我個盤係點運作? 其實係跟李嘉誠搵食!

好多網友對小弟嘅收息養家供樓盤非常有興趣 
今日講晒比大家知, 

首先建議先睇睇上一篇嘅「家家有本難念的經」(link) & 2021年總結(link)
第二, 今日提到嘅冧巴只係例子, 並不等同現時持有/曾經持有/建議持有 

今日會引用好多 source, 為免麻煩, 我會一次過放最後 
Enjoy! 

YouTube版: https://youtu.be/ZoeXIk4q7x8

********************************************************************************

起點係 父母退休時期, 養家嘅責任落喺我& 細佬身上, 同時一家四口仍然係租租一族 
 
投資目標: 

買一隻股票前, 應該諗諗兩個問題先

https://lookitsmathbook.blogspot.com/2022/01/2021-q.html
喺上次嘅2021年回顧中提到「家家有本難念的經」「取捨」

開左Blog & FB Page 之後, 不時會收到網友會問依隻野買唔買得? 或者 個盤應該點砌? 我想要股息應該點揀? 我想幾多歲退休應該點好?

2021總結; 回報18%; 讀者Q&A

懂規矩, 唔洗講咁多, 有圖有真相

綠線=我; 藍線= S&P500

對比 標指 恆指 & 世界(ex US)指數

2021年: 標指27% 恆指-11% 世界指7% 小弟18%(17%?)

[問問題] 退休資產配資

「退休資產配資」係一個個好好嘅問題，但往往「2800」 四個數字就答左去
其實好不負責任
或者更會見到一啲 So call 好專業嘅建議：
「距離退休年齡愈近， portfolio 當中Bond債卷嘅佔比要愈重」

依個建議，聽落好合理，但！？ 又有幾多人識揀債券？老左仲會想睇年報揀債買？
事緣，有位同事問我，假設可以提早退休，應該點調配資產？
我：幾多歲先？而又有幾多錢退休？
同事：咁呀，不如假設已經有一層自住樓，再有流動資產1000萬？
以下係我對佢嘅答覆，希望幫到大家思考
==========================================
退休資產點配置? 幾多歲? 有幾多資產?
我認為: 最重點係個“主角” 識幾多野  & 邊樣先係佢最舒服嘅方法
以自己為例，自問財商唔算太弱，揀股眼光算okay 😂😂
會唔會仲想七老八十睇年報揀股？我敢講直到今日依啲係我嘅興趣，樂此不疲
但退休後仲有無耐力、能力、眼力、腦力? 唔敢講
=======================================================================
喺香港, 香港人對樓就好似宗教一樣
平時大家同Frd 吹水話中左六合彩會點, 都會話買三四層樓收租
假設有能力喺退休o個下有4個單位, 你真係願意持有佢地收租直到你過身?
喺我眼中, 住宅物業並唔係最好嘅投資物/資產, 日常管理/收租/租客投訴管理/維修
假設40歲時買入全新一手盤作退休收租之用, 去到你80歲時, 樓齡已經有40年
大廈維修, 室內裝修依啲唔少得, 70 80歲時, 先唔計錢, 真係有心神去處理依堆問題?
已經未講你嘅退收休依賴四個住宅物業嘅租客, 每個佔比25%
是但無左一個都對你嘅退休生活好大影響

神奇地又見到唔少人持有兩個或以上物業. 當然, 唔係每位都係拎嚟退休
======================================================================
https://articles.zkiz.com/?rbid=35422 億萬「鋪王鄭」慳家成性
「鋪王鄭」名叫鄭錦祥，今年七十三歲
持有二十個鋪，卻有六十多條鎖匙
即使出了街也會把電話飛線，並親自接聽，甚至親手處理買賣鋪位，簽租約甚至收租等事，有時找 來一名七、八十多歲的阿伯員工做跑腿。這做法有別於一般投資者，聘一隊人或找地產經紀代勞。
 我無咩鍾意享受，投資鋪位就係我最大嘅享受囉。
 
 一個73歲嘅人話佢過左退休年齡應該唔過份?
但依位鄭生揸住六十條鎖匙, 買鋪賣鋪, 放租收租一腳踢
最重點係「鋪位就係我最大嘅享受」
==================================================================
回歸最初嘅建議「“主角” 識幾多野  & 邊樣先係佢最舒服嘅方法」
有人鐘意股票, 有人鐘意住宅放租, 有人鐘意揸住一秋鎖匙去巡鋪收租嘅優越感
前題係清楚了解自己嘅知識/財商水平, 唔熟唔食
而可以好舒服咁過你想過嘅退休生活
可能會問, 咁我咩都唔識點好?
1. 喺退休前多認識唔同嘅投資物, 了解各自嘅優缺點, 特別係管理上嘅心神需要幾多, & 背後嘅風險所在

