[問問題] 1883 中信電訊 資不抵債?

是咁的, 有位網友PM 問關於 1883嘅負債會唔會太重

想請教你1883中信國際電訊，根據2021年中期業績，總資產約182億，但當中約97億是商譽，如果扣除了商譽不計，負責比率會大幅提升，這方面是否要小心？

**********************************************************************

首先睇睇 1883 負債有幾多先

現金流量表 點解要減？點解要加？

[會計教學] 現金流量表 點解要減？點解要加？

近排分別有兩位網友PM 問關於現金流量表嘅問題 (其實唔止依兩位，但唔係近排😂)

依幾位網友都好勤力, 咁我緊係好樂意解答

希望用一啲貼地嘅語言(人話)去幫大家, 拉近同“會計”之間嘅距離

「問問題」睇年報點入手, 好無方向, 睇咩好?

 有位網友問我

「睇年報好無方向, 點先可以好似你咁睇到咁多野？」

好問題, 亦都非常欣賞依位網友願意為左自己嘅生意(股票)去花時間睇年報

數簿:「你近排睇緊邊間年報?」

網友:「維他奶」(0345)

數簿:「咁睇完之後有無get 到啲乜?」

網友:「Margin高，然後增長點係大陸，但對於佢講既品牌效應同行健康路線有d似是似非，冇乜story拎走」

以下係我當日睇維他奶年報時嘅諗法, 希望幫到佢 & 無方向嘅你地

----------------------------------------------------------------------------------------------------------

維他奶毛利率有接近50%, 以一般認知算係幾高水平

喺睇年報嘅候, 其中一個方向就係搵下點解佢可以咁高毛利率??????????

再further 幾個問題, 

• 淨係2020年先係咁? 2019年都係? 過去每年都係? 
• 係平穩改善緊? 退步緊? 定每年都50% 上下?
• 成個飲品行業都係咁高毛利? 
• 只係香港嘅飲品公司?
• 但維他奶公司有7成收入來自內地喎!?!?
• 咁內地嘅飲品公司毛利率係大約咩水平?
• 奶類飲品呢? 蒙牛嘅毛利率?
• 休閒飲品嘅行業, 康師傳嘅毛利率如何?
• 如果係外國, 可口可樂咁"大", 係咪都咁高毛利率呢?

有印像知道 維他公司過去嘅增長主要靠內地市場

• 點解個增長可以咁勁呢? 主要推力係?
• 依個增長仲可唔可以繼續呢? 點解?
• 又或者, 點解已經到左頂?
• 嚟緊有咩出路?

如果增長可能/好大機會/或者 會放緩

• 除左內地市場, 仲有無其他地區市場發展緊?
• 過去發展過咩市場? 嚟緊會發展咩市場?
• 點解美洲市場發展失敗? 點解唔繼續?
• 澳洲市場依家發展成點? 好? 唔好?
• 點解做得唔好呢?
• 好大競爭? 
• 點解喺澳洲要用一個新Brand 呢? 
• 點解新加坡市場淨係賣豆腐? 唔賣豆奶? 
• 點解會有咁嘅決定?
• 點解會去發展菲律賓市場? 
• 
  
  
  
  
  
  
  
  
  
  

返嚟"毛利率"

維他主業賣豆奶, 好自然地影響毛利率就係 糖 & 黃荳價格

兩者都係商品市場, 每日嘅價格都會大上大落 (特別係中美貿戰時期)

• 點解 維他仲可以保持住一個咁穩定嘅高毛利率呢? (假設係穩定)
• 維他 買左期貨? 會唔會好似國泰期油咁"賭"輸?
• 定係佢唔係喺國際市場買荳? 
• 有自家嘅農場種荳?

關於公司嘅現金流/發展/派息

維他公司 嘅增長其定可以話放緩緊

• 而資本支出(CAPEX) 對比 營運現金流佔幾多呢?
• 淨返嘅全部派息?
• 定係公司借錢發展/派息?
• 嚟緊有無潛力做回購? (有錢無地方洗)
• 依家有無借錢呢? 借咩貨幣? 
• 公司收入七成係來自人民幣, 如果借嘅係USD / HKD, 會唔會兩者唔匹配?
• (收入係RMB, 但借貸係USD, 是但一面升貶值的話)
• 如果係借緊錢, 利息係定息? 浮息? 
• 浮息的話, 嚟緊好大機會加息, 影響有幾大呢?

