新一季業績如何?










https://lookitsmathbook.blogspot.com/2021/03/h-burberry-nike-uniqlo.html
中國棉花革命?民族主義可以打倒 H&M 嗎? Burberry? Nike? Uniqlo?

事件大約發生喺2021年嘅3月, UNIQLO 比環時點名, 咁我地偉大祖國嘅人民緊係全力抵制日本邪惡帝國品牌

大家都知小弟向來都愛國愛黨, 家事國事天下事, 事事關心

今日嚟睇睇我國成唔成功抵制依啲仆街品牌

2021年7月17日 星期六

買SG REIT嘅時候有無留意? (2)

依一篇嘅內容其實係我之前喺Facebook 嘅, 我搬返過嚟Blog做少少整理
https://www.facebook.com/lookitsmathbook/posts/325044965743687
前幾日寫過M44U嘅例子
買SG REIT嘅時候有無留意? (1) https://lookitsmathbook.blogspot.com/2021/06/sg-reit-1.html
今日講講SG 另一個REITs嘅大集團Capitaland 
旗下Ascendas 下面A17U 一單近期嘅deal

2021年7月10日 星期六

近排唔少網友PM問 中國平安2318

首先, 講答案
我對依隻公司未有深入研究, 
佢業務層面唔細, 以保險業為骨幹, 再加銀行 & 投資
相信好多有睇年報習慣嘅網友都知, 保險業嘅年報絕對唔易入手
2318再加銀行業
盤數係會非常難去理解

喺我嘅立場, 係答唔出 乜股都有質素, 可小注, 要注意風險
依類罐頭式百搭答法

眼見唔少網友有興趣
不如今篇試下講:

2021年7月7日 星期三

2588中銀飛機租賃盈警, 股價跌6%. 買得?賣得?

 因時間所限, 今日唔會分析2588 係咪靚嘅leasing租賃公司

直接講左先. 係! 佢係一個靚嘅租賃公司

今日主要係講講點樣解讀佢份 盈利預警 (2021年7月5) https://www1.hkexnews.hk/listedco/listconews/sehk/2021/0705/2021070500041_c.pdf

有無咩Tricky 位? 公司有無陰招? 點解佢要咁做? 投資人(你)應該點應對? 最後, 買定賣?

2021年6月26日 星期六

買SG REIT嘅時候有無留意? (1)

um...well..關於SG REIT嘅依篇文一路都想寫出嚟同大家share, 因為市面上真係唔覺有blogger/ KOL/ Youtuber 有提過下依樣野

而我覺得依個係非常重要, 唔應該無視嘅一個要點

買入任何REITs 時都應該留意有無依件事發生, 再去思考值唔值得買入

投資產品無一樣係完美, 只有適唔適合自己

今日叫得做(1) 就係開左個頭先, 因為依個超級大topic 我都拖左成年😂😂😂 唔可以再拖

**************************************************************************************

今日先整理下我之前喺 連登 貼過嘅野, 開左個頭先

2021年6月20日 星期日

電能實業0006其實唔係賣電? 2020年報分析, 注意事項. 追揸沽? (下)

電能實業0006其實唔係賣電? 2020年報分析, 注意事項. 追揸沽? (上)
https://lookitsmathbook.blogspot.com/2021/06/00062021A.html

電能實業0006其實唔係賣電? 2020年報分析, 注意事項. 追揸沽? (中)
https://lookitsmathbook.blogspot.com/2021/06/00062021B.html

================================================================

Q1. 嚟緊現有嘅放貸, 利息收入會唔會有增長? 傾向正面

Q2. 嚟緊現有嘅投資, 股息收入會唔會有增長? uncertain, 傾向負面

Q3. 嚟緊市場加息對0006嘅負債有無影響? 傾向正面

Q4. 嚟緊有無機會再新收購/分拆? uncertain

電能實業0006其實唔係賣電? 2020年報分析, 注意事項. 追揸沽? (中)

電能實業0006其實唔係賣電? 2020年報分析, 注意事項. 追揸沽? (上)
https://lookitsmathbook.blogspot.com/2021/06/00062021A.html










