熱門文章

書單推介

推介 書單 update (2023年)

燒腦谷 谷友 想我update 下個書單 會計知識 ; 投資心態 ; 宏觀經濟 我經常都講「書」係最抵嘅投資, 一二百蚊拎左對方嘅心血走 下面書單係之前嘅整合 https://www.facebook.com/duncanlindesign

2019年6月28日 星期五

2189嘉濤...老人院生意好好做?


近排有幾隻新股上市, 比較多人講嘅係中煙 & 太興
太興有好短咁寫左幾隻字, 有性趣嘅巴打可以去依個post

或者可以去小弟個blog (利申, 未有廣告ad sense)

2019年5月30日 星期四

超簡短...太興6811



頭先望左下 #1314, 先唔計佢租鋪單野
翠華2012年招股書 以“收益”做分母 同2018年做比較
毛利都大約維持70%, not bad
但員工成本 由25%升到28%
折舊3% -> 5%
租金13% -> 18%
其他營運開支6% -> 9%
最後純利率(唔計JV)
13% -> 2%

睇返 太興,2016 2017 2018
毛率大約71%  not bad
但純利得7-9%


翠華本身有13%都跌到2%
自己諗下餐飲做唔做得過
太興招股書


2019年5月12日 星期日

百威英博啤酒





招股書係到, 入面仲有好多位未填好,anyway都可以睇一睇佢數簿

小弟一開頭聽到"啤酒"公司上市, 有先入為主, 覺得麻麻
因為做生意嚟講, 依個年代, 做生產業嘅利錢唔太高, 競爭都唔細
加上新聞提及過佢上市係為還債<-依樣嚟講, 上市大忌, 咁多位想做老闆嘅你地要留意

有個frd 行埋嚟同你講盤生意好賺錢, 想搵你入股, 
你問佢, 咁好死?搵我入股? 有咩大搞作呀?
Frd: 無呀, 你買我嘅股份幫我還債
: !@#$%^&*()@#$%^&*@#$%^&*

新股「巨無霸」來了?外電指,全球最大啤酒生產商百威英博(Anheuser-Busch InBev,AB)計劃分拆旗下亞洲業務,最快本月在港上市提交申請,期望今年夏季掛牌,集資額料高達50億美元(約390億港元),將用於還債等,或成為今年新股「集資王」。
市傳百威英博亞洲業務的估值達700億美元(約5,460億港元),而早於今年1月已傳其委託摩根大通及摩根士丹利籌備上市工作。

好啦,咁開波前比幾個冧把大家
#0019 太古
#0345 維他奶
#0291 華潤啤
#0168 青島啤
#0236 生力啤

 




今次上市嘅亞太區業務當中包括越南/印度/中國/韓國/日本/澳洲
當中提到蚛蟈 係全球最大市場
亞太佔左全球37%, 中國佔左全球25%

招股書第68頁開始就係飛機文, 分析左亞太每個地區嘅增長點, 年均增長率
年均增大約1-5%
但會睇好高端市場/精釀啤酒 bla bla bla, 話明係飛機文, 大家睇下就算

百威過去透過不斷收購唔同地區品牌, 去增加自己嘅市佔率 & 品牌分散 (類似香港美心)
因為大家都估到啤酒市場 / 飲品市場都好難有大增長, 要發圍靠兩樣野
1.收購
2. 提高產品售價, 提高毛利, 所以依幾年都有好多 "精裝啤酒" "金牌啤酒" something like this (P91)



講講 百威亞太 點做生意

百威亞太有一部份係賣 "百威"旗下嘅品牌
依部份會向 母公司買返嚟賣, 亦都簽好合約嚟緊25年會獨家
另一部份會喺返當地嘅啤酒廠生產&銷售
原材供應有一部份都係同母公司簽好晒合約, 由老母提供採購服務
老母公司除左供貨供原料, 招股書都提及仲會提供 行政服務/ 存款/ 借貸 (現金池)
同老母之間嘅銷售生意佔左 '百威亞太'超過40% (P183)

關於"現金池"部份想講多少少:
母公司樓下好多唔同仔仔女女, 咁"百威亞太" 有錢剩嘅時候可以放喺老母到存款
其他仔仔女女要錢洗可以問老母借, 當然調返轉都得啦, 亦都會計返息
有咩好處呢? (P188)
1. 有閒錢又可以收下息
2. 等錢洗可以問兄弟借, 快過搵銀行借
3. 大家兄弟,同一個老母,盤數健唔健康, 一眼睇晒
第日見到關聯款項唔洗咁驚訝


