熱門文章

書單推介

睇左佢地未? 未睇就話學投資?

是咁的,不時都會有網友PM 我問想學睇年報, 想學投資 問我有無咩書推介 必睇 今日推介幾本我覺得幾啱新手睇嘅 會計 入門書; 中階書; 估值書 當然亦會有一啲講投資「大道理」嘅書 書睇過好多, 但真係覺得有用, 有insight 嘅兩隻手數晒 希望今次幫到大家慳返唔少時間去搵書 揀書

2022年1月19日 星期三

我個盤係點運作? 其實係跟李嘉誠搵食!

好多網友對小弟嘅收息養家供樓盤非常有興趣 
今日講晒比大家知, 
首先建議先睇睇上一篇嘅「家家有本難念的經」(link) & 2021年總結(link)
第二, 今日提到嘅冧巴只係例子, 並不等同現時持有/曾經持有/建議持有 

今日會引用好多 source, 為免麻煩, 我會一次過放最後 
Enjoy! 

********************************************************************************
起點係 父母退休時期, 養家嘅責任落喺我& 細佬身上, 同時一家四口仍然係租租一族 
 
投資目標: 
 
  • 能夠養活父母, 有生活費
  • 兼且最好夠交租, 如果唔係兩兄弟咪要再交多份家用 
  • 生活費要追得上通脹
  • 長遠嚟計, 操作逾少逾好
  • 要「懶」
  • 要心安
  • 舊資產可做到持續性
  • 資產值唔求跑贏大市, 只求現金流跑贏通脹(應該睇得出兩者分別?) 
  • 但其實一件資產嘅現金流有高確定性兼有增長性, 長遠嚟計佢嘅價格唔會差得去邊 (好似係) 
  • 最好有能力買埋樓, 唔再租租 
  • 養家盤投資回報目標唔係要跑贏大市, 而係要帶動到足夠而長久嘅現金流 
局限:
  • 生活費&租樓& maybe(供樓) 要用HKD 
  • 投資組合嘅現金流最好係HKD 
  • 小弟唔識玩期權 & FX swap / hedge, 所以唔會透過期權去增加現金流 
  • 亦唔會透過外匯衍生張收返嚟嘅外幣現金流轉返做HKD
 
運作:
我當時未對股票有好似今日咁嘅認識  (今日唔算有叻, 但當時更唔叻), 大家可以睇返喺2021年總結, 有我10年前嘅持股
大家就知我幾on9
 
睇過好多專欄/財演/網上討論 
當時有幾個選項: 放落銀行買派息基金, 再槓杆  
啲乜乜理財戶口有得做assest financing, 槓杆再槓槓....












有考慮過以下:  
1. 銀行
assest financing息口唔平
2. 派息基金sell 得好靚仔, 但個價年年跌, 持有嘅投資物明明唔特別高息, 但隻基金就派到8% 9% 10% 

雖然
投資目標講過, 資產值跌都唔係big issue, 但有得揀, 又點會揀賺息蝕價, right?
 
另一個組合: 學某 sir 收色兔餐ABC, 收息N01, 當時我有認真考慮
加上讀過Starman Blog嘅  Bond+REIT 組合, 我唔識揀債
但某Sir 嘅收息N01 要花費報名上堂先拎到 Bond list, 加上其後見到某 sir 嘅收息債基有上段提到賺息蝕價, 派血問題 
有少少卻步, 
再發現佢債券coupon 當YTM, 知識根基令人失望
打消左報名嘅念頭 



 









******************************************************************************
咁不如一半收息股, 一半債基? 
但點解債基槓杆? 股票唔可以槓杆? 債基個價更穩? 歷史又話比我地知唔係

咁買 Bond? 個派息做唔到追過通脹, 而且債券到期只會收到本金, 的確做到保本, 但做唔到保值 (假設債券發行人無破產) 