------------------------------------------------------------------------------------------------------------

關於維他公司, 上面嘅答案喺年報 或者 股東簡報嘅PPT 都有答案

以上嘅問題, 唔係所有公司都適用

但大家見到個重點係

1. 我好緊張間公司嘅發展

2. 我好關心公司嘅營運表現

3. 所以我問左好多點解

4. 帶住依堆"點解" 去睇年報, 就係你嘅方向

好多時"無方向" 主要係唔知要搵啲咩嚟睇

我有少少建議:

假設(FF幻想), 手上依間公司係你唯一 亦係全部嘅資產

今日你有機會召見個CEO & 一眾管理層, 你有咩想問佢地?

記住, 你係一個老闆

會好緊張你唯一&全部嘅資產

關心佢嘅運作, 未來前景

過去嘅輝煌仲可唔可以持續?

未來競爭環境係點?

保持好奇心, 每事問!!!

好奇心

好奇心

好奇心

很重要, 講4次

雖然現實地一般小股東唔會召見到CEO, 但一份年報已經解答到你好多問題

而且, 你還有Google 大神

最後, 可以搵我一齊討論下😎😎😎😎😎

https://lookitsmathbook.blogspot.com/2019/04/0345.html
2019年4月26日 星期五 【0345維他奶..維維】

-----------------------------------------------------------------------------------------------------------

Buy me a coffee?

疫市增長的低調高息股

 Hi, 大家好!
買股票無非就係有息有升, 過去兩個月嘅"舊"經濟收息股都升返唔少, 去返大約4% 5% 樓下價位. 但另一邊廂都擔心緊業務受 Covid 影響, 派息可能會打個折頭. 今日再講一隻逆市之下都保持業務增長嘅收息股. 現價股息率有7% !!!!!!!!!!

必瘦站1830 真係逆市增長?

必瘦站全年盈利升13%

必瘦站截至3月底全年盈利增長13%，升至3.6億元。末期息每股29仙，另派發特別息每股5仙。

集團全年收益增長4%，達到12.41億元。香港業務收益增長4%，升至9.13億元。來自內地、澳門及澳洲的收益上升3%，升至3.28億元。

集團表示，社會動盪及新型冠狀病毒疫情嚴重影響公眾活動，到訪服務中心進行療程的顧客數量減少。不過，集團預期對業務的打擊較其他行業相對較輕。海外店舖因疫情須暫時停業，表現於2月及3月開始下滑。

2020-06-30 19:06

- RTHK 財經新聞

以上係一則關於 必瘦站(1830) 嘅業積新聞

照字面睇, 全年盈利增長13%

截止2019年3月31日 全年度

收益(Sales) 為$1,197,031(千元)

利潤(Profit) 為$319,033(千元)

而2020年全年度

收益(Sales) 為$1,240,950(千元)

利潤(Profit) 為$360,157(千元)

收益增長$43,919 (3.66%)

盈利增長$41,124(12.89%)

好似過去一年所發生嘅所有事都對佢無影響咁

但, 作為一個凡事fact check 嘅老闆, 又點會咁易下結論

依個時候, 我地其實可以望望 "中期業積", 睇下本身全年度嘅前6個月賺幾多

計一計數就知 下半年度嘅6個月其實賺幾多...

截止2018年9月30日 ->2019年度 嘅上半年 (6個月)

收益(Sales) 為$590,372(千元)

利潤(Profit) 為$159,959(千元)

而2020年度 嘅上半年 (6個月)

收益(Sales) 為$708,054(千元)

利潤(Profit) 為$242,879(千元)

收益增長$117,682 (19.93%)

盈利增長$82,920(51.83%)

well....整張圖啦不如

==================================================================

整夠兩張, 睇下邊張幫到你

依張time line 圖😂😂😂

依張整埋做Bar Chart 應該易啲明呱

==============================================================

結論

必瘦站唔係全個年度都做得好
而係上半年有正增長]

收益增長 19.93%

盈利增長51.83%

抵銷左下半年嘅業積倒退

下半年嘅收益倒退左12%

而利潤倒退左26%

->加埋全年先有「增長 」

建議

睇數唔好太快太易興奮

冷靜小心求證

公司業積 同 現實世界 係有關聯

必瘦站喺香港為重心

2019年9月 到 2020年3月 , 由反送中到武漢肺炎

邊有可能會生意好左?😂😂

某股神 某財金界KOL 都有買嘅公司, 其實有無錢賺?