上篇提到, 0006 透過借貸收利息收入, & 收股息
而平均收嘅貸款利息有向下嘅趨勢

電能實業0006其實唔係賣電? 2020年報分析, 注意事項. 追揸沽? (上)

https://lookitsmathbook.blogspot.com/2019/04/6.html
小弟第一篇blog (自誇少少, 我覺得係成名作😂)
至少市面上無人公開寫過佢嘅賺錢模式係點玩
而當日發現0006 唔係靠"發電"去賺錢時, 都諗左好耐點解佢要咁做???
進一步就推演到"老闆思維"四隻字, 要明白佢點解有咁嘅公司結構, 盈利模式, 就要企喺李澤鉅嘅角度去睇野, 亦都係企喺0006嘅老闆角度去諗
對於往後嘅買股票,揀股票 都有一個重新嘅出法點=> 「開竅」
細個曾經睇報紙揀股, 睇財演, 睇iMoney, 後尾開始睇 Acct Ratio, 邊間公司賺錢勁買邊隻
但只留於死板嘅Ratio數字, 無去了解公司嘅本質, 過去 現在 甚至 未來嘅護城河會唔會繼續存在
電能0006 可以話係我嘅投資路上轉捩點, 亦係"數簿"依個blog出現嘅前因
廢話講完😂
**************************************************************************************

估唔到網友幾想我再寫 0006, 咁就要找數😂

電能 盈利模式:

2021年6月18日 星期五

Adobe 2021Q2 業績重點 & 估值更新

https://www.adobe.com/investor-relations.html

Adobe 業績(官網)

一般嚟講, 每季業績喺已經上左軌道嘅公司唔需要跟得太貼

因為當初揀股時, 就係為左可以好安心持股5年以上

5年後, 10年後佢地嘅護城河Moat 依然存在, 甚至更深更闊

所以今日嘅2021Q2 業績, (我自己平時)都只會係略略過目就算

2021年6月17日 星期四

房託之皇, 領展823 最新業績重點(2021 Mar 31)

 https://www.linkreit.com/en/investor-relations/financial-reports-and-presentations/

今日, 2021年06月17日
領展823 出左截至2021年03月31日嘅全年業績

一隻咁穩陣嘅REIT, 一般嚟講睇下幾個重點就fit 晒

唔需太擔心業績大上落/假數/CEO出術玩野...etc...

================================================================

香港物業:

領展“又”買入新資產

https://inews.hket.com/article/2974936/
領展 (00823) 宣布,斥資32.047億元人民幣,收購位於廣州市天河區的太陽新天地購物中心,據估值報告,收購價較物業估值折讓約4.3%。該物業為為8層高的商業發展物業連同4層地庫,零售面積共約9.01萬平方米,設有800個泊車位。成交後,領展將成為物業的唯一擁有人,太陽新天地將是領展歷來第7項內地物業。

YouTube>>>> https://youtu.be/WPG2245kjXg
領展823買新商場, 我點睇依單News?

2021年5月26日 星期三

續集,點「睇新聞」? 嘉濤(老人院),近況更新

話說大前日先講起 2189嘉濤買左兩塊地,夾埋3億 (6500萬波叔地 & 2.4億興田商場)

興田商場單Deal 延遲左三次

今日終於出左最新公告 收購事項已於二零二一年二月二十六日完成。

https://www1.hkexnews.hk/listedco/listconews/sehk/2021/0526/2021052600440_c.pdf

=========================================================

上一篇提過:

[問問題] 1373(日本城) 國際家居零售 估值問題

1373 日本城, 向來盤數都好靚仔, 現金流穩定, 派息亦非常大方, 生意都愈做愈大

不過根據我把尺: 護城河, 依層我未係好了解 日本城(國際家居零售) 嘅Moat 喺邊

所以到依一刻為止, 我都係無持有嘅


有位網友PM我, 問1373 嘅估值如何, 眼見已經升到52週高位

快快手計計

============================================================

[問問題] 有網友問 0270 粵海 估值
https://lookitsmathbook.blogspot.com/2021/04/0270.html

上一次計0270時提過

「簡單嘅: 作為一隻派息穩定嘅股票, 可以用最簡單嘅股息率」

2021年05月26日, 收市價$2.850 ; 股息率 過去12個月派息計: 7.018%

用2020財政年度派息計: 5.789%

就咁睇的確非常吸引









上圖show 由2014年開始嘅股息率, 高位11% , 低位3.38%, 平均 6.85%

如果計近依5年, 平均為6.92% 低位5.06% 高位9.74%

就咁比較之下, 現價 5.789% 未算話好吸引 (息率逾低, 股價逾高, 可以話佢"貴")

