熱門文章

書單推介

睇左佢地未? 未睇就話學投資?

是咁的,不時都會有網友PM 我問想學睇年報, 想學投資 問我有無咩書推介 必睇 今日推介幾本我覺得幾啱新手睇嘅 會計 入門書; 中階書; 估值書 當然亦會有一啲講投資「大道理」嘅書 書睇過好多, 但真係覺得有用, 有insight 嘅兩隻手數晒 希望今次幫到大家慳返唔少時間去搵書 揀書

2021年5月21日 星期五

[問問題] 退休資產配資

「退休資產配資」係一個個好好嘅問題,但往往「2800」 四個數字就答左去
其實好不負責任
或者更會見到一啲 So call 好專業嘅建議:
「距離退休年齡愈近, portfolio 當中Bond債卷嘅佔比要愈重」












依個建議,聽落好合理,但!? 又有幾多人識揀債券?老左仲會想睇年報揀債買?
事緣,有位同事問我,假設可以提早退休,應該點調配資產?
我:幾多歲先?而又有幾多錢退休?
同事:咁呀,不如假設已經有一層自住樓,再有流動資產1000萬?
以下係我對佢嘅答覆,希望幫到大家思考
==========================================
退休資產點配置? 幾多歲? 有幾多資產?
我認為: 最重點係個“主角” 識幾多野  & 邊樣先係佢最舒服嘅方法
以自己為例,自問財商唔算太弱,揀股眼光算okay 😂😂
會唔會仲想七老八十睇年報揀股?我敢講直到今日依啲係我嘅興趣,樂此不疲
但退休後仲有無耐力、能力、眼力、腦力? 唔敢講
=======================================================================
喺香港, 香港人對樓就好似宗教一樣
平時大家同Frd 吹水話中左六合彩會點, 都會話買三四層樓收租
假設有能力喺退休o個下有4個單位, 你真係願意持有佢地收租直到你過身?
喺我眼中, 住宅物業並唔係最好嘅投資物/資產, 日常管理/收租/租客投訴管理/維修
假設40歲時買入全新一手盤作退休收租之用, 去到你80歲時, 樓齡已經有40年
大廈維修, 室內裝修依啲唔少得, 70 80歲時, 先唔計錢, 真係有心神去處理依堆問題?
已經未講你嘅退收休依賴四個住宅物業嘅租客, 每個佔比25%
是但無左一個都對你嘅退休生活好大影響
















神奇地又見到唔少人持有兩個或以上物業. 當然, 唔係每位都係拎嚟退休
======================================================================
https://articles.zkiz.com/?rbid=35422 億萬「鋪王鄭」慳家成性
「鋪王鄭」名叫鄭錦祥,今年七十三歲
持有二十個鋪,卻有六十多條鎖匙
即使出了街也會把電話飛線,並親自接聽,甚至親手處理買賣鋪位,簽租約甚至收租等事,有時找 來一名七、八十多歲的阿伯員工做跑腿。這做法有別於一般投資者,聘一隊人或找地產經紀代勞。
 我無咩鍾意享受,投資鋪位就係我最大嘅享受囉。
 
 一個73歲嘅人話佢過左退休年齡應該唔過份?
但依位鄭生揸住六十條鎖匙, 買鋪賣鋪, 放租收租一腳踢
最重點係「鋪位就係我最大嘅享受」
==================================================================
回歸最初嘅建議「“主角” 識幾多野  & 邊樣先係佢最舒服嘅方法」
有人鐘意股票, 有人鐘意住宅放租, 有人鐘意揸住一秋鎖匙去巡鋪收租嘅優越感
前題係清楚了解自己嘅知識/財商水平, 唔熟唔食
而可以好舒服咁過你想過嘅退休生活
可能會問, 咁我咩都唔識點好?
1. 喺退休前多認識唔同嘅投資物, 了解各自嘅優缺點, 特別係管理上嘅心神需要幾多, & 背後嘅風險所在
2. 用返一個最懶人嘅方法




