依間公司係 BYD #1211 比亞迪股份

相信唔少人都有留意佢

「有國策, 有前景, 電子車大熱, 中國嘅Tesla......」

小弟最鐘意睇數簿, 今日就快快手咁睇下佢好唔好賺? 有無錢賺? 賺幾多?

(今日都係短篇blog)

小弟嘅習慣, 特別係工業/製造業公司, 睇"損益表"第一步就望下個毛利率先

毛利率好反映公司嘅產品價值

同一舊鐵點解apple 整iPhone , 小米整嘅紅米 售價可以爭咁遠? 有咩咁吸引消費者出高價去買同一舊鐵?

比亞迪 2019年嘅毛利率 = 18,075,993 / 121,778,117 = 14.8%

用幾間車公司比較下做個對比

• Lamborghini  59.1%
• Ferrari N.V. (NYSE:RACE) 52.1%
• Aston Martin Lagonda (LSE:AML) 35.6%
• AB Volvo (publ) (OM:VOLV B) 23.2%
• Tesla, Inc. (NasdaqGS:TSLA) 18.2%
• Toyota Motor  (TSE:7203) 18.0%
• Nissan Motor  (TSE:7201) 16.4%
• BMW AG (XTRA:BMW) 16.0%
• AUDI AG (XTRA:NSU) 14.8%
• 東風汽車 (SEHK:489) 13.3%

咁樣睇完會唔會更明白"毛利率"好反映到產品喺客人心中嘅價值?

至於比亞迪得14.8% ,各位可以思考下佢嘅產品: 

• 佢嘅電動車喺客人心中嘅定位係乜?
• 會係透過價格去競爭? 
• 定係非價格去爭取銷量? 服務? 品質? 
• 純綷為地球出一份力?
• 如果一個市場主要係透過價格去競爭, 大家覺得依個行業前景會係點?
• 會唔會競爭好大? 
• 如果競爭好大, 而某一間公司又主要靠價格去競爭, 佢嘅盈利會唔會穩定?
• 有無能力轉做高檔市場?

==================================================================

睇"損益表"第二步就會扣減下一啲其他收入/ 非本業嘅收入/ 合營聯營嘅盈虧, 我都會扣返走

主要係想粗略睇下間公司透過本業賺型幾多錢, 純利率係幾多

比亞迪 2019年嘅純利率

=溢利2,118,857 減 合營(435,311) 減 聯營12,535 減 政府補貼1,707,657 減 其他收入 1,974,950

=調整後溢利 (1,140,974) 

無錯, 佢係一個負數嚟

咁好似太高要求, 如果淨係扣走 政府補貼1,707,657呢?

=溢利2,118,857 減 政府補貼1,707,657

="只扣減補貼後溢利" 411,200 

純利率=0.0033%

換句話說, $100 賣車, 賺唔到$1

有財經KOL 話睇好依間公司, um...要好好思考下

可能你會問, 2019年啫

不如就睇夠10年望望?

如果睇得唔清楚, 有Google Excel

https://docs.google.com/spreadsheets/d/1EYSTMEEtb7ttHLcsfl0FRryM2INje0pXKywgAfKmvlA/edit?usp=sharing

講解下先

比亞迪由 2010年 到2019年嘅 "損益表" , 亦都張每個數 除以 "收入" 去計返個百分比

橙色項目, 就係我會做扣減嘅項目, 最後有"調整後溢利", 粗略咁去計返 比亞迪 本業嘅盈利能力

綠色部份, 溢利只扣減 政府補貼

2019年經扣減政府補貼後嘅純利率得 0.3%😂 

有幾個問題可以思考下

本身嘅溢利(純利)率 都只係大約1%-5%, 大家覺得依盤生意生唔做得過呢?

值唔值得做佢嘅股東呢?

有政府支持都係賺到2% 溢利

如果無埋補貼, 得0.3%, 依間公司可以挨得過風浪?

嚟緊個市場如果走向價格競爭, 而比亞迪嘅產品又唔能夠做到好大差異性的話

佢嘅前景會係點呢?

有個財金KOL 同你講間公司好勁嫁, 好有前景
但原來佢嘅盈利一大部份係靠補貼

咁係間公司勁? 定係政府勁? 😂😂😂😂

依個年頭凡事講求Fact Check

投資都唔例外

當然, 股票市場嘅升跌, 同公司本質又好似.....

