熱門文章

書單推介

睇左佢地未? 未睇就話學投資?

是咁的,不時都會有網友PM 我問想學睇年報, 想學投資 問我有無咩書推介 必睇 今日推介幾本我覺得幾啱新手睇嘅 會計 入門書; 中階書; 估值書 當然亦會有一啲講投資「大道理」嘅書 書睇過好多, 但真係覺得有用, 有insight 嘅兩隻手數晒 希望今次幫到大家慳返唔少時間去搵書 揀書

2020年3月31日 星期二

HKTV 同Tsla 幾時先會有盈利? - CVP Break-Even

依篇係計數文/悶嘅

是咁的
好似有唔少人(其實得幾個)留comments 比小弟
話想睇下1137 HKTV
其實佢又無乜特別嘅, 特別在好多人一窩蜂咁衝入去買(炒?)
依一類未有盈利嘅公司, 係真係幾引起小弟嘅好奇

2020年3月29日 星期日

初階書籍推介 (內有廣告link)

Hi,
是咁的, 過去都有D網友會問我有咩書推介去學會計
亦有留意有D 網友有心想學, 但無從入手

早排睇左本講"財報"嘅書
覺得幾適合一啲會計根基嘅網友, 所以推介比大家


http://moo.im/a/jovIWX 


財報教授教你最高賺錢力
搞懂財報,創業、投資、理財無往不利

作者: 薛兆、徐林寬 
出版社:遠流出版
出版日期:2018/12/01 
ISBN: 9789573284055 

=======================================================

本書用一個故書形式, 由記帳, 到 盈收表/ 資產負債表/ 仲會講埋 現金流同 盈收之間嘅差別

亦會少少講到一盤生意點樣去計數達至"回本" (依個亦會係我下篇長文嘅主題...等下)

而一啲會計比率 , 同埋點樣簡單分析都用故事形式教埋大家

非常適合初學者

講多無謂, 比圖


由入帳, 到報表

一啲常用嘅會計比率

CVP - Break Even都有講到

======================================================

之前用Amazon 繁中書, 但發覺書量好似唔係好夠
見到有個YouTuber (AliceHaHa) 推介Readmoo
書量多好多, 又可以喺網上睇 (方便公司扮住工咁睇)

Readmoo 可以先做會員, 再揀書試讀 (通常頭半個 至一個Chapter)
可以喺網上做埋Highlight, 

依家都慣左用網上版咁睇
至於部mooink就可能遲下先買 (因為手上已經有部Kindle)

貼多次
http://moo.im/a/jovIWX  <<-書link, 好似係廣告嚟, 你買左我會收到錢 #sosad (第一次試玩)


=完=


2020年3月21日 星期六

廢文: 2020 Mar 21 自我檢討

今日係 2020年03月21日星期六
繼續冷靜下, 寫下廢文
唔係自謙, 之所以稱為"廢"
係因為每人經歷/感覺唔同, 未必適合每一位click 到入嚟嘅你地

寫手係我, 第一號讀者係若干年後嘅我
特別在此建議今日仲睇緊小弟嘅網友, 都試下寫一篇屬於你自己嘅廢文
人類記憶有限...





跌完未真係唔知, 估唔到
先寫下依個星期諗到嘅野先, 其實諗過好多野, 搭車時飄過好多idea
但無乜幾多記得

1. 功課
無論升市定跌市, 都係要keep住做功課, 係日常咁做功課, 睇年報
股又好, 債又好 invest grade , junk bond, ETF, ETD, 乜都好
跌市無論大定細, 地區性定環球, 甚至個股唔知點解大跌

兵慌馬亂,就係偷雞執野好時機
市場唔會喺個價跌完再等你慢慢做功課睇佢數簿

今次2020金融肺炎, 唔少股都跌左20%-50%
更多人估唔到嘅係, 連債都會大跌, 因為有唔少係被call margin , 出現大擘價
有做開功課嘅, 就可以依個時候, 大膽少少, 掛個靚價, 真係隨時執到雞
(利申返先, 我個盤無持有過任何債/優先股, 都係見到其他谷友嘅操作)
當然股都係啦, 疫症發生, 如果係有做開功課, 就知道對現時持有緊嘅公司有無影響, 有幾多影響, 影響可以有幾深