當然以上計算都係Base on 過去數據, 成日話要looking forward

依到留返比各位股東 (開段提過, 我唔了解佢嘅Moat😂, 所以唔太能夠量化到佢嘅前景)

============================================================

好, 咁進階嘅計計, DDM 股息折現模型






上圖係 1373 嘅過去派息 & 增長率

近依3年表現好好, 每年增長15% 或以上

2021年嘅中期息更增長左63%, 非常亮眼

DDM 要用到Cost of Eqty (CAPM)

CAPM: Rf + Beta ( Rm - Rf)











Beta, 根據Yahoo Finance, 為0.77

Rf 我用左1% 1.5 % 2% 三個

Rm 我用8% 10% 12% 三個

計出嚟Ke Range 6.4% 至 9.7%

平均8.0%

而計1373 DDM 難嘅位, 就係佢嘅未來好難估😂











所以我計左4個假設, 假設佢永續嘅股息增率, 記住!記住! 記住! , 係永遠,永遠都5% , (大家諗下可唔可能)

Ke 用返黑框8%, 計出嚟, 就算只係最細嘅增長率2%

都計到$3.7 , 比現價$2.85 高

代表現價未算係超級貴


丫! 漏左張圖






本公司未來的任何宣派,建議和派付股息可能也不可能反映歷史性的宣派及派付股息,並由董事絕對酌情決定。本公司沒有任何預定的股息派發比率


人話解讀: 隨心咁派息, 賺得多唔一定派得多, 賺得少又一定要派得少喎


-完-

希望幫到大家😎

============================================================

[問問題] 有網友問 0270 粵海 估值
https://lookitsmathbook.blogspot.com/2021/04/0270.html


Buy me a Coffee? or Lunch?😂

















E-mail: DKLM10PM@gmail.com

2021年5月25日 星期二

有人問太地 vs 希慎

早排略略講過下 希慎買新地皮, 有網友(s)喺Blog 同Facebook 都問

希慎 終於出手, 講幾句先 (05 12)
https://lookitsmathbook.blogspot.com/2021/05/blog-post.html

希慎 更新 (05 27)
https://lookitsmathbook.blogspot.com/2021/05/blog-post_22.html

希慎同太古地產點樣比較? 太古無論寫字樓同商場感覺上好似好啲

太地 vs 希慎呢?

老實講, 喺我心目中, 兩者好難分高下

咁啱今日巡鋪(睇Power Point) https://ir.swireproperties.com/en/ir/financial-briefing.php

*************************************************************************

有幾張圖貼下, 比啲信心大家









嚟緊幾年嘅樓面面積, 香港/內地/美國

可以見到穩步上升

*************************************************************************









現時嘅現金 & 負債水平, Net Gearing 只係2.3%😂

仲有大把借貸位可以發展

*************************************************************************









依兩年嘅落成面積, 各位老闆可以計計數, 租金多幾多

今年經濟唔好? 唔緊要, 計住今年低水平嘅租金先

會唔會永遠都經濟唔好? well...我唔信會咁

*************************************************************************









圖片版, 寫好晒, 嚟緊幾年有咩發展, 有咩新落成

太古地產, 就係一隻悶股, 未來幾年要寫幾錢發展, 有咩增長

一五一十寫晒比你, 無宏大嘅「破壞性創新」, 無Dream, 無Big Data, 無FinTech.
實實在在

你肯計, 就一定計到嚟緊幾年增長幾多%

*************************************************************************

最後, 比張J大家
















「公司的股息政策是達致股息可持續增長,並於未來派付大約一半的基本溢利作為普通股息。」
依句應該唔洗人話翻譯?
大家睇完上面幾張PPT 覺得佢做唔做到? 😏😏

太古地產1972, 現價 $23.25 股息率3.9% (2021 05 25)
未算係好吸引, 各位可以自己衡量, 考慮是否買入

利申: 持有😎 2020年低位有加注

附上兩張自家製地圖



























*************************************************************************
希慎 終於出手, 講幾句先 (05 12)

希慎 更新 (05 27)