門面野講完, 講下賺唔賺錢先, 依部份令我對佢好大嘅改觀, 我開段講過,先入為主覺得做制造業麻麻

首先睇太古#0019嘅可口可樂 (唔睇美國coca cola, 因為佢唔係單純制造咁簡單, 有搞下裝瓶廠, 又外判咁)
2018年報P47, 飲品業務
兩年純利 $2,034 & $1,719 計到純利率大約~5%
毛利未搵到


維他奶#0345之前都出文寫過下
毛利率大約~53%
純利率大約~12%
推廣、銷售及分銷費用 佔銷售額大約~26%

毛利率好反映到公司如何將原材料變成商品/一件值錢野嘅能力, 仲有佢嘅品牌價值
簡簡單嘅黃豆變成荳奶就可以賣一個 double

寫到依到, 講個唔太關事嘅例子 #0052 大快活
毛利率得~13%
純利率得~6%
睇得出幾大快活賣豬扒飯真係唔賺到幾多, 原材料來貨價/人工/鋪租 如果再加, 佢就仆得街

大家樂#341
毛利都係差唔多~12-13%

少少離左題, 返嚟繼續睇啤酒

華潤啤酒#0291, 係一間業務簡單嘅公司, 年報格式亦都係香港format, 有興趣學睇年報嘅巴打, 可以研究下
華潤啤比較多人識嘅牌子就係 雪花啤, 年報都提到公司會增加中高檔品牌, "匠心營造" ,"勇闖天涯superX", 整體營業額/銷售價 都有提升<-啤酒發圍就要靠依樣, 同一批麥芽, 點樣可以賣得貴啲?
平均每公升售價$0.2824RMB
毛利率由2017年~33% 提升到2018年~35%
純利率~3%
推廣、銷售及分銷費用 佔銷售額大約~17%

生力啤#0236 ,都係業務簡單,年報格式亦都係香港format, 有興趣學睇年報嘅巴打, 可以研究下
平均每公升售價$2.824RMB
毛利率~44%
純利率~1-2%, 如果扣走"其他收益"仲會負數添
銷售及分銷開支~32%

青島啤#0168 , 有無覺得奇怪, 點解生力啤&華潤啤我會講到 "年報香港format"
青島雖香港上市公司, 但之前香港嘅相關部門相關條例準許依批國內公司可以用返內地 format嚟做年報, any肥, 有興趣嘅巴打可以望下就明咩係"內地format"

平均每公升售價 $2.1645RMB
毛利率 ~37-40%
純利率~5-6%
銷售費用 ~18%

講返今日嘅主角: 百威亞太
平均每公升售價 $0.7638USD(2017年)->$0.8112USD(2018年)
換算返RMB大約 5.535  依到都唔多唔少反映左品牌價值, 樓上賣緊$2人仔一公升咋陰公
毛利率 ~55%
純利率~16% 
銷售費用 ~無獨顯示, 夾埋行政大約~33%

大家睇到"百威" 整體將麥芽轉成啤酒嘅賺錢能力, 亦都比同業強好撚多, 依樣係幾令我改變之前嘅睇法

再望落少少, 資產負債表, 依到有兩個位想講講
1. 商譽
2. 負債/現金流

商譽$13,151 佔左總體資大約一半, 知道有唔少巴打唔計會計底, 所以想講多少少
商譽係咪講緊"百威亞太" 個品牌好好?好正 所以就可以喺自己個balance sheet 整個'商譽'出嚟呢?-> 答案:唔係
咁個商譽 點出嚟嘅呢? 其實係佢之前收購左其他品牌好好嘅公司, 而令到佢有商譽

舉個例: #700騰訊依家資產值係 $38蚊, 而你依家要買佢要用$382
點解你會願意出咁嘅價去買資產只值$38嘅野呢? 因為好多野都計唔到落'資產'到, e.g. 佢同政府嘅關係, 獨市嘅生意, 馬化騰個大腦, 
$382-$38=$344 當你收購(買)騰訊嘅時候, 你嘅數簿 資產就會少左 Cash$344, 多左$38嘅資產, 另外仲有$344 嘅商譽

所以'商譽'只會係收購嘅時候先會出現, 然後只會出現喺'收購方'嘅數簿入面
睇返'百威亞太' ,因為早年收購左唔少其他嘅品牌, 都反映佢當時嘅收購係高嘅價錢
唔知會唔會太1999