做到"心中有數"就可以隨時靚價出擊
名句"別人恐懼我貪婪", 其實有個前設, 就係你睇到人地睇唔到嘅野
講真, 股海入邊, 有幾多個真係了解間公司
當你知道別人嘅恐懼係幾咁多舊餘, 就係我地去貪婪嘅時候

2.分散
依到講緊嘅有兩個層面

2.1 自己投資產品嘅分散
早排有位網友介紹嘅RQI 睇落好靚仔, 如果當時all in 左
今日應該GG 晒, 因為佢跌得多過大市, 高位計已經無左54%
對比美股大市只係30%
無論咩股好, CEF ETF, 邊種assets 都好, GLD TLT ETD JUNK BOND, INVEST BOND
幾靚嘅野, 都會free fall
今次連TLT GLD都會drop, 但至少會有分別drop得多定少
無野係絕對安全
可能下過十年爆美國都唔奇
今次油價 都無人估到

2.2 公司自己嘅分散
過去好多年嚟, 世界工廠就係中國
當中國發生武漢肺炎, 再計埋之前嘅美中貿戰
台商GG, Apple 無搬廠又GG, 要數都數唔晒
依家 中國作為Supply side開始想復工嘅時候
到demand side 嘅歐美又GG左

美方嘅3M , 仲有唔少嘅藥廠, 原材料/器材/甚至成間廠都依靠中方
喺依家嘅中美關係入邊, 嚟緊會發生咩事都真係好好睇

早幾日睇"年代向錢看", 講到台灣開始重新思考
長遠要醫療設備 消耗品 永久設廠, 包括原材料
唔可以太依賴中方

唔係講緊大陸唔好, 而係講緊唔好太依賴一方
不論supply side demand side
國家層面/公司層面/個人層面/投資層面

3. 護城河
承接上面嘅"分散"
講遠少少, So call 嘅"護城河"其實都係一種依賴
要了解一間公司嘅護城河係咩位? 會唔會有一日無左呢? 淺左? 窄左?
同早排寫嘅"生態圈"有些少相關 https://lookitsmathbook.blogspot.com/2020/02/paymefintech.html

生態圈, 如果係公司嘅護城, 但會隨住客戶習慣而改變 (Apple?) (AMZN?)
LMT Lockheed Martin 嘅護城係嚟自 美帝軍政府
3918金界 係金邊嘅獨家經營權
0002 & 2638 嘅護城係來自經營權
但近年利潤管制由10% 降自8%, 未來會唔會再降? 唔知, 但至少南方電網公司已經靜雞雞入左嚟...
2018年, 中國政府嘅"帶量採購" 仲有無印像?

太依賴條"護城河", 無論係supply side 定 demand side
就會帶返上去"分散"嘅topic

4. 心理
一來, 無做過功課, 唔知自己買緊啲咩, 驚就一撚定嫁啦
你就會做左"恐懼" 放貨嗰個

而依家要講嘅心理就係已經做左功課
喺過去依兩個星期嘅大跌市, 都好panic
加上見到唔少投資谷嘅網友都被斬倉, 自斬倉
記得有一兩日, 係完全集中唔到精神做野, 可幸嘅係當日係做到任何決定
冷靜返之後, 睇返自己數簿, 望下仲有有幾多斤兩, 做下stress test, 再製定返唔同嘅what if planning (sor...講遠左)

其實係想講,
要搵定一樣野/活動, 可以喺自己非常panic嘅時候幫自己冷靜
有人可能會跑步, 沖涼, 
而我就鐘意睇KPOP 囡囡 :P
好緊要...


=完=

小弟開左個fb page, 9up下啲財經新聞https://www.facebook.com/睇佢數簿-102696681311851/

===============================================================
好好紀錄下, from wiki

https://zh.wikipedia.org/zh-hk/2020%E5%B9%B4%E5%9B%BD%E9%99%85%E9%87%91%E8%9E%8D%E6%81%90%E6%85%8C

3月8日至14日
主條目:2020年俄羅斯–沙烏地阿拉伯石油價格戰、2020年黑色星期一 (3月9日)和2020年黑色星期四(3月12日)