內房債5% vs 香港收租5%

向Howard Marks借幅圖嚟寫下先

*************************************************************************
🔴🔴🔴Patreon支持: 港股美股英股估值
https://www.patreon.com/lookitsmathbook

🟠🟠🟠Blog: 業績分析, 會計技巧
https://lookitsmathbook.blogspot.com/

🟩🟩🟩若果寫嘅野幫到你, 請我飲咖啡? PayMe!
https://payme.hsbc/dklm10pm
*************************************************************************

2021年5月24日 星期一

我平時點「睇新聞」? 嘉濤(老人院),近況更新

https://www.hk01.com/地產樓市/628875/
十大鬼屋|鄧成波家族6500萬沽三級建築元朗筱廬 買家擬建安老院
無興趣買?唔緊要, 睇下我分享平時係點樣「睇新聞」
嘉濤2189, 如果你係依個Blog 嘅長期讀者, 應該熟口熟面, 因為我不時都會講起佢😂
近日公告, 以6500萬HKD 收購波叔嘅四塊地皮

2021年5月22日 星期六

希慎 更新

事緣早排 希慎成功購入加路連山道地皮
出過篇Blog https://lookitsmathbook.blogspot.com/2021/05/blog-post.html

今日 希慎舉行週年股東大會, 有篇新報道出左, 有幾點想更新一下



https://www.hk01.com/%E5%9C%B0%E7%94%A2%E6%A8%93%E5%B8%82/625697/%E9%AB%98%E5%83%B9%E5%A5%AA%E5%8A%A0%E8%B7%AF%E9%80%A3%E5%B1%B1%E9%81%93%E5%9C%B0%E7%8E%8B-%E5%B8%8C%E6%85%8E-%E6%8A%95%E8%B3%87%E9%A1%8D260%E5%84%84-%E6%93%AC%E5%BB%BA%E9%8A%85%E9%91%BC%E7%81%A3%E5%BE%8C%E8%8A%B1%E5%9C%92

銅鑼灣大地主希慎興業,上周夥拍華懋以197.8億元高價投得銅鑼灣加路連山道商業地,令希慎的利園商業王國進一步擴大至約490萬平方呎,繼續在區內稱霸。希慎興業首席營運總監呂幹威接受訪問時表示,預計加路連山道項目的總投資金額將達約250億至260億元

預計新項目回報與同區現持有的物業相若,冀2026年至2027年落成

呂幹威表示,是次投得的加路連山道商業地,位於核心區,涉及樓面超過100萬平方呎,非常難得,更透露集團「已經睇左(中)此地皮十幾年」。他指,集團在利園區一帶已持有近400萬平方呎的商業區,當中,有逾100萬平方呎的零售樓面設施作為後盾,故長遠而言,由希慎負責發展上述地皮,將可起協同效應

他續指,希慎本身在利園商業圈內已擁有大批租客,待新項目落成後,如現有租戶擬升級,可考慮遷至加路連山道新項目。至於舊有的位置也可進行升級工程,最終整個利園商業區的出租樓面也可獲全面升級,有利於新租客進駐區內

呂幹威又指,雖然新項目的位置「好似遠少少」,但未來會有行人天橋系統連接新項目至希慎商場及港鐵銅鑼灣站,通達性大幅獲提高,估計前往港鐵站步程只需6至10分鐘

派息政策續採取「漸進而穩定」策略

是次希慎商業版圖再度大規模擴充,未來集團派息方面,希慎興業首席財務總監賀樹人補充指,由於集團留意加路連山道項目已有一段時間,過去兩年已開始籌備資金,早前已完成「借長錢」部署,故最新取得的大型投資項目對未來派息計劃並沒有影響