另外, 債券個價其實亦無想像中穩定 (當時未經歷2020年3月,債價腰斬, 但已經知債券個價大落o個下都會好得人驚) 
債券成交活動較股票細, 好容易有錯價現像, 買賣差價會好闊, 一兩日之間嘅資產價跌20% 30% 甚至腰斬, 加上做槓杆的話, 心血少啲都唔掂, 唔符合目標入面”心安”嘅要求 

2020年3月,債價跌>20% 例子:
HSBC.PRA / Husky/ AR PDCN / AR / WPG / GLOP / HPQ / Booking / GAP / SWN 
唔太搵到當時嘅歷史價格, 以上都係印像中 & 其他網友嘅記憶

債券到期要重新再買入另一批債券 

Q: 買長年期嘅債券咁咪唔洗lor? 
A: 正確嘅.
逾長年期嘅債券對利息更為波動, 若果市場加1%息, 長年期債券嘅價格會比短年期嘅債價跌得更多 
雖然我嘅投資目標會係持有至到期日, 公司唔破產的話, 我會收回全部本金. 但係因為槓杆買債券, 債價波動 (資產價格波動), 對我嘅margin 會有影響.
******************************************************************************
最後我係點運作個盤呢? 

類似 Bond+REIT 嘅結構 (其實Starman 喺之後嘅Blog 都有提到, Bond + REIT 重點係心法, 並唔係工具;  現金流買識增長嘅資產) 
槓杆買Bond去倍大現金流, 再買入會增值而又相對穩定嘅REIT; 同時REIT 又會帶回現金流, 直至最後減低槓杆 

除此之外, 
睇過一段李嘉誠嘅訪問

















當然仲有就係窮爸爸 富爸爸, 「現金流」
 
我參考以上嘅做法, 兼且用一種做生意嘅態度去 Run 投資組合 

用槓杆去買收息股, 要揀一啲有潛力增加派嘅資產, 再去買無派息/ 相對少派息, 但會增長較快嘅資產 
前者現金流部份: 係REIT/ 收租股/ CEF/ 電訊/ 基建, 一般嚟講 股價相對較平穩 (相對! 唔好捉我字蝨)

後者增長部份: 係一個增長公司, 較少派股息, 現金會留喺公司入面做發展 
依類大部份係美國科技股
******************************************************************************
槓杆買收息股, 另外大約10%-20% 資金買增長股 (容許我現時二元分法, 為左方便寫) 
80% 90%買收息股, 收到嘅股息會先扣除 利息支出, 大部份提取出嚟做家用 & 供樓 
餘款會留返喺股票戶口, 如果依筆餘款唔用嚟買入新股票, 會當係還款(減細槓杆) 
  • A: 當整體股票上升, 資產值會上升, 負債(Margin)不變, 槓杆倍數會下降 (負債比下降) 






  • B: 當整體股票不變, 但因為未提出嚟作家用嘅股息會留喺戶口, 現金多左, 負債減少, 槓杆倍數會下降 (負債比下降) 


  • C: 當整體股票下降, 資產值下降, 負債(Margin)不變, 槓杆倍數會上升 (負債比上升); 同時有未提取嘅股息留喺戶口, 對沖左部份影響










A1. 個盤一路升上去, 一邊用股息減負債, 減槓杆, 直至最後零負債 

A2. 個盤一路升上去, 一邊用股息減負債, 資產上升, 負債減少, 可用借貸額多左, 可以繼續買收息股&增長股. 視乎當刻嘅估值 & 市況. loop 返 ABC 

B1. 個盤一路唔升唔跌, 一邊用股息減負債, 減槓杆, 直至最後零負債 

B2. 個盤一路唔升唔跌, 一邊用股息減負債, 資產不變, 負債減少, 可用借貸額多左; 可以繼續買收息股&增長股. 視乎當刻嘅估值 & 市況.  loop 返 ABC