由於2019新型冠狀病毒疫情導致原油需求疲軟,國際油價下跌已超過20%。石油輸出國組織成員國為了能提升油價,希望能夠與非成員國俄羅斯等共同實施石油減產[16]。3月6日,石油輸出國組織成員國沙烏地阿拉伯與非成員國俄羅斯卻無法就石油減產達成新協議。鑑於俄方態度十分強硬,以及打擊成本較高的美國開採商的市場,沙烏地阿拉伯決定報復性增加石油開採量,日開採量將增至1200萬桶,創下日產量新紀錄[17]。

3月9日,國際油價大跌30%;美國股市開盤即觸發熔斷機制[17],當日道瓊指數暴跌近8%[18]。全球各國股市跟跌,德國DAX指數、法國CAC40指數、英國富時100指數皆跌約8%;滬深300指數跌3.4%,日經225指數跌5%,韓國綜合股價指數跌4.2%,恒生指數跌3.9%[17][19]。3月9日史稱「黑色星期一」。隨後美國股市雖在10日有所反彈,但道指最終於11日徹底進入熊市[20]。

世界衛生組織於3月9日認為,新型冠狀肺炎疫情構成全球性大流行的威脅「非常真實」[21];之後復於3月11日宣布,此次疫情已構成「全球大流行」[22]。美國總統川普於3月11日晚發表全國電視講話,宣布自3月13日起的30天內,將暫停「從歐洲(除英國外)到美國的所有旅行」[23]。

3月12日,開盤不到6分鐘,美股市場即暴跌7.2%,再度觸發一級熔斷[24]。當日道瓊指數跌9.99%,創下1987年黑色星期一以來最大單日跌幅[25][註 1]。美國以外市場,據不完全統計已有11個國家股市於一天內發生熔斷,如泰國、菲律賓、韓國、巴基斯坦、印尼、巴西、加拿大等[26]。多倫多綜合股指暴跌12.3%,創下該股市1940年以來最大的單日跌幅[27]。德國DAX指數、法國CAC40指數、歐洲斯托克50指數均收跌超12%,英國富時100指數跌近10%。義大利富時指數收盤大跌近17%[28]。次日亞太早盤,韓國綜合股價指數暴跌8%,觸發熔斷;日經225指數下跌6%,澳大利亞ASX 200下跌7%,滬深300指數下跌4.5%。12日WTI原油期貨跌4%,黃金期貨跌3%,比特幣暴跌39%至7年內最低點[29]。3月12日史稱「黑色星期四」。中國、日本、美國、歐洲央行相繼緊急宣布降息降准等一攬子釋放流動性舉措。

3月13日下午,美國宣布進入國家緊急狀態,促使美股尾盤暴漲[30]。3月14日,美國政府將入境禁令擴展到英國和愛爾蘭,自16日起執行。
3月15日至21日
主條目:2020年黑色星期一 (3月16日)

3月15日,美聯準、日本銀行、歐洲央行、瑞士國家銀行、加拿大銀行、英國央行發布協調行動聲明稱,他們將利用現有貨幣互換額度為美元這一世界儲備貨幣的供應提供支持。美聯儲表示,幾家央行一致同意將互換協議價格下調25個基點[31]。同日,美聯儲宣布大規模降息,將聯邦基金利率目標區間大幅下調至0-0.25%,同時美聯儲還宣布了7000億美元大規模的量化寬鬆計劃,但道瓊指數期貨與標普500指數期貨則隨即觸發5%的跌幅限制,市場恐慌持續[32]。有學者懷疑美聯儲這次已經將所有可用手段全數用盡,使得其難以應對未來可能的壓力和風險[33]。

3月16日,由於美聯儲量化寬鬆仍然不能消除市場恐慌,中國大陸、日本股市高開低走,香港股市全日低位運行。歐洲股市大幅低開,隨後低走。美股開市隨即兩周內第三次觸發熔斷機制,道瓊工業指數開盤瞬間下跌2200點[34],至收盤更跌近3000點,跌幅接近13%,超越1929年華爾街股災期間最大單日跌幅。原油暴跌10%,白銀暴跌12%,金價亦創下新低[35]。


3月18日,標普500指數盤中下跌177.29點,跌幅7.01%,觸發當月第四次熔斷[36]。韓國菲律賓印尼股市也出現熔斷[37]。 

2020年3月16日 星期一

剪報:強積金研放寬投資REITs比重

【認真】
長遠對房託有好大嘅支持
留名睇結果


【9up】
如果香港嘅MPF係買返晒香港嘅資產
機場/鐵路/水電煤/五隧一橋/屋村商場(領展)
甚至公屋單位收租權/棕地嘅未來發展/更遠睇, 明日大嶼(雖然個人嚟講prefer最後真係無地先填海)