===========================================================

有網友話個blog 有時會留唔到comments, 可以經以下途經瘋狂交流

Facebook

https://www.facebook.com/lookitsmathbook/

Blog

https://lookitsmathbook.blogspot.com/

Google Form 留意見

https://forms.gle/JEbZFFVcv6vnVsDb9

E-mail

DKLM10PM@gmail.com

==========================================================

初階書籍推介 (內有廣告link)

Hi,
是咁的, 過去都有D網友會問我有咩書推介去學會計
亦有留意有D 網友有心想學, 但無從入手

早排睇左本講"財報"嘅書
覺得幾適合一啲無會計根基嘅網友, 所以推介比大家


http://moo.im/a/jovIWX 

財報教授教你最高賺錢力
搞懂財報，創業、投資、理財無往不利

作者： 薛兆、徐林寬 
出版社：遠流出版
出版日期：2018/12/01 
ISBN: 9789573284055 

=======================================================

本書用一個故書形式, 由記帳, 到 盈收表/ 資產負債表/ 仲會講埋 現金流同 盈收之間嘅差別

亦會少少講到一盤生意點樣去計數達至"回本" (依個亦會係我下篇長文嘅主題...等下)

而一啲會計比率 , 同埋點樣簡單分析都用故事形式教埋大家

非常適合初學者

講多無謂, 比圖

由入帳, 到報表

一啲常用嘅會計比率

CVP - Break Even都有講到

======================================================

之前用Amazon 繁中書, 但發覺書量好似唔係好夠

見到有個YouTuber (AliceHaHa) 推介Readmoo

書量多好多, 又可以喺網上睇 (方便公司扮住工咁睇)

Readmoo 可以先做會員, 再揀書試讀 (通常頭半個 至一個Chapter)

可以喺網上做埋Highlight, 

依家都慣左用網上版咁睇

至於部mooink就可能遲下先買 (因為手上已經有部Kindle)

貼多次

http://moo.im/a/jovIWX  <<-書link, 好似係廣告嚟, 你買左我會收到錢 #sosad (第一次試玩)

=完=

IFRS 16 (使用權資產) 嘅影響, 配有數字例子

IFRS 16 (使用權資產) 嘅影響, 配有數字例子

有個位"新嘅IFRS項目"

依個係IFRS16, 關於租賃嘅, 對租客會有影響

例如:大快活租鋪,本身就係每年"租金"做rental expense 入落"損益表", 而"現金流"就係比左幾多cash業主就扣返幾多

而喺新IFRS16, 租約橫誇幾多年, 就會變成一個"權", 間公司可以使用依個鋪位嘅一個"權", 列入"使用權資產"歸落資產, 另一邊廂就係"租賃負債", balance sheet , balance done

3918 金界 2019 12 31 業積公告

發覺寫文寫太長其實都自己辛苦，因為寫寫下又會做下少research， 要整理下data
打字又唔係快😅， 寫寫下就一日至少 （小弟好難會坐定定）
又有少少point想寫下， 因為啲股真係自己買/繼續持有，一路睇，一路會諗野，唔寫又唔記得，無乜記性
咁所以就試下一路睇住份業積公告，一路寫下幾隻字，點都好過為左寫篇長而最後乜柒都無寫過
今日依篇文, 單純比大家跟住小弟, 點去睇份"業積公告", 及途中點諗野.
公司好詳細嘅分析就唔寫住, 同業比較, 前景計數都不會包括😂
(歡迎其他網友隨時留comments交流, 小弟宗旨都係拋磚引玉)

6823 派息長期over100% ? 虛擬銀行有無得炒?

依家暫時唔再問"安全?"

改口問"夠口罩?"

兩盒thx

好耐無出post, 日日胸office 有啲手痕, 寫篇短嘅巧唔巧? 無得唔巧

今日短篇關於 6823 HKT 香港電訊, 應該唔少人都買左嚟收息

喺某個投資谷入邊有兩個問題勾起左小弟嘅性趣

Question_1. 年年派息比率over 100%, 維唔維持到?