C1. 股票下跌, 資產值下降, 如果去到貼近爆倉水平, 會先賣出增長股. 直至成個盤去返健康嘅槓杆倍數

C2. 如果賣出增長股後都未能夠回到
健康嘅槓杆倍數, 再賣出非HKD 嘅收息股. 
所以喺2021年總結, 我提到, GBP嘅收息股都可能賣出 
其他貨幣(GBP EUR SGD USD)嘅收息股都會係放棄之列 (如出大事)
點都要保住HKD嘅收息股
喺以上情境之下, 上幾段提到嘅目標&局限.
我選股要穩陣, 體質良好嘅公司, 不論係 收息股定係增長股.
亦要揀出業務良好, 有強護城河嘅公司. 
依類公司相對上能做到每年增加派息  (派息keep住增加, 股價唔會衰得去邊)

例如(唔代表我現在持有) :
  • 傳統嘅中電 港燈 長實 新鴻基 希慎 
  • 領展 房託 (星加坡/香港/美國) 
  • CEF (參閱Kano's Blog) 
  • 天然氣管/ 基建 新創建 粵海水務 
  • 電訊 中信電信 中移動 
  • 英國嘅 有之前介紹過嘅 LGEN
增長股方面, 偏向 Mega Tech, 有足夠護城河
例如: (唔代表我持有
  • FAAMG 啦, (Facebook / Amazon / Apple / Microsoft / Google ) 
  • 另外有: 品牌股, Nike / LVMH / Hermes / Adidas
  • 金融服務公司 MSCI / Visa / Master
  • 強國代表 0700 Baba
另外, 要配合做到Margin
  • 所揀選嘅股票可以做到槓杆嘅 (例如: 我成日講嘅老人院 嘉濤2189, 就唔會喺養家盤入面, 因為細價股做唔到) 
  • 券商要有相對平價嘅利息收費 
  • 各股票嘅買入價要安全, 計估值嘅重要性 
  • 相對較”貴”估值嘅股票唔係唔買得, 而係要承受較大機會嘅下跌 (情景 C) 
  • 當時市場上通常介紹 IB CS FT, 或用返銀行(HSBC) 去做買賣 
  • CS /FT 利息好貴/ 做唔到Margin 
  • HSBC or 其他銀行, 買賣收續費, 仲有每次收股息要額外費用; 利息唔平 
  • 最後選擇左 IB HK
揀選資產方面(股票) 要更加小心, 因為有借貸做緊 
大家留意我過去經常講到要預視目標公司未來5年甚至10嘅護城河 (關於護城河: 五力分析/ five porter forces)

例如: Dream Stock; Ark 系列; Tesla 依啲波動極大, 未有正現金流 ; 計唔到估值嘅公司更加唔會係考慮之列 
 
***************************************** 
大致上嘅運作我地重溫下:  
  • 用槓杆 買入有現金流嘅資產, 另一邊買少部份增長較快嘅資產 
  • 利用現金流 & 資產增值去達致最後零負債嘅結果 
  • 遇到跌市時: 買入平價資產, 等待價值回歸, 達致最後零負債嘅結果 
  • 整個操作進可攻, 退可守 
  • 槓杆 是為了 去槓杆 
如果以一間公司為例子, 大家可以睇返之前寫嘅 0823領展 
領展利用: 
  • 香港物業租金穩定(現金流) 
  • &高估值特性(因為穩定現金流, 帶嚟高估值)
  • 買入外地較大增值空間嘅物業(平價買入 & 裝修重新包裝) 
  • 領展嘅資產值會提升, 
  • 借貸空間增加, 
  • 去支持下次嘅收購.
係一個咩概念? 富者愈富嘅概念! 佢有資產,可以借多啲錢 借平啲,又可以買更多資產.
仲有一個point, 就係2000億物業係今日嘅市值, 如果他日經濟回復, 物業值會隨之而上升
喺不斷收購, 加租, 升值循環之下, gearing 會慢慢回落
又可以「收購, 加租, 升值」
唔止0823領展, 0016新鴻基 & 1113長江
大家留意下佢地都有一大堆現金流業務 (租務/港口/電訊), 再利用依部份現金流派息(比家用), 同時等待機會收購. 0016買地起樓, 1113就向外地收購(如: 英國Greene King)

淨係香港企業先咁玩? 其實唔係.
Adobe, 現時嘅訂閱用戶每月帶嚟現金流
派息&回購(家用), 剩低就做R&D , 同埋收購(增長部份)