負債/現金流
每年純利大約$1,000
營運現金流大約$2,000
計息負債大約$3,000
如果公司 keep住借新錢還舊錢, 只還息唔還本, 而亦都無新收購做的話
相信都可以keep 住派返晒賺返嘅Cash($2000) , 依個有待觀望

 



依盤生意寫到依到,少少個總結
百威亞太 係一個比老母賣出嚟還債嘅裙腳仔
仲要乜都要靠老母, 一部份嘅採購買貨,推廣,行政, 借錢儲錢

品牌賺錢能力唔差, 比同業嘅毛利 純利都高唔少
相信嚟緊銷量唔會有大增, 除非有收購

資產總額257億
淨資產 169億
聽聞佢依家估值700億
純利14億
PE 50倍
PB 4.14倍

唔少人excel 留commentsssss 話要睇估值, 咁無計啦, 做下樣計幾個出嚟

生力啤
PE 14-69 
現價PB 0.802 
過去十年EV/EBITDA 2-25, 現價大約11

華潤啤 
PE33-116
現價PB 5.397 
過去十年EV/EBITDA 7-33, 現價大約20

青島啤 
PE20-43
現價PB 3.26 
過去十年EV/EBITDA 9-22, 現價大約15

估值依家野小弟個人嚟講就覺得唔係太重要嘅一環, 首要揀左靚嘅公司, 之後反而睇大圍股市環境氣氛去買仲好
如果真係想睇各個Ratio 去睇值唔值, 個人嚟講 PE PB dividend Yield 都其實好夠
但就唔係同隔離左右比, 係同自己比, 同過去嘅自己高位&低位大約距離幾多, 咁就已經好夠
小弟出post 重點係睇數簿 , 估值我唔係唔識計,亦都唔難計, 公式已經有齊, 只係覺得計嚟意義不大
#237 位巴打係我嘅心聲
想要估值嘅巴打們都可以參考依個post, 亦都可以搵鍾記

2019年5月2日 星期四

0003中華煤氣

究竟香港仲有無人煤氣?有無增長?
香港計每年嘅客戶數目都有輕微上升, 但就無仔細講到係住宅定工商用戶數量
另外銷量都有增長, 同客戶量都維持~1~2%增長率
年報都有提及香港市場增長有限

2019年4月26日 星期五

0345維他奶..維維

維維 其實就…真係…無乜野好睇..所以都無乜野好寫
同馬明一樣, 係一個乖仔

因為之前機緣巧合之下, 做過下一份 Grp Project, 係寫維維
主要focus 係Acct Ratio, 同埋係用英文寫嘅

今次就懶得再寫新野, 就咁英文釋中文放上嚟
唔及 鉅仔公司咁爆, 因為真係無爆點, 好悶添

維維, 賣豆奶, 大豆食品, 亦都有其他飲品
市場: 中港澳, 澳紐, 星加坡, 亦都曾經打入過美國, 而最後賣左盤
2018開始打入 菲律賓市場
地域廣,依家40個國家
品牌效應, 維他奶, 香港人嘅品牌!
你地諗下, 麥精就係麥精, 維奶就係維奶, 入晒腦
會直接開口話:想飲維他奶, 想飲麥精
而唔係: 我想飲豆奶, 所以揀維他

企業型像健康, so far 未上過報紙頭板

公司策略:
講到明, 大陸! 其他地區平穩發展

Suppliers bargaining power:


但其實主要都係大豆價格
幾年嘅年報都無提及過有做相關嘅對沖

Buyers bargaining power
有一班忠實顧客
但非酒精/非碳酸 飲品市場好大

新競爭者
我地覺得好易進入市場, 
但維他有品牌性, 特別係大陸
「維他檸檬茶 爽過吸大麻」極速稱霸中國三大原因

有無代替品? 有!好多添!
但維他就係維他, 無得解

點樣帶利益比股東, 派息, 算係幾高嘅派息比
股息率低係因為價格實在太高


嚟緊潛在風險
新競爭者
大陸市場, 你懂的
內地市場銷售佔比總體, 由2013年得28% 到2018年佔57%

盈利能力
無需多講, 毛利率有改善嘅trend
而大陸增長係主力


外匯風險
內地盈利佔57%
香港只佔33%
有大約7% 係澳紐
維維財表用港紙, 公司只係好少嘅對沖

純利大約10%, not bad
2017年12%係因為出售美國分部
ROE 同純利率比較
當時我地揀左 內地蒙牛(其實可比性好低, 不過功課要求)


