熱門文章

書單推介

睇左佢地未? 未睇就話學投資?

是咁的,不時都會有網友PM 我問想學睇年報, 想學投資 問我有無咩書推介 必睇 今日推介幾本我覺得幾啱新手睇嘅 會計 入門書; 中階書; 估值書 當然亦會有一啲講投資「大道理」嘅書 書睇過好多, 但真係覺得有用, 有insight 嘅兩隻手數晒 希望今次幫到大家慳返唔少時間去搵書 揀書

2022年1月2日 星期日

2021總結; 回報18%; 讀者Q&A

懂規矩, 唔洗講咁多, 有圖有真相
綠線=我; 藍線= S&P500












對比 標指 恆指 & 世界(ex US)指數














2021年: 標指27% 恆指-11% 世界指7% 小弟18%(17%?)

整體嚟講做到17% 18% 回報, 我暫時尚算滿意 (雖然無自己喺2020年幾十% 咁勁, 但始終2020年係唔正常), 我覺得自己做得最好嘅一步係「別人恐懼, 我貪某婪」, 當然前題係做足功課, 睇好年報先出手.

對於2021年嘅回報, 因為養家盤嘅目標& 局限
目標: 
  • 收息要夠養家& 供樓
  • 收息HKD為主 (減少外匯操作)
  • 收息要有增長, 追到通賬
  • 操作逾少逾好
  • 盡可能懶
  • 股價唔升唔係重點 (But, 一隻派息股如果派息有增長, 公司各方面唔差, 股價長遠都會成長)
  • 關鍵時刻, 會賣走增長股(e.g.: US Tech, or 其他派好少息嘅股票)
  • 其他貨幣(GBP EUR SGD USD)嘅收息股都會係放棄之列 (如出大事)
  • 點都要保住HKD嘅收息股
暫時喺2021年嘅目標仍然乎合, 交足功課, 亦"意外"地可以幫屋企脫離「租租族」
成功再次上車
養家盤持有股票依然係收息系最多, 佔到80% 90%
當中有40% 50% 係港股 (電訊/地產/基建)
有人會問, 如果唔玩港股就唔會輸, 我認同, 但我絕無後悔手上持有嘅港股
如果