Microsoft MSFT 都係訂閱Office & Windows 帶嚟現金流
而去收購為msft 帶嚟增長嘅業務: Linkedin , "微軟宣布以687億美元收購動視暴雪"

例子數唔晒, 因為現實生活每間公司都係咁樣玩😎😎

0017 FY2021 PPT; 標榜公司未來嘅recurring收入佔比(現金流)















**************************************************************************************
喺今天預計加息環境下 (其實都好肯定今年會加)
以上操作要注意嘅地方: 就係增長股會因為加息而有短期上嘅波動 , 甚或中期嘅股價下降 
為免C 情景(成個盤向下跌, 爆倉, 賣股) 嘅發生, 我會先行賣出估值偏貴嘅股票, 而大部份為美國科技股. (今日寫緊嘅時候, 已經賣左一段時間)

若果, 2022年第二三季, 美股真係如預測般下跌, 我會視為買入機會, 因為我每月有現金流作為子彈; 同時收息股(大部份會受惠於加息/經濟復蘇) 因為資金追捧而升值, 為我帶嚟借貸額去買貨

若果, 2022年美股無下跌, 而繼續上升, 我錯失嘅係美股帶嚟嘅升值.
我今日減持「貴」嘅美股, 可以避免爆倉, 安然避過風浪; 失去嘅係賺更多嘅機會.
想有福無命享? 定係保住命仔下次繼續? 
喺養家盤嘅目標 & 局限下, 應該選擇後者.
投資有如登峰. 尊重大自然, 尊重市場, 人類很渺小. 

etnet: 3勇士組隊 下月闖珠峰






 












**************************************************************************************
Q & A

Q: 一定要 Bond + REIT? 收息股 配 增長股? 唔一定.
A: 心法係現金流配上增值; 現金流上嘅增加, 同時資產值嘅上升.
透過槓杆倍大現金流, 帶嚟購買力去吸納增長資產, 最後利用資產升值 & 現金流入, 去達致零槓杆.
所以, 另一種工具配搭可以係收租物業(住宅/車位/鋪位/工商) 帶嚟嘅現金流去買入其他資產. 簡單如: 用每月扣除按揭供款嘅租金收入去月供QQQ / VOO
不過, 現時收租物業嘅回報扣除利息後唔算有大差距, 比較之下依個槓杆唔算太吸引 
港股喺今日仍有股息率5% 或以上, 部份英股都係
相對上更為有吸引力


Q: 槓杆?去槓杆? 
A: 透過借貸去提高現流, 透過現金流去減低借貸 (同借錢買樓放租差唔多道理) 
相信大家聽過, N年前香港仲未有人頭限額時, 上一輩 買樓放租, 加按 再買再放租, 再加按 再再買 再再放租, 最終目的係十層無按揭嘅樓
(又返去 0823領展嘅例子)
 

Q: 想懶但又成日睇年報?
A: 懶嘅意思係個盤set 好之後可以懶 
Set 之前嘅揀股過程絕不馬虎 
買入當刻要以持有5年甚至10年為目標, 以「只買不賣」為入場門欖 
若果往後發現有另外嘅資產, 不論營運模式 / 護城河 / 估值 比現時手上嘅持資產更好, 會果斷換貨 
但至少買入o個下, 係非常安心, 做足功課


Q: 咁如果我槓杆買全部 增長股又得唔得呢? 
A: 槓杆係每日計緊利息





若果無股息去 cover 利息支出, 累積嘅利息會歸落負債 
一路唔還, 個利息同負債會滾雪球變大 
要靠眼光 & 時機, 手上買嘅增長股上升(中途唔會跌過龍爆倉) 
但因為成個盤無現金流, 負債只會不斷變大唔會縮細 (除非賣出部份增長股)
依個唔係一個持續性嘅投資組合
亦唔係一種做生意嘅模式