短期償債能力, 用左扣除"存貨"嘅Quick Ratio
仲有扣埋其他receivable prepay嘅Conservative acid-test Ratio
都有大約 1倍, 係幾靚仔
Current ratio=Total Current assets / Total Current liabilities
Quick ratio=(Cash + Short-term investments + Trade and other receivables) / Total Current liabilities
Conservative acid-test Ratio=(Total Current assets-Inventories-Other debtors, deposits and prepayments-Current tax recoverable-Assets of disposal group classified as held for sale)/ Total Current liabilities

Times Interest Earned analysis
主要睇賺嘅錢, 夠唔夠還息
因為一般長債都唔還本金, 淨係還息, 當係"公司資本"嘅一部份
見到維維 2018年賺嘅錢夠比息473次

主因係維維本身都無乜長債, 以短債為多
2018年更加係無晒長債

因為維維都無乜債, 講到依到其實都完

============================================================

少少結個尾

公司有護城河, 香港市場, 每年keep住20億 Sales Amount
增長靠內地市場, 都無其他地方可以

公司 Cash Flow 強勁, 亦都無乜負債, 公司係太保守, 定係好穩陣
依樣留返比咁多老闆慢慢思考


最後送上一張全部Ratio 嘅Cap圖
(有啲依家睇返可以有更好嘅計法, 但懶得唔改啦)
維維係好悶嘅一間公司, 但好適合初學Acct Ratio 嘅巴打去研究下


LIHKG 連登Q&A

Q1...點解會寫野?
眼見唔少Blog/ 專家去講一隻股票嘅時候都比較多寫佢嘅前景, 或多或少都係9up, 依類睇下就算..從會計角度/財務學上角度好似比較少見
自己鐘意睇年報嘅原因唔多唔少會FF自己係一個顧問/一個老闆, 去管一間公司, 去買一間公司(sor 中二病)

另外, 想進步, 想學野 就要同人多啲交流
無錯, 我想進步
**************************************************************************************

睇李數簿...1038長江基建..鉅仔


睇利數簿...0240利基控股..基基




雖然忙緊, 係好撚忙嗰隻, 但手痕發作,想野寫下, 刷下存在感
好多公司想寫(我係一個心多嘅人, 壞作嘅人)

好快好快咁寫9up一篇
見出邊基基個post好heat咁

利基控股(00240.HK) -0.030 (-1.935%) 公布2018年止年度業績,收入63.05億元,按年增加5.3%。錄得純利4.12億元,增長123.7%,每股盈利33.2仙。末期息4.4仙,上年同期派3仙。(de/d)(報價延遲最少十五分鐘。)
上面係aastock 業積公告

純利增長123.7% 又係好撚勁 (可以參考返 鐵塔2019年第一季業積)

2019年4月21日 星期日

0788 中國鐵塔2019年第一季業積



原來佢個季度業積公告無乜野睇
再加上2019年有新嘅 會計準則 轉左 ,有啲野有難睇 / 好難估
(依兩年好似有三樣轉左, IFRS 16號:租賃 ,9號:金融資產 ,15號:收入/合約)
所以可能會令咁位失望

如何入手睇人數簿?

想請教你點樣學睇財報 
應該點樣入手學
唔洗請教嘅,開心些牙 拋下磚

我另一個Post 有講過下, 年報太大份可以睇 業積公告 or 分析員簡報
前者HKEX advance 搵到
後者唔係間間公司有,公司官網可以搵到
唔識Acct 數字嘅, 睇文字都可以大約了解公司嘅經營情況

另外 心態係 “好奇心” & “我間公司今年run成點”
Accounting ratio 唔太識入手嘅,其實就咁用百分比(%) 都可以搵到一啲 年報上嘅 奇怪位 得意位, 之後再慢慢去 drill down

如果問我有無書推介, 我會推 鍾記 止凡 仲有一位比較係 “Bittermelom苦中作樂”
都係有寫Blog 寫書
懶瞓書嘅,睇人地寫嘅blog 係唔錯,
btw...我用 “Feedly”, 睇blog RSS feed