Question_2. 虛擬銀行概念, 6823有無得炒

現金流量表應該點睇? (Part 4/4)

Q & A

 

請問adjustment對公司嘅profitability及前景的啟示有幾大幫助？

好問題, 我都無諗過依樣野

試下答, 我望往0345 個例子

現金流量表應該點睇? (Part 3/4)

好, 去到依到講得七七八八, 樓上上上, 有個位"新嘅IFRS項目"

依個係IFRS16, 關於租賃嘅, 對租客會有影響

例如:大快活租鋪,本身就係每年"租金"做rental expense 入落"損益表", 而"現金流"就係比左幾多cash業主就扣返幾多

而喺新IFRS16, 租約橫誇幾多年, 就會變成一個"權", 間公司可以使用依個鋪位嘅一個"權", 列入"使用權資產"歸落資產, 另一邊廂就係"租賃負債", balance sheet , balance done

現金流量表應該點睇? (Part 2/4)

四個Case 寫完, 希望幫到大家理解些少

"營運資金變動Changes in working capital"

入邊除左 應收;應付;存貨

其實係講緊 流動資產 & 流動負債

流動資產增加 ->(現金少左)->(減)

流動負債增加->現金多左->加

例子 6033電訊數碼

大家望望6033 嘅流動資產/負債

現金流量表應該點睇? (Part 1/4)

Halo 好耐無見, 大家safe?

小弟無事, 安全

希望可以分享/教?點睇"現金流量表"

正題;

都好耐無出post, 大家如果有睇過之前嘅post 都可能留意到小弟每次睇數簿都注重cash flow statement 現金流量表

知道唔少巴打手足唔係會計背景, 睇income statment 同 balance sheet 已經少許吃力, 如果睇"現金流量表" , 特別係括號加加減減,乜乜增加但又要落括號, 減少但喺個表入面又係加嫁喎, 好鬼抵死, 睇到黑人問號

2189嘉濤...老人院生意好好做?

近排有幾隻新股上市, 比較多人講嘅係中煙 & 太興

太興有好短咁寫左幾隻字, 有性趣嘅巴打可以去依個post

https://lihkg.com/thread/1175880/page/3

或者可以去小弟個blog (利申, 未有廣告ad sense)

https://lookitsmathbook.blogspot.com/2019/05/blog-post.html

超簡短...太興6811

頭先望左下 #1314, 先唔計佢租鋪單野

翠華2012年招股書 以“收益”做分母 同2018年做比較

毛利都大約維持70%, not bad

但員工成本 由25%升到28%

折舊3% -> 5%

租金13% -> 18%

其他營運開支6% -> 9%

最後純利率(唔計JV)

13% -> 2%

睇返 太興，2016 2017 2018

毛率大約71%  not bad

但純利得7-9%

翠華本身有13%都跌到2%

自己諗下餐飲做唔做得過

太興招股書

百威英博啤酒

http://www.hkexnews.hk/app/SEHK/2019/2019051001/SEHKCaseDetails-2019051001_c.htm

招股書係到， 入面仲有好多位未填好，anyway都可以睇一睇佢數簿

小弟一開頭聽到"啤酒"公司上市, 有先入為主, 覺得麻麻

因為做生意嚟講, 依個年代, 做生產業嘅利錢唔太高, 競爭都唔細

加上新聞提及過佢上市係為還債<-依樣嚟講, 上市大忌, 咁多位想做老闆嘅你地要留意

有個frd 行埋嚟同你講盤生意好賺錢, 想搵你入股, 

你問佢, 咁好死?搵我入股? 有咩大搞作呀?

Frd: 無呀, 你買我嘅股份幫我還債

: !@#$%^&*()@#$%^&*@#$%^&*

https://www.am730.com.hk/news/%E8%B2%A1%E7%B6%93/%E5%88%86%E6%8B%86%E4%BA%9E%E6%B4%B2%E6%A5%AD%E5%8B%99-%E9%81%B8%E5%9D%80%E9%A6%99%E6%B8%AF-%E7%99%BE%E5%A8%81%E8%8B%B1%E5%8D%9A%E5%82%B3%E6%9C%88%E5%85%A7%E7%94%B3%E4%B8%8A%E5%B8%82-168762

新股「巨無霸」來了？外電指，全球最大啤酒生產商百威英博(Anheuser-Busch InBev，AB)計劃分拆旗下亞洲業務，最快本月在港上市提交申請，期望今年夏季掛牌，集資額料高達50億美元(約390億港元)，將用於還債等，或成為今年新股「集資王」。