加唔加價就會變成大部市民嘅退休金
發唔發展棕地/點樣發展/填唔填海 就會變成每個打工仔嘅關注點

但唔好嘅方面推演, 會變成民鬥民嘅局面
不過SG 可以做到大部份野under 淡馬錫旗下
睇嚟都要有一個信得過嘅政府先得


https://www1.hkej.com/dailynews/headline/article/2403784/%E5%BC%B7%E7%A9%8D%E9%87%91%E7%A0%94%E6%94%BE%E5%AF%AC%E6%8A%95%E8%B3%87REITs%E6%AF%94%E9%87%8D

2020年3月16日

強積金研放寬投資REITs比重

目前強積金的基金可投資香港、澳洲、英國及美國上市的房地產投資信託基金(REITs),惟投資總額不得超過基金資產的10%,消息指出,積金局正考慮修訂強積金投資指引,放寬REITs的投資限制。業界認為,由於REITs能提供穩定收入,有助業界開發供退休後投資的產品。惟業界一直爭取放寬A股的投資限制,則不在今次修訂投資指引之列。

總額可超過基金資產10%
消息指出,積金局早前就修訂強積金投資指引向業界進行諮詢,包括放寬投資REITs的限制。現時強積金成分基金雖可投資於獲核准的REITs,惟連同其他證券的投資,佔比最多為10%,投資規模有限。積金局擬放寬包括在澳洲、英國及美國等上市REITs的投資限制,令強積金可如投資其他核准證券交易所的股票般,有更大的空間買賣於上述市場掛牌的REITs。
積金局表示,一直有留意市場發展,把合適產品納入強積金准許的投資項目。由於REITs能提供穩定收入及達致分散投資效果,認為REITs是適合強積金的產品。該局採取審慎、循序漸進的做法,現時香港、澳洲、英國及美國上市的REITs已納入強積金准許的投資項目,但投資總額不得超過任何一個強積金基金資產的10%。該局知悉業界建議放寬以上REITs的投資限制,現正進行相關研究。

今次修訂指引不涉A股
被問到今次擬修訂指引,會否同時放寬對內地A股的限制,該局回應稱,現正探討業界建議放寬REITs的投資限制,但與放寬A股並無關連。該局會因應各地區的市場和經濟發展、業界意見及風險管理問題,持續研究及檢討是否需要修訂核准證券交易所名單。
香港投資基金公會行政總裁黃王慈明強調,強積金的投資框架一向甚為嚴謹,但見到REITs有投資需求,特別切合提取退休儲蓄階段的需要,因為退休後既要重視投資風險,亦要留意長壽風險,在此階段現金流甚為重要,故會尋求有定期收入或派息的投資,除年金外,REITs都有此等特性。若積金局能落實調整REITs的投資限制,是良好的發展。

業界:利開發退休後產品
積金局去年設立「投資解決方案實驗室」,鼓勵業界開發涵蓋計劃成員累積財富及提取退休儲蓄兩個階段的退休投資方案。惟業界認為,要開發相關產品,投資的規管框架要更具彈性,特別是退休後投資產品,須考慮如何配合提取的要求,投資範圍要擴闊,例如容許投放於高息及新興市場債券、提取收益產品(Drawdown Fund)以及把投資REITs的投資範圍擴大等。
BCT銀聯集團董事總經理及行政總裁劉嘉時相信,REITs普遍被視為能提供穩定現金流,並適合退休金的投資項目,若落實放寬投資限制,對基金經理的投資選項會有幫助。業界一直提出如何優化強積金投資,包括放寬投資限制及加強可投資REITs深度,樂見監管機構作出改變,對整體強積金投資均有幫助。
採訪、撰文:陳玉珍


放大圖片 / 顯示原圖

2020年3月13日 星期五

2020 Mar 13 自我檢討

今日胸office, 要睇下自己數簿
自我檢討下


今日係 2020 MAR 13 香港時間中午

由2019年下半年開始
反送中期間 港股大平賣, 當時就不斷分段買入港股,
主要係收租股 / REIT / 少許賭股(3918) / 少量其他睇好嘅股

而同步亦有分段買 SG REIT & 少量美股
大約買到2020 一月, 當時歐美無大爆
亦都無預計到會歐美大爆 (so9sad)