利申 書我有買嘅,但個人比較懶睇三分一就會
放埋一邊

2019年4月16日 星期二

2778 冠君


第一!好緊要!利申, 小弟持有 冠君2778股份

講下無聊野先
實有人問, 年報咁撚多頁, 有無得睇少啲
其實, 都算係有嘅

有兩個建議
一, 可以睇"業積公告" 
咁依份野有咩特別呢, 佢通常都會用最簡單黑白排版, 無花巧設計, 張年報入邊關於公司過去一年成績, 有咩重大事項, 每part嘅收入,成本,資產,負債 升左跌左, 多左少左, 都有純文字說明解釋, 對於一啲唔太識會計/會計比率嘅朋友仔係幾好嘅幫助
喺google "HKEX ADV" ,港股所披露易

二, 可以去返各上市公司嘅官網, 會有一份叫"股東簡報" / "分析員簡報" ,懶睇字嘅朋友仔可以望下依份power point, 通常都會配圖表去表達升左跌左, 多左少左, 算係相對簡單咁入手
但就唔係間間公司都會有upload,
[9up]非正式統計, 有依份簡報比公眾睇嘅公司多數都唔會衰得去邊[/9up]

**************************************************************************************

講返君君
成日話買股票=自己做老闆, 望望個管理層先 (2018年P17)
CEO 38歲, so call靚女 ibanker出身 (算係靚女CEO啦, 以一間有實業,又有實力嚟講, 唔好要求咁高)
投資總監 46歲
業務總監 34歲
營運總監 52歲
財務主管 44歲
合規經理 48歲
內部審計 44歲
兩個字, 年青才幹!
上市房地產公司嚟講, 真心算係後生
望落少少有個表, 講到員工流失率 0%, 睇到依到, 有鼓入去做staff嘅衝動

真。開波, 依間公司唔似之前寫嗰兩間咁多奇怪特別位, 可能大家會失望

冠君最出名嘅兩個物業就係 中環ICBC CITI Tower, 同埋朗豪坊, 亦都係謹有嘅兩個物業
中環出租率有99%, 而朗豪坊大家行過借廁所都知, 計埋上面寫字樓100%出租率
年報顯示中環依家平均呎租收緊$98, 有大約70%係租緊比 銀行/資產管理 金融公司
朗豪office 收緊$42, 當中可能大家無乜留意, 接近60%係做緊健身/美容/醫美/身體檢查
記得CEO講過, 朗豪成個流程好順咁, 樓上打完美容針,做完facial 就落樓下場行返幾個圈買衫買化粧品
咁樓下商場平均收緊$184一呎, 留意返會係分兩part, 有分成租金, 大約佔朗豪商場租金收入嘅20%
大約有40% 賣衫, 22%做餐飲, CEO講過話都希望續步要求租戶加多啲餐飲比例, 但鋪位都可能改做餐廳, 所以大家行過就會發現有啲賣衫賣鞋,開多個counter 仔賣下雪糕咖啡咁
作為業主嘅冠君又可以收多啲分成租金

**************************************************************************************

講戲玉部份, 咁收租股有無得增長先大佬! 唔通等佢妹下妹咩!!
年報P54 開始就係測量師做嘅估值報告書, 好詳細咁講左點計幢大廈幾錢
P61 講到朗豪寫字樓 2019有大約37%租約到期, 2020年26%, 2021年10%
單計依三年, 到期前都分別收緊$45, $41, $45 一呎, 而P8 有提及到開始新訂嘅租金都會$50 收上
旺角區甲級寫字樓真係絕無謹有, 不過有一次訪問都提及過, 九龍東供應嚟緊都會增加, 而相對地租金又較平, 可能會令到一部份租戶轉場
但另一面睇, 旺角地點獨特, 加上面都講過其實依家會變成做美容醫療相關為主, 而依班都係做內地客為主, 較難搬走(班大陸友最熟就係MK)
所以$50一呎係無問題嘅, 都會keep住上
成交緊$52 $53


**************************************************************************************
之後P63 講到商場部份, 咁平均收緊$184
當中最誇一頭一尾都可以同大家講下
2023年到期嘅一個租戶, 月租$843,780 面積2058呎 , 呎租$410
(有無巴打估到係邊間鋪)

而2024年到期嘅有一個租戶, 租緊44740呎, 呎租$116
一般嚟講 戲院平均租金係會平過其他零售租金,主要係相信佢可以帶到一個超大人流比商場,同埋租得無咁煩,同一間公司傾好就搞掂