市傳百威英博亞洲業務的估值達700億美元(約5,460億港元)，而早於今年1月已傳其委託摩根大通及摩根士丹利籌備上市工作。

好啦,咁開波前比幾個冧把大家

#0019 太古

#0345 維他奶

#0291 華潤啤

#0168 青島啤

#0236 生力啤

 

今次上市嘅亞太區業務當中包括越南/印度/中國/韓國/日本/澳洲

當中提到蚛蟈 係全球最大市場

亞太佔左全球37%, 中國佔左全球25%

招股書第68頁開始就係飛機文, 分析左亞太每個地區嘅增長點, 年均增長率

年均增大約1-5%

但會睇好高端市場/精釀啤酒 bla bla bla, 話明係飛機文, 大家睇下就算

百威過去透過不斷收購唔同地區品牌, 去增加自己嘅市佔率 & 品牌分散 (類似香港美心)

因為大家都估到啤酒市場 / 飲品市場都好難有大增長, 要發圍靠兩樣野

1.收購

2. 提高產品售價, 提高毛利, 所以依幾年都有好多 "精裝啤酒" "金牌啤酒" something like this (P91)

講講 百威亞太 點做生意

百威亞太有一部份係賣 "百威"旗下嘅品牌

依部份會向 母公司買返嚟賣, 亦都簽好合約嚟緊25年會獨家

另一部份會喺返當地嘅啤酒廠生產&銷售

原材供應有一部份都係同母公司簽好晒合約, 由老母提供採購服務

老母公司除左供貨供原料, 招股書都提及仲會提供 行政服務/ 存款/ 借貸 (現金池)

同老母之間嘅銷售生意佔左 '百威亞太'超過40% (P183)

關於"現金池"部份想講多少少:

母公司樓下好多唔同仔仔女女, 咁"百威亞太" 有錢剩嘅時候可以放喺老母到存款

其他仔仔女女要錢洗可以問老母借, 當然調返轉都得啦, 亦都會計返息

有咩好處呢? (P188)

1. 有閒錢又可以收下息

2. 等錢洗可以問兄弟借, 快過搵銀行借

3. 大家兄弟,同一個老母,盤數健唔健康, 一眼睇晒

第日見到關聯款項唔洗咁驚訝

門面野講完, 講下賺唔賺錢先, 依部份令我對佢好大嘅改觀, 我開段講過,先入為主覺得做制造業麻麻

首先睇太古#0019嘅可口可樂 (唔睇美國coca cola, 因為佢唔係單純制造咁簡單, 有搞下裝瓶廠, 又外判咁)

2018年報P47, 飲品業務

兩年純利 $2,034 & $1,719 計到純利率大約~5%

毛利未搵到

維他奶#0345之前都出文寫過下

毛利率大約~53%

純利率大約~12%

推廣、銷售及分銷費用 佔銷售額大約~26%

毛利率好反映到公司如何將原材料變成商品/一件值錢野嘅能力, 仲有佢嘅品牌價值

簡簡單嘅黃豆變成荳奶就可以賣一個 double

寫到依到, 講個唔太關事嘅例子 #0052 大快活

毛利率得~13%

純利率得~6%

睇得出幾大快活賣豬扒飯真係唔賺到幾多, 原材料來貨價/人工/鋪租 如果再加, 佢就仆得街

大家樂#341

毛利都係差唔多~12-13%

少少離左題, 返嚟繼續睇啤酒

華潤啤酒#0291, 係一間業務簡單嘅公司, 年報格式亦都係香港format, 有興趣學睇年報嘅巴打, 可以研究下

華潤啤比較多人識嘅牌子就係 雪花啤, 年報都提到公司會增加中高檔品牌, "匠心營造" ,"勇闖天涯superX", 整體營業額/銷售價 都有提升<-啤酒發圍就要靠依樣, 同一批麥芽, 點樣可以賣得貴啲?