去到2020 年03 月 06日, 沙特/油組/俄佬 傾唔掂數
全球大爆, 之後幾日歐美繼續疫情大爆
加連股/債/金/油 齊爆


我就係用IB嘅, 亦都有開margin
檢討返自己
係WARS 出現時有少許過份樂觀, 而margin 亦都已經開到大約 1.4倍
跌市時就升到1.7x 倍
max draw down 係50%, 大約係美股標指高位3394 回落59%
睇數字上好似唔算太危險



  • IB 會隨時跌市時調整margin(上圖就係寫緊時候出現)
  • IB margin req 加50%
  • 唔好太早開margin 太高, 跌市時就無多餘位買靚股
  • 但我依舊維持唔估底 唔撈底嘅做法 (因為真係無人會估到)
  • 有margin 空位時分段買入
  • 或者可能下次正常市時1.0 or 1.1, 大跌市時就可以入少許
  • 同時keep 住做stress test
  • 用IB 買貨時要留意/keep 低邊隻股係高LTV 邊隻低
  • 有咩事發生時要甩手, 就由高LTV / 無margin 嘅甩手先

自檢寫住咁多先, 相信個浪未完
幾時完唔知, 但要錯誤中學習

==========================================
今日 2020 MAR 14
星期五美股大升
Trump 宣布緊急狀態


  • 如果下次有本錢, 有機會撈貨
  • Bond 就留意下invest Grade嘅
  • 因為大跌市有機會偷雞買到斬倉貨
  • 想買時, 可以狼死啲掛低少少, 偷雞買到唔出奇
  • 股都係, 不妨掛低少少, 偷雞貨
嚟緊加完 50% margin req, max draw down 有49%
希望挨得過

長遠目標
  • 成個盤keep margin 大約1.1-1.2倍左右
  • 要預跌市時有位買貨 
  • 預IB 會收緊margin
有待遲下再計計數





2020年3月4日 星期三

澳門賭股陰濕條款

睇數簿唔一定下下睇數嘅, 好多時特別條款都無比人發現
今日試下share 比大家(依篇野唔會有財務分析)
兼且可能覺得廢文
******************************************************************
https://hk.on.cc/hk/bkn/cnt/news/20190315/bkn-20190315112031702-0315_00822_001.html

2001年11月正式展開招標競投工作
最終由澳娛旗下澳博、永利度假村旗下永利澳門,以及呂志和與金沙集團的銀河娛樂投得賭牌。

不過,2002年12月,澳門政府與銀娛就雙方所簽合約進行修改,主要是銀娛兩大股東要求分牌,結果按澳門博彩法中「分專營」規定,批准銀娛以「轉批給」方式將賭牌一拆二,由呂志和旗下的銀娛持有主牌,金沙集團旗下金沙中國獲發副牌。

此例一開,澳博於2005年分拆一個副牌予何超瓊與美高梅的合營公司,涉資2億美元(約15.7億港元)。

永利則於2006年將副牌以9億美元(約70億港元)天價,拆給何猷龍旗下新濠國際與澳洲皇冠集團的合營公司,終形成「三主三副」共6個賭牌的局面。

根據相關合同,澳博及美高梅將於2020年3月到期,而其餘4間博企則於2022年6月到期。澳門政府今日(15日)公布,批准澳博及美高梅的賭牌延長至2022年6月,即6個賭牌將會同期到期。
******************************************************************

事緣有一日想做下 0027 & 1928 兩隻龍頭嘅比較, 發現佢地關於"賭牌"嘅入賬方式唔一樣
作為充滿好奇心嘅寶寶, 唯有搵晒六間出嚟睇下, 搵搵下, 見到一條澳門政府對賭業公司嘅超辣條款

一句講晒: 賭牌到期而又無得續的話, 娛樂場場所及博彩相關設備自動撥歸澳門政府所有,亦不會獲得任何賠償
******************************************************************

第一間
0027 銀河娛樂
招股書已經搵唔返, 咁睇下年報
2018年, 資產負債表-> 無形資產->博彩牌照, 每年做撇銷 $106,337千港元
我地睇埋2007年, 撇銷 $998,360千港元
(題外話: 點解2007年 &2018年會差咁遠??? )