Adidas 租緊都係$367 , 好奇想知$410 係邊個 無理由係七仔呱

覺得似係天鵝牌水晶店

2018年計 朗豪商場淨租金收入 估冠君整體約 33%
寫字樓部份約 13%



**************************************************************************************
年報P81
講到 中環花園道3號嘅估值報告
依到望到 2019 2020 2021年 分別都都大約30% 嘅租係到期 而依推睇睇計數機,大約收緊 $95 $102 $88一呎
相信到時如果大環境唔係大方向轉差,都會可以加租到$150 或以上
始終中環區都有一個獨特嘅地位,唔係咁易取代
不過有個要留意嘅位,和黃大廈& 美利道停車場 大約四至六年後會落成,到時中環甲級寫字樓會供應多返,但相信影嚮不大

測量師報告寫到依到
大家都可以望到大部份租約偏向3年期,其實依個對業主&租户都有好處嘅,彈性大啲



**************************************************************************************

望埋三大報表
Income statement
要留意嘅位係 net profit $7,812,057
有$6,411,601 係兩幢大廈嘅估值增所帶來嘅收益 , 所以大家想計君君嘅PE市盈率 係要扣返佢出嚟
咁係咪扣左就可以計先?又唔係喎
同一般公司比,放租公司係無計到 depreciation折舊落去嘅
係囉!?點解唔洗計嘅?

依到涉及到會計 standard嘅野
簡單咁講
自用嘅物業會用“歷史成本”(當初買入時嘅成本價)入賬,再跟返使用年期,剩餘地價去做折舊
(2007年收購價為$22,670,000千元 =226億)

而收租嘅物業就會搵測量師去估返幢樓值幾錢去入帳,面當中係有計量幢大廈用舊左幾多嘅,但就唔會獨立反映出嚟
咁估嘅方法有好多,但都離唔開 市價啦 or 未來租金收入再換算返今日值幾錢 
樓上所提到嘅估報告有寫點計,有性趣嘅巴打可以自己研究下
逾加租, 物業逾值錢, 好正常不過



2018年融資成本 $418,187 
但預計嚟緊2019會下調, 下段會講講

資產負債表
都無乜特別為, 相對易睇
留意嘅為主要係"投資物業"升值左唔少
而負債有 $3,696,715 (37億) 會係2019年到期
講到依到, 心清少少嘅巴打都知REITS 要用90% 可分派收入比股東
係啦, 要找數37億, 點算好?
一係賣樓, 一係借新錢還舊錢
是次5年期融資包括50億元的定期貸款及約3億元的循環貸款,年利率為香港銀行同業拆息加95點子。
定期貸款的所得款項除為本年到期的37億元有抵押貸款作再融資,亦為2021年到期的13億元有抵押貸款作出提前還款。
冠君行政總裁王家琦表示,此5年期無抵押貸款將優化該公司的信用結構。有抵押貸款的比例將大幅由63%降至30%,而債務還款期亦將一舉延長。

今次新借嘅成本大約係 HIBOR加0.95
睇返依家HIBOR大約1.9左右, 加埋.95大約 2.85
望下2018P175, 有列表講返做緊嘅"中期票據"大約幾多息, 見到有個係3個月HIBOR 加1.275
有啲都上到3-4%, 都算較佢依家新借嘅貴
相信君君嚟緊都會借新還舊, 慳唔少丫大佬

咁有部份巴打可能會問, HIBOR加 0.95 算唔算貴呢?
你地望下自己供樓H按加幾多? 一個係有抵押, 人地就無

新地簽200億元5年期銀團貸款 年息率Hibor加75點子
比多個參考大家, 新鴻基

現時, 君君負債比大約 17.6%, REITS 要求唔可以高過45%
負債比, 分母就係資產啦(廢話)當中最關建嘅當然係兩幢樓, 而租金會影響估值
咁其實就係一個 加租->加按層樓->再買新樓嘅遊戲

2018年總資產約850億, 45%借貸比率=382億
扣返手頭上150億負債, 大約可以借多230億去買新嘅物業
靚女講到話香港現時比較難搵步收購目標, 買地都比較難(中資相對進取)


可能會留意英國執平貨


總結下
佔比53%中環會嚟緊加租66% ($150-$90)
佔比13%嘅朗豪寫字樓加租25% ($50-$40)
佔比34% 商場加租, 小弟相信同過往一樣, 不過都好視符經濟 or 自由行影響
總體租金增長幾多, 太長懶得計
未來增長位要睇下會唔會收購成功, 簡單咁計 230億 除 850億
粗略咁計可以整體增25%(如果收購成功的話)

**************************************************************************************
🔴🔴🔴Patreon支持: 港股美股英股估值

🟡🟡🟡YouTube Channel

🟠🟠🟠Blog: 業績分析, 會計技巧

🟦🟦🟦Facebook Page

🟩🟩🟩若果寫嘅野幫到你, 請我飲咖啡? PayMe!