平均每公升售價$0.2824RMB

毛利率由2017年~33% 提升到2018年~35%

純利率~3%

推廣、銷售及分銷費用 佔銷售額大約~17%

生力啤#0236 ,都係業務簡單,年報格式亦都係香港format, 有興趣學睇年報嘅巴打, 可以研究下

平均每公升售價$2.824RMB

毛利率~44%

純利率~1-2%, 如果扣走"其他收益"仲會負數添

銷售及分銷開支~32%

青島啤#0168 , 有無覺得奇怪, 點解生力啤&華潤啤我會講到 "年報香港format"

青島雖香港上市公司, 但之前香港嘅相關部門相關條例準許依批國內公司可以用返內地 format嚟做年報, any肥, 有興趣嘅巴打可以望下就明咩係"內地format"

平均每公升售價 $2.1645RMB

毛利率 ~37-40%

純利率~5-6%

銷售費用 ~18%

講返今日嘅主角: 百威亞太

平均每公升售價 $0.7638USD(2017年)->$0.8112USD(2018年)

換算返RMB大約 5.535  依到都唔多唔少反映左品牌價值, 樓上賣緊$2人仔一公升咋陰公

毛利率 ~55%

純利率~16% 

銷售費用 ~無獨顯示, 夾埋行政大約~33%

大家睇到"百威" 整體將麥芽轉成啤酒嘅賺錢能力, 亦都比同業強好撚多, 依樣係幾令我改變之前嘅睇法

再望落少少, 資產負債表, 依到有兩個位想講講

1. 商譽

2. 負債/現金流

商譽$13,151 佔左總體資大約一半, 知道有唔少巴打唔計會計底, 所以想講多少少

商譽係咪講緊"百威亞太" 個品牌好好?好正 所以就可以喺自己個balance sheet 整個'商譽'出嚟呢?-> 答案:唔係

咁個商譽 點出嚟嘅呢? 其實係佢之前收購左其他品牌好好嘅公司, 而令到佢有商譽

舉個例: #700騰訊依家資產值係 $38蚊, 而你依家要買佢要用$382

點解你會願意出咁嘅價去買資產只值$38嘅野呢? 因為好多野都計唔到落'資產'到, e.g. 佢同政府嘅關係, 獨市嘅生意, 馬化騰個大腦, 

$382-$38=$344 當你收購(買)騰訊嘅時候, 你嘅數簿 資產就會少左 Cash$344, 多左$38嘅資產, 另外仲有$344 嘅商譽

所以'商譽'只會係收購嘅時候先會出現, 然後只會出現喺'收購方'嘅數簿入面

睇返'百威亞太' ,因為早年收購左唔少其他嘅品牌, 都反映佢當時嘅收購係高嘅價錢

唔知會唔會太1999

負債/現金流

每年純利大約$1,000

營運現金流大約$2,000

計息負債大約$3,000

如果公司 keep住借新錢還舊錢, 只還息唔還本, 而亦都無新收購做的話

相信都可以keep 住派返晒賺返嘅Cash($2000) , 依個有待觀望

 

依盤生意寫到依到,少少個總結

百威亞太 係一個比老母賣出嚟還債嘅裙腳仔

仲要乜都要靠老母, 一部份嘅採購買貨,推廣,行政, 借錢儲錢

品牌賺錢能力唔差, 比同業嘅毛利 純利都高唔少

相信嚟緊銷量唔會有大增, 除非有收購

資產總額257億

淨資產 169億

聽聞佢依家估值700億

純利14億

PE 50倍

PB 4.14倍

唔少人excel 留commentsssss 話要睇估值, 咁無計啦, 做下樣計幾個出嚟

生力啤

PE 14-69 

現價PB 0.802 

過去十年EV/EBITDA 2-25, 現價大約11

華潤啤 

PE33-116

現價PB 5.397 

過去十年EV/EBITDA 7-33, 現價大約20

青島啤 

PE20-43

現價PB 3.26 

過去十年EV/EBITDA 9-22, 現價大約15

估值依家野小弟個人嚟講就覺得唔係太重要嘅一環, 首要揀左靚嘅公司, 之後反而睇大圍股市環境氣氛去買仲好

如果真係想睇各個Ratio 去睇值唔值, 個人嚟講 PE PB dividend Yield 都其實好夠

但就唔係同隔離左右比, 係同自己比, 同過去嘅自己高位&低位大約距離幾多, 咁就已經好夠

小弟出post 重點係睇數簿 , 估值我唔係唔識計,亦都唔難計, 公式已經有齊, 只係覺得計嚟意義不大

https://lihkg.com/thread/1142158/page/10

#237 位巴打係我嘅心聲

想要估值嘅巴打們都可以參考依個post, 亦都可以搵鍾記

0003中華煤氣

究竟香港仲有無人煤氣?有無增長?