2005年透過收購附屬公司拎個賭牌返嚟嘅時候, 個牌可以用到2022年六月, 用17年, 每年直線撇銷嘅方法咁去分攤
買個牌係用 $16,887,329千港元($168億)拎返嚟, 平均每年會撇銷 $998,360千港元($9.9億)

去到2008年嘅時候, 0027就作左個理由: 對環球經濟下滑及中國內地收緊中國居民到澳門旅遊之自由行政策,澳門旅客增長放緩,對澳門博彩市場造成不利影響。來自另外五家批給牌照╱轉批給牌照持有人之激烈競爭,加上澳門勞工及經營成本上升

就張個賭牌減值123億, 到得返14億($1,434,826千港元), 由依一年開始, 因為個賭牌賬面值細左咁撚多, 當然個每年撇銷都會細返咁撚多
變成每年只係 $106,337千港元($1.06億)

依到另外有樣野提提大家, Net Profit 已經變得無意義, 因為個Amortization 已經係虛數, 佢隨時篤出嚟
所以大家見好多時財務分析點解會用EBITDA 嚟做主要嘅數字, 而唔係Net Profit

繼續講返正題, 睇左幾年 0027 嘅年報, 都無提過賭牌無得續會有咩後果

佢只有依段野
博彩牌照指於二零零五年收購銀河娛樂場股份有限公司時獲取之牌照之公平值,乃在博彩牌照餘下期限按直線法攤銷,有關期限將於二零二二年六月屆滿。累積攤銷及減值包括二零零八年作出之減值支出為數12,330,305,000港元。

******************************************************************
第二間
0880 澳門博彩
2018年年報, 賭牌喺資產負債表係唔見"賭牌"類嘅物體出現
而喺PPE 嘅附註寫左句今日嘅主角
於2018年12月31日,根據本集團持有的博彩批給,本集團與博彩業務有關的賬面值合共為14.95億港 元(2017年:19.57億港元)的若干物業及設備必須於2020年批給到期時歸還澳門特區政府。

再睇睇招股書
Page 49
除非根據《澳門博彩法》獲延長,否則澳博的批給合同將於2020年3月31日屆滿。批給合同屆滿後,澳博的所有娛樂場、博彩資產及設備以及於澳門的娛樂場物業的所有權將歸屬予澳門特區而毋須對澳博作出補償。此外,於2009年4月起,澳門政府可透過至少提前一年向澳博發出書面通知而行使其贖回批給合同的權利。在此情況下,澳博將有權獲得公平補償。

******************************************************************
第三間
1128 永利澳門
繼續睇年報
有樣叫"特許權費" 依個唔係賭牌嚟, 但都係濕鳩野, 講少少
1128永利 向母公司 Wynn Resorts Ltd 拎永利個牌頭開賭場, 租佢個名嘅租金
母公司其實包辦左好多1128嘅日常營運, 再收返費用
似唔似Disney ? 似唔似百威啤酒? 


















(2018年報Page 186)
博彩批給我們與澳門政府的批給協議期限於2022年6月22日屆滿。除非與澳門政府簽訂任何另外的協議將批給協議延長期限或續期,否則於批給協議期屆滿時,我們於澳門的所有博彩業務、娛樂場及相關設備將無償自動轉讓予澳門政府,且我們將不再自該等業務產生任何收益。

招股書 Page 31
澳門政府可單方面終止 WRM 的批給協議而毋須作出賠償,或本集團的協議未能成功續期。WRM 的批給協議將於2022年6月到期,除非根據澳門法例的若干條文獲續期。WRM 批給協議到期後,WRM 在澳門的所有娛樂場、博彩資產及設備以及其於娛樂場物業的擁有權均將歸還予澳門政府而本集團或 WRM 不會得到賠償。

******************************************************************
第四間
1928 金沙中國
睇返2018年嘅年報, 直情係無左賭牌撇銷依樣野
咁再睇睇招股書
https://www1.hkexnews.hk/listedco/listconews/sehk/2009/1116/ltn20091116017_c.pdf
Page 63

我們通過本公司附屬公司VML與銀河簽立轉批經營權合約。銀河將獨立發展酒店及娛樂場項目,我們不會參與其中。倘銀河的經營權因任何理由終止,VML的轉批經營權仍會繼續生效。