2019年4月7日 星期日

0788中國鐵塔


今日寫嘅一篇, 挑戰幾大, 因為要睇嘅唔係一份年報, 而係搭多份IPO


今次點解寫塔塔呢, 主因都係身邊多人講, 多師奶講, 多財演講
發展5G bla bla bla bla ...........
好!就睇下你個塔係咪真係咁撚把炮

2017年市場份額 96.3%
三大股東係國內三大電訊商
上市前 中移動 中聯通 中電信 佔左94%
上市後 中移動 中聯通 中電信 佔左69%
仲有 中國國新 持有4.4% (中国国新控股有限责任公司于2010年经国务院批准成立)

三大營業收入貢獻98.5%
都係三大股東
睇到依到, 五個字 "左手交右手"

繼續, 仲有好多吊鬼嘅地方

"定價政策"
喺IPO本數簿入面用左大約十幾廿板寫左收費係點定價嘅, 有晒分類, 有晒計價公式 (IPO Page 183開始)
簡單嚟講, 賺幾多, 就係你建設/成本幾多on top 加某個百分比
"搞手只求打個和,大家開開心心玩返晚"

減價!!! (IPO P'181)
(1) 將塔類產品的成本加成率由15%調整為10% (On top個百分比向下調)
(2) 將塔類產品的基準價格共享折扣由分別20% & 30% 提高到30% & 40%
(5) 調整後的定價自2018年1月1日開始執行
補充講下咩叫共享折扣, 如果起好一枝鐵塔, 得一個電訊商用就無折頭, 如果多一個一齊用, 咁就"共享"啦 (IPO P'6 & 147)
大陸係咪咁鐘意"共享"依個字, 叫雞可唔可以係共享經濟

另外講下IPO書睇到嘅特別野
佢地有講到業務流程
簡單講, 就係電訊商想喺邊個位起發射站, 就會叫788去搵地方,同當地政府/業主傾租/買
之後起好就跟返"成本加成率" 收租戶(三大股東), 如果一齊租嘅,比返共享折頭

咁其實起一碌鐵塔又點止只做做4G 5G
當中有提到另一個增長點係喺個塔上面再租比 政府做環保監控/視頻監控/ 租比電視/衛星等等
(IPO P'111) 有提到依方面嘅整體市場增長率&份額
政企通信網&視頻監控市場&環境數據採集市場
依三舊野喺2017份市場總額為229十億, 去到2022年預計有423十億
咁當中好似無寫到依家公司有幾多係做緊依方面嘅生意, 睇返#03, 我當佢剩底嘅1.5% 全部都係做依方面, 比佢增長一倍, 又有幾多呢, 增夠十倍好未?

上市預計扣除費用佣金有 51,336 mil RMB (最後集資收到$50,357)
當中計劃60% 係資本開支 ($30,214)
30% 係還債 ($15,107)
10% 日常開支

IPO嘅寫到依到, 咁開始講下2018年年報, 最記得嘅係好多人屌鬼話佢低息

**************************************************************************************

賺錢多左無乜特別位, 唔講了
不過依盤生意好似麻麻地地好搵 $2,650 除 $71,819 = 3.6%:o)
相信有研究開股票嘅巴打都會知3.6% 嘅生意其實真係唔算太吸引
不過都要補充返, 依類公司前期投入金額大, 重資產, 折舊比較大, 
$2,650 加返折舊 $32,692 再除 $71,819 = 49% (咁就靚仔好多)
所以政府都做左個超大助攻, 更改折舊年期!!! 所有自己起嘅鐵塔嘅折舊年期由20年改成10年, 好簡單咁計, 折舊金額可以減半, 純利就會上升

但係咁, 個政策只係包括"自建地面塔", 所以2018年因為依方面嘅折舊只係減少左$2,372 , 對比成個折舊$32,692 嘅幫助唔算話太大
再睇返2018年純利2,650 ,如果減返2,372個折舊政策優惠, 咁其實純利就只有 $278(純利率變到只0.387%)