試試另一個例子去講:
今日借錢買入新界北一塊農地, 等待10年20年炒高賣出. 依10年20年唔出租, 無租金收入, 但有利息支出. 而且喺未來塊地是否一定能夠高價賣出, 都係一個疑問(炒賣增長股/Dream Stock)

若果, 我今日借錢買入新界北一塊農地, 並改劃成停車場/ 貨櫃場出租, 依10年20年我keep住有租金收入, cover 利息支出 & 還款.
中途改劃成特賣場出租, 帶動人流, 提升租金, 亦帶動土地價值.(會增加派息嘅收息股) 因為租金提升, 現金流入增加, 為我帶嚟購買力去拼購週邊土地. 之後嘅故事, 應該唔洗再講? (新世界/新鴻基/恆基/長實)

哪怕唔能夠改做停車場/貨櫃場/特賣場, 一塊農地放租, 都可以帶嚟現金流. (唔會增加派息嘅收息股)

想帶出嘅係: 透過借貸去達致低買高賣存在不確定性, 回報可能好高? 可能係. 前題係塊地炒賣成功. 同時風險極大, 缺少現金流去減輕壓力.
(Margin 買增長股/Dream Stock)

 
Q: 有無考慮買入指數型ETF如 2800/ VOO, 每年賣出一部份?
A: 市面上依套說法,  買入指數形ETF 如SPY VOO 
過去平均每年回報約8% 10%, 每年賣出4% 作為生活費 
依個玩法我曾經考慮過 
匯率係考慮之一, 但不是重點 (因為USD/HKD) 
計算過以當時本金開始, 初時嘅每年4% 並不足夠維持養家 & 租金支出 
而且資產值需要每年賣出部份持股而逐漸減少, 並未做到可持續性 
至於點解唔係2800? 應該唔洗解釋... 
 
 
Q: 我全倉港股? 
A: 不是, 但以港股為主要持倉, 要符合HKD生活費的投資目標 
同時有感過份集中一個地區唔係好事. 所以喺港股已經能夠提供足夠股息去支持生活費嘅前題下, 
餘下資金買入其他地區收息股, 作為股價上波動嘅分散 (影響Margin), 同時帶來股息收入來源地嘅分散. 
 
Q: 港股 & 其他地區收息股, 仲有增長股嘅比例 應該點調整? 
A: 目標為本!!! 目標為本!!! 目標為本!!! 
以養家盤為例, 會先定出目標家用, 計下要預幾多本金 
其他資金建議留一部份為收息股, 用嚟還margin loan
另一部份就係增長股.
其實無定死一個比例 .


Q: 話揀股睇5年, 但點解賣走US Tech股 ? 
A: 主要係顧及現時Margin 情況,  
保命緊要過搵錢, 情願賺少轉, 總好過最後連收息股都要賣出, 收唔到家用  
目標為本!!! 目標為本!!! 目標為本!!! 


最後: 正因為「家家有本難念的經」,投資人唔應該抄功課, 參考其他人嘅分析係okay的, 跟人地嘅買賣動作就極為危險. 
人地賣AAPL, 同我賣AAPL, 表面睇動作一樣. 
背後動機同理據並不相同, 因為喺底嘅目標 & 局限都唔同
人買你買, 人賣我賣, 最後你個投資倉位只會四不像, 距離你嘅投資目標逾離逾遠

*********************************************************************************
總結:
  • 以上係”養家盤”嘅目標, 局限, 組成, 思考經過
  • 「家家有本難念的經」,以上嘅方法大家可以參考, 切勿搬字過紙
  • 先要冷靜思考自己嘅目標&局限
  • 大體上, 我相信要用營運一間公司嘅思維去管理自己嘅投資組合, 以現金流為骨幹
  • (今日嘅篇章亦都提到喺現實商業世界, 公司如何利用現金流去穩守突擊)
  • 現金流資產, 配合適當嘅借貸/槓杆水平, 倍大現金流. 還款 & 收購增長, 最終目標係借貸/槓杆清零
  • 槓杆現金流資產 配上 增長資產 係心法
  • 工具包括, 並不限於:
    • Bond + REIT
    • REIT + FAAMG
    • 磚頭 + REIT
    • 磚頭 + QQQ/VOO
    • Office & Windows + 收購 ATVI 動視暴雪 (MSFT)
    • 香港零售物業 + 海外收購 (0823 領展)
    • 心法不變, 工具變
  • 選擇適合嘅工具 & 操作平台