銀河娛樂買個主牌, 要承諾投資88億,  而轉個副牌比金沙中國, 金沙會分擔當中一半嘅投資額(44億)


Page 65
倘若VML轉批經營權合約無法在二零二二年六月二十六日屆滿當日成功延期或重續,其所有的娛樂場場所及博彩相關的設備將於該日自動撥歸澳門政府所有,VML不會獲得任何賠償,同時亦不能再從相關的業務獲取任何收益。

自二零一七年十二月二十六日開始,澳門政府可向VML發出至少一年的事先通知,贖回該轉批經營權。倘若澳門政府行使贖回權,VML可獲得公平的補償及彌償。根據VML的轉批經營權合約,有關補償或彌償金額將按澳門威尼斯人(但並非澳門金沙或[百利沙])於贖回前一個課稅年度獲取扣除利息、折舊及攤銷前博彩及非博彩收益金額(不包括會展設施收益),再乘以該轉批經營權屆滿前餘下年數而定

如果2022年到期無得續約, 金沙會仆街, 亦都無晒所有野
如果2017年開始, 澳門政府早一年通知的話, 就無咁仆街

另外Page 9有寫, 如果1928唔聽話/做錯事, 澳門政府都可以隨時收返個牌























******************************************************************
第五間
2282 美高梅中國
2018年報, 有樣叫"轉批給出讓金", 就係講緊副牌, 個牌叫"批給" 美高梅係買人個副牌

年報寫: 美高梅金殿超濠與澳博(本公司一名董事的近親家庭成員持有控股實益權益的一家公司)於2004年6月19日  訂立的協議,美高梅金殿超濠已向澳博支付2億美元(相等於約15.6億港元)的轉批給出讓金,以獲得從2005年4月20日開始為期15年於澳門經營娛樂場幸運博彩及其他娛樂場博彩業務的權利。

二房嘅何超瓊 問老豆嘅澳博拎個牌嚟洗下

而招股書Page 38
如我們不能在2020年取得轉批給續期或如澳門政府行使其贖回權,我們將不再從我們的澳門博彩經營產生任何收入。轉批給合同將於2020年3月31日屆滿。除非轉批給獲得續期,或有關復歸娛樂場所的法律已經修訂,否則所有美高梅金殿娛樂場所及博彩相關設備,將由該日起會自動轉移給澳門政府,我們不會獲得補償


******************************************************************
well, 終於到最後第六間
0200 新濠國際發展
2018年年報, 有粒數: "博彩牌照及次特許經營權之攤銷$1,089,003"
依粒數係包左澳門& 菲律賓嘅賭牌
博彩牌照及次特許經營權包括(i)澳門政府於二零零六年九月八日就澳門博彩業務而授予新濠博亞澳門之次特許經營權及(ii)  PAGCOR於二零一五年四月二十九日就菲律賓博彩業務而發出之正規牌照

而關於"批給"到期之後點處理 & 有咩後果, 唔太見

well, 咁就睇晒六間
寫下有咩可以拎走先
1. 澳門賭業公司, 不論主牌定副賭, 雖然唔係間間都有寫出嚟
但可以推斷依六間如果到期而又無得續的話, 除左無得賺錢, 而係會乜柒都無晒, 送晒比政府

2. 如果要比較各賭業公司嘅營運能力, 最好用EBITDA 粒數, 
另外再扣返比澳門政府嘅一切費用, 因為係每間公司唔同
例子: 













3. 其他行業都係 
EBITDA 有佢嘅用處, 亦都係點解財務分析經常會用
(當然我就鐘意睇 Cash Flow)

*******************************************************
若果小弟寫嘅野幫到你...
PayMe! https://payme.hsbc/dklm10pm


Pay床!!! https://www.patreon.com/lookitsmathbook
*******************************************************

共你個橙? 澳門賭業
https://lookitsmathbook.blogspot.com/2021/09/blog-post.html

買股睇PE? (3) 我最鐘意嘅一個Case
https://lookitsmathbook.blogspot.com/2021/12/pe-3-case.html

Blog https://lookitsmathbook.blogspot.com/

E-mail: DKLM10PM@gmail.com

Facebook https://www.facebook.com/lookitsmathbook/