咁如果其他塔嘅折舊都可以年期 double , 係咪純利就可以爆升呢?
又唔一定喎(係咪想打爆我)
(IPO P'299) 當中計左個新舊政策對折舊 & #06減價 兩樣一齊對純利嘅影響
折舊少左, 其實都會影響到#061 嘅定價方程式, 售價會相應減少, 再加上個"成本加成率"減少&共享定價, 最後結果係點, 大家諗都諗到

**************************************************************************************

之後望望 資產負債表
總資產係上市之後細左, 現金細左, 但應收款多左(#23會再講)
在建工程 加PPE 總額細左, 喂#091 唔係話上市集資增加資本開支咩?
股本增加, 負債減少(細左$40,043) , 但利息支出有增無減(2018年$6,007 #2017年$5,283)

講返 應收款多左, 有睇開段嘅巴打都應該記得, 收入來源係三大股東
自己拖自己數, 好奇心望下邊條仆街唔找數
以下係平均找數期天數 (年尾餘款 除 整年銷售金額 乘 365天)
中國移動 由2017年嘅61日增加到71日 (金額計最大都係佢, 過半數)
中國聯通 44日->55日
中國電信 62日->65日


**************************************************************************************

"現金流量表" 當中顯示用左Cash $32,713 去買PPE
但睇返PPE 個列表只係"增置"左$1,885 計埋增置"在建工程" $23,860 
(依個位真係唔識睇, 啲錢去左邊)
仲有 又話用$30,214資本開支

另外都見到集資所得反而大部份拎左都還債, 仲要借新錢還舊錢
睇埋"經營現金流" 有$45,540 (依個數之後備用)

(2018年計息負債)比上年少左$40,043, 但都有成$99,010
有一半係 定息債 另一半係浮息債
整體債務當中有一年內還款嘅係$80,328 (Page156)
當佢手頭上現金係 $4,836 ,一年經營現金流入只有 $45,540
仲有"資本承擔" 簽好晒約嘅金額有 $1,343
Oh, GG!!!!!

佢今年仲肯用$396 嚟派息真係算係咁
不過長遠嚟講, 依隻鐵塔係有原因派得出高息, 高過佢本身嘅純都係可以嘅
望返#12 因為當中有接近一半嘅純利係比"折舊"食左, 大家都知"折舊"係唔影響佢嘅 cash income嘅
之後嘅換新資產就由負債去做support 
望過下中移動現金有 $120,636
其實可以好似6號仔咁玩, 三大股東借比鐵塔, 一個有大量idle cash, 一個可以用平啲嘅息借錢, 鐵塔只係佢嘅聯營公司, 利息可以入帳, 一舉幾得

**************************************************************************************


好, 埋個尾, 講咁耐, 買唔買得過先, DNLM
我地簡單啲, 望PE
中移動 12倍
中聯通 27倍
騰訊都只係39倍
近排升到得好撚勁嘅維他奶 70倍
鐵塔 93倍PE
"減價", 短期內唔夠cash, 就算5G 幾勁, 當你純利double, PE都要46倍, 值唔值? 你地諗
睇派息, 如果佢真係做到跟 "經營現金流" 嚟計派息, 都唔錯嘅


**************************************************************************************
🔴🔴🔴Patreon支持: 港股美股估值

🟡🟡🟡YouTube Channel

🟠🟠🟠Blog: 業績分析, 會計技巧

🟦🟦🟦Facebook Page

🟩🟩🟩若果寫嘅野幫到你, 請我飲咖啡? PayMe!

**************************************************************************************

6號仔唔靠發電? 唔洗交香港稅?

入得嚟財經台都對股票有些興趣, 眼見唔少Blog/ 專家去講一隻股票嘅時候都比較多寫佢嘅前景, 或多或少都係9up, 依類睇下就算
從會計角度/財務學上角度好似比較少見
自己鐘意睇年報嘅原因唔多唔少會FF自己係一個顧問/一個老闆, 去管一間公司, 去買一間公司(sor 中二病)

依排三四月又係出業績嘅季節, 每日都會上HKEX 望下有無公司新野出
上兩禮拜咁o岩睇到6號仔, 一路以嚟嘅印像就係 #賺錢 #電能 #李家 #發電 #海外市場 #水電煤 好似樣樣都有
但我再睇睇望真啲, 改觀左唔少, 原來佢已經無再發電, 兼且開始更加佩服誠哥(同埋佢樓下嘅班底)

開波!!!