*********************************************************************************************
🔴🔴🔴Patreon支持: 港股美股英股估值

🟡🟡🟡YouTube Channel

🟠🟠🟠Blog: 業績分析, 會計技巧

🟦🟦🟦Facebook Page

🟩🟩🟩若果寫嘅野幫到你, 請我飲咖啡? PayMe!
*********************************************************************************************
IB跌幾多會爆倉? Max Draw Down-Excel Model 更新

Book List 睇左佢地未? 未睇就話學投資?

2189嘉濤

五力分析

領展823; 「收購, 加租, 升值」

英國收息股: LGEN

Adobe 每年賺嘅錢, 一係收購(新業務/技術), 一係回購(股票)

#收息

諗緊買唔買一隻股票前, 應該諗諗依兩個問題先

2021年 總個結, 讀者Q&A

****************************************************
Interview with Li Ka-Shing 李嘉誠专访

Kano Blog: CEF

高息債, 優先股崩盤

****************************************************
Starman: 
槓桿的藝術

投資不能沒槓桿; 
真正善於運用槓桿的人, 是懂得以「去槓桿」(Deleveraging)為目標。

《現金流為王》的投資理念: 「前期槓桿,動態中去槓桿,終點零槓桿」

現金流為王的真正意義

資產配置的動態操作

「現金流」與「增長」平衡的資產配置

「REITs+Bond」組合以外的選擇

「REITs + Bond」資產配置的Rationale

15 則留言:

  1. 多謝分享, 目標為本, 現金流萬歲, 現金源源不絕

    回覆刪除
  2. 請問 數簿兄
    購買非港股時是直接借該國家的貨幣嚟做natura hedge嗎 如果是的話那港股派息時是把他再轉做其他貨幣增持增長股?

    回覆刪除
    回覆
    1. ys, 買咩貨幣, 就借咩貨幣
      是的, 有需要時再轉換

      刪除
    2. 謝謝
      文章很有啟發性,寫得很好

      刪除
  3. 十級感謝數簿兄分享
    小弟用左成粒幾鐘睇完又lun lun完又睇
    真係大開眼界
    自己個倉都係咁既大方向
    唯獨是沒有margin

    已bookmark 呢篇野
    週末要好好study XD

    sk

    回覆刪除
  4. well said and thanks for sharing!

    回覆刪除
  5. 槓杆是為了去槓杆!
    「家家有本難念的經」 & 「2021年總結」同本文
    好值得收係床下底, 閒時再細讀檢閱 好正!
    謝謝分享

    回覆刪除
  6. 請教數薄兄…
    你認爲槓杆買收息股,槓杆比率幾多是合適?
    而目標股票的股息是幾多厘爲之合理?

    如果買入收息股票後,市況波動令股價下跌,應否減持?以免擴大虧損或補倉。
    又或股價上升(20~30%),應否賣出部份獲利?(減低槓杆)

    在加息周期(加息又會令市況波動,企業成本上升),令孖展利息上升,賺息差的空間會減少。因此,加息周期是否應不適宜槓杆?

    回覆刪除
    回覆
    1. 槓杆比率幾多是合適,
      我唔認同咁睇, 如果成個盤最多只可以槓5倍, vs 槓3倍
      同樣地只槓杆到1.5倍
      可承受嘅跌幅都好大差別
      所以應該係睇住個"可承受嘅跌幅"

      股息率 最好同 Margin Loan 嘅息口逾闊逾好
      無理賺埋 都唔夠比利息 IB

      買入&賣出, 應該係跟據對前景嘅認識而做嘅估值
      而唔係 升 or 跌

      仲要睇埋當時有無其他 better option 嘅投資物

      是的, 加息周期要小心

      刪除