2. 用返一個最懶人嘅方法

突破自己能力圈, 就會知道咩係真正嘅風險, 從而可以擁抱更多嘅回報
如果唔係可能退休時只會買政府年金, 收1%-2% 嘅回報
同時因為各樣嘅"驚", 只會用身家嘅一半去買依啲年金😂
另一半呢? 揸Cash😂😂
===========================================
小結:
1. 拓展財商/能力圈
2. 了解各資產特性, 優缺點
3. 整合出一套自己最舒服嘅退休投資方法
4. 享受生活

講咁耐, 我嘅退休計劃呢?
喺依一刻, 初步計劃喺退休o個下, 慢慢張除左自住樓外嘅資產轉做指數基金
會係三大地區嘅大市指數基金 (歐; 美; 亞太)
根據往績, 大市指數基金平均年回報8% -12%
而我會每年賣走一部份作生活費, 直至百年歸老
依個計劃容易操作, 唔需要多作思考, 好貼合"我想懶"嘅終目標
-完-

【人生苦短 死而無憾（忽然文化｜占飛）】bit.ly/3wRnfAV
======================================================

Facebook https://www.facebook.com/lookitsmathbook/

Blog https://lookitsmathbook.blogspot.com/

Google Form https://forms.gle/JEbZFFVcv6vnVsDb9

Youtube https://www.youtube.com/channel/UCRb_FUpJR4sbjcExF2xOm5A

E-mail: DKLM10PM@gmail.com

[Bin C文] 對香港磚頭之睇法

 Hi, 大家新年快樂; 財息兼收!!!

打一篇Bin C文, Bin 自己屍
投資路上每日都係學習, 今日的我打倒昨日的我

除左要好似財演咁出嚟認屎認屁(認叻)
亦都要檢討下自己做嘅決定可唔可以更好? / 當日點解會做咁嘅決定? / 下次再遇到會點?

話說，好耐無蒲上水

 Hi

大家好，祝大家身體健康

我無事，只係太懶😆😆 好似陳同佳咁

無心情，唔寫文住

--------------------------------------------------------------------------------------

上個水又點止保平安咁簡單

寫返幾隻字仔都要

就講下我近依幾個月有咩投資上嘅感悟

美股三月過後係咁上

相反港股除左堆 中概股ATMX 都仲係無乜運行

今日同公司隔離位傾開投資心得,興幸佢有性趣聽小弟鳩up, 加上佢唔係一般老散思維

交流左唔少野

依家打埋上嚟講講, 幾年後再驗證下今日嘅睇法有無錯, 同自己Bin C

依一年唔少內房都食低息個勢發債, 普遍都見到3%-4% 

唔係講笑, 以內房咁嘅債務水平都只係3.x%, 真係抵到爛

香港地產商發債都要2.x%-3.x%

(隨手拎個今日HKEX嘅公告)

碧桂園十年期債都只係 3.875%

轉個手望下香港收租地產股, 唔係望個債息, 而係望下個股息率

隨手一隻 0016新鴻基, 現價$98, 股息率5.0%

一向研究開各公司年報, 0016都唔例外

0016 嚟緊只計香港都幾個大projectsssss, 淨係收租賣樓嘅收益 都好和味

隨口講幾個

1. 兆康站(話有一個太城咁大)

2. 啟德, 依兩三年都買左唔少臨靚海地

3. 西沙路 51幢 9500個單位

4. 天水圍 天榮站

5. 元朗站 仲有幾座未推

6. 西九高鐵上蓋寫字樓

簡單思考題, 你地會點揀? 

內房債3.8%

vs

港股5% 加上嚟緊幾年好肯定 兼 穩定嘅股息增長 

假設0016 幾年後個價都係$98

我問我同事, 「今日嘅你, 會點揀?」

依家Risk Free Rate 得0.7%

好相信半年後一年後 疫情過晒(希望, 可能當感冒算)  加上喺資金氾濫嘅情況下

資金一定會先流向 lower risk but Higher Yield 嘅投資工具

喺小弟眼中香港嘅收租股地產股 正正就係依類投資產品

而現時嘅價位或多或少已經充份反映疫情&反送中嘅影響

0016嚟緊幾年嘅發展唔洗再講

0017 都係我睇好嘅, 特別係鄭志剛揸大旗, 嚟緊都好多大Project, 柏傲X, 啟德體育, 機場購物城

1972 😏😏收埋左幾個重建搞緊 & 將會搞

0014 攻守兼備, 低調嘅家族

0823 低調密密收購陸續有嚟

小弟依半年密密買唔少香港收息野(唔止地產股)

希望幾年後財息兼收

用香港tax free 嘅股息去供養美國增長股😍

-完-

祝大家身健康

Buy me a coffee?