突破自己能力圈, 就會知道咩係真正嘅風險, 從而可以擁抱更多嘅回報
如果唔係可能退休時只會買政府年金, 收1%-2% 嘅回報
同時因為各樣嘅"驚", 只會用身家嘅一半去買依啲年金😂
另一半呢? 揸Cash😂😂
===========================================
小結:
1. 拓展財商/能力圈
2. 了解各資產特性, 優缺點
3. 整合出一套自己最舒服嘅退休投資方法
4. 享受生活

講咁耐, 我嘅退休計劃呢?
喺依一刻, 初步計劃喺退休o個下, 慢慢張除左自住樓外嘅資產轉做指數基金
會係三大地區嘅大市指數基金 (歐; 美; 亞太)
根據往績, 大市指數基金平均年回報8% -12%
而我會每年賣走一部份作生活費, 直至百年歸老
依個計劃容易操作, 唔需要多作思考, 好貼合"我想懶"嘅終目標
-完-

【人生苦短 死而無憾(忽然文化|占飛)】bit.ly/3wRnfAV
======================================================





E-mail: DKLM10PM@gmail.com

15 則留言:

  1. 依家係知識型經濟, 如果有番咁上下財務知識, 我唔建議買樓收租. 新樓有好裝修, 可惜管理費高. 舊樓出租超過六七年又要𢴇吓先可以再出租, 間中又要攪吓冷氣機, 水渠, 樓上漏水等.
    如果只得一間收租樓, 其實風險唔比股票細, 股市我起碼可以揀唔同sectors.
    暫時我計劃按揭公司嘅公共年金(IRR 4%) + 自住樓逆按揭 + 股票期權 + 基金 + 現金 作為退休portfolio

    回覆刪除
    回覆
    1. 係呀, 我都覺收租樓管理上幾麻煩
      但最緊要了解自己
      btw...逆按揭有唔少鬼鼠位, 要注意

      刪除
    2. 噢, 等我再了解多d逆按揭先. 我淨係用佢計算機㩒吓咋. 謝謝提醒

      刪除
  2. D指數基金真係有咁高回報咩??

    回覆刪除
    回覆
    1. 可以search 下
      最常見, 亦都最多人買嘅
      VOO SPY QQQ

      刪除
    2. 為什麼不買巴郡?
      如果美股升佢都會升
      如果美股大跌,我相信佢哋嘅眼光,而且佢哋有好多現金,一定可以執死雞

      刪除
    3. 為什麼不買巴郡?
      如果美股升佢都會升
      如果美股大跌,我相信佢哋嘅眼光,而且佢哋有好多現金,一定可以執死雞

      刪除
    4. 1 巴郡 股價會有 “集團”折讓
      2 相信佢地眼光,我會跟佢地買,而唔係買BRK
      3 連巴老自己都建議佢嘅家人買SPY...haha
      4 退休後,操作index ETF應該比較簡單
      選股已經有“市場”幫你
      5 巴郡過去長期有眼光,唔代表未來有眼光
      6 買index ETF = 不求跑贏大市, 只求大市同步,喺無需過多操作就能同大市同步,依個trade off 太抵 XD

      刪除
    5. 無意中google到數簿兄呢個blog 好多野睇 :)
      如果買vt (或者vti + vxus) 數簿兄認為如何呢?

      sk

      刪除
    6. 當然無問題 :)
      都係大市index ETF
      好適合唔識揀股/ 退休相懶嘅人去長線持有

      刪除
    7. 其實相信巴郡會係合理價格內買入優質資產,但市場低息環境下,可以合理價買到野既機會大減,變相閒置現金優勢大減

      刪除
  3. 最後幅圖發人深省!多謝數薄哥分享😚
    Btw, 歐洲同asia既index fund 有冇邊隻低管理費好推介?順便想懶人求埋tIcker🙏🏻

    回覆刪除
    回覆
    1. http://greenhornfinancefootnote.blogspot.com/2020/05/vanguard-ftse-all-world-ex-us-etfveu2020.html

      刪除