他又指,集團派息政策主要視乎營運表現、短中期資金需要及經濟展望,未來派息政策會繼續採取「漸進而穩定」的策略。

=======================================================================

1. 希慎同華懋合資, 出資比例係 60% : 40%

2. 超級大協同效應, 報導中提到, 可以將現有舊office 租戶搬去新大樓, 而舊office 可以騰出空做升級/裝修, 絕對有利未來嘅盈運 & 加租能力

3. 希慎會利用行人天橋連接成個版圖, 依幢最遠嘅新office行去地鐵站都只係10分鐘左右
(另一個太古坊嘅概念)

4. 同我上一前篇講嘅一樣, 原來希慎真係早兩年就借定錢ready 去發展
(可見管理層係有遠見& 志在必得)

希慎喺2020年12月, 物業值750億
手上嘅 定期存款 & 現金 共250億 (2019年得90億)
長短負債共189億, 永續資本(永續債)為 106億 (2019年為0億)
唔知佢係咪晨早借定準備好晒, 志在必得😏
2019年 OCF 為32億, 2020年OCF為20億
而2019年 2020年 都分別派息15億

手上物業&現金 共約1000億, 負債為300億
屬於非常健康嘅水平
Moody Fitch 評級為A級, 平均利率為3%, 當中88% 係Fixed Rate
嚟緊加息都唔太需要擔心

估計總投資需要260億至280億

而望返希慎手上有250億現金, 負債水平30% 下
成個Project 可以喺唔影響現有派息水平下進行
各位股東大可以放心
5. 派息政策不會有重大影響, 亦都符合我上一篇Blog 嘅推斷. 
更會「漸進而穩定」, => 可預期未來繼續透過回購 & 香港市況改善加租, 而做到加派股息

再一次恭喜咁多位 0014希慎股東
今日(2021 05 23) 股價$30.2 , 息率為4.768%
建議買入
利申: 持有

-完-

=======================================================
Buy me a coffee?
















E-mail: DKLM10PM@gmail.com

近排有兩個“護城河”嘅 Case

 1.

Bloomberg 
This is how one Hyperloop track could transport people from San Francisco to Los Angeles in half an hour. The networks could redefine the economies of entire continents. 

上面係一條由Bloomberg 制作嘅Hyperloop介紹影片
一條密封真空管道, 用埋磁浮技術, 減少阻力, 超高速版嘅高鐵, 時速可以達到1200公里
係現時民航飛機嘅兩倍

常言道, Moat 唔係永久. 作為一個投資者, 日常工作就要多了解世界發生緊咩事, 同時不斷托展自己能力圈. 
 Hyperloop 未必可以5年內商業化, 但要 bear in mind 佢成功商業化& 量產, 將會影響多個產業鏈: 航空公司/機場/飛機制造/長途巴士/火車/船運 

 依樣可以帶返去我經常推介去思考Moat 嘅工具: 五力模型(Michael Porter's Five Forces) 當中兩個: 「潛在進入者」 & 「替代品的威脅」 

五力分析Porter five forces - 2189嘉濤 (老人院) 

五力分析Porter five forces - (NYSE: MSCI) MSCI Inc. 明晟

新鮮熱辣嘅 Business Case:口罩


===================================================================

2.

Yahoo的網路帝國如何殞落? 從1280億到44億賤賣; 曾經稱霸網路帝國的Yahoo! 怎麼越來越衰敗呢?

上面係一條由台灣Youtuber "Cheap" 制作嘅片, 簡單講解Yahoo如何衰落
點解後起嘅Google & Facebook 可以急起直追

護城河Moat, 其中一項好緊要, 但又經常被人忽略
管理層質素, 佢有無遠見, 有無執行力
比你一手好牌, 唔識玩
到最後就係被世界淘汰
諗到個問題, 大家思考下
網絡公司係咪新經濟? 咁點解最終會收皮? 😉
一間公司有無前景真係新/舊之分??😉😉


#Google
#Yahoo
#新世界發展
#鄭志剛
#領展
#王國龍
#老闆思維

價值投資》如何一句話分辨出5種企業的「投資護城河」?


===============================================================
Buy me a coffee?