香港計每年嘅客戶數目都有輕微上升, 但就無仔細講到係住宅定工商用戶數量

另外銷量都有增長, 同客戶量都維持~1~2%增長率

年報都有提及香港市場增長有限

0345維他奶..維維

維維 其實就…真係…無乜野好睇..所以都無乜野好寫

同馬明一樣, 係一個乖仔

因為之前機緣巧合之下, 做過下一份 Grp Project, 係寫維維

主要focus 係Acct Ratio, 同埋係用英文寫嘅

今次就懶得再寫新野, 就咁英文釋中文放上嚟

唔及 鉅仔公司咁爆, 因為真係無爆點, 好悶添

維維, 賣豆奶, 大豆食品, 亦都有其他飲品

市場: 中港澳, 澳紐, 星加坡, 亦都曾經打入過美國, 而最後賣左盤

2018開始打入 菲律賓市場

地域廣,依家40個國家

品牌效應, 維他奶, 香港人嘅品牌!

你地諗下, 麥精就係麥精, 維奶就係維奶, 入晒腦

會直接開口話:想飲維他奶, 想飲麥精

而唔係: 我想飲豆奶, 所以揀維他

企業型像健康, so far 未上過報紙頭板

公司策略:

講到明, 大陸! 其他地區平穩發展

Suppliers bargaining power:

但其實主要都係大豆價格

幾年嘅年報都無提及過有做相關嘅對沖

Buyers bargaining power

有一班忠實顧客

但非酒精/非碳酸 飲品市場好大

新競爭者

我地覺得好易進入市場, 

但維他有品牌性, 特別係大陸

「維他檸檬茶 爽過吸大麻」極速稱霸中國三大原因

https://hk.finance.appledaily.com/finance/realtime/article/20180925/58718822

有無代替品? 有!好多添!

但維他就係維他, 無得解

點樣帶利益比股東, 派息, 算係幾高嘅派息比

股息率低係因為價格實在太高

嚟緊潛在風險

新競爭者

大陸市場, 你懂的

內地市場銷售佔比總體, 由2013年得28% 到2018年佔57%

盈利能力

無需多講, 毛利率有改善嘅trend

而大陸增長係主力

外匯風險

內地盈利佔57%

香港只佔33%

有大約7% 係澳紐

維維財表用港紙, 公司只係好少嘅對沖

純利大約10%, not bad

2017年12%係因為出售美國分部

ROE 同純利率比較

當時我地揀左 內地蒙牛(其實可比性好低, 不過功課要求)

短期償債能力, 用左扣除"存貨"嘅Quick Ratio

仲有扣埋其他receivable prepay嘅Conservative acid-test Ratio

都有大約 1倍, 係幾靚仔

Current ratio=Total Current assets / Total Current liabilities

Quick ratio=(Cash + Short-term investments + Trade and other receivables) / Total Current liabilities

Conservative acid-test Ratio=(Total Current assets-Inventories-Other debtors, deposits and prepayments-Current tax recoverable-Assets of disposal group classified as held for sale)/ Total Current liabilities

Times Interest Earned analysis

主要睇賺嘅錢, 夠唔夠還息

因為一般長債都唔還本金, 淨係還息, 當係"公司資本"嘅一部份

見到維維 2018年賺嘅錢夠比息473次

主因係維維本身都無乜長債, 以短債為多

2018年更加係無晒長債

因為維維都無乜債, 講到依到其實都完

============================================================

少少結個尾

公司有護城河, 香港市場, 每年keep住20億 Sales Amount

增長靠內地市場, 都無其他地方可以

公司 Cash Flow 強勁, 亦都無乜負債, 公司係太保守, 定係好穩陣

依樣留返比咁多老闆慢慢思考

最後送上一張全部Ratio 嘅Cap圖

(有啲依家睇返可以有更好嘅計法, 但懶得唔改啦)

維維係好悶嘅一間公司, 但好適合初學Acct Ratio 嘅巴打去研究下

LIHKG 連登Q&A

Q1...點解會寫野?

眼見唔少Blog/ 專家去講一隻股票嘅時候都比較多寫佢嘅前景, 或多或少都係9up, 依類睇下就算..從會計角度/財務學上角度好似比較少見

自己鐘意睇年報嘅原因唔多唔少會FF自己係一個顧問/一個老闆, 去管一間公司, 去買一間公司(sor 中二病)

另外, 想進步, 想學野 就要同人多啲交流

無錯, 我想進步

**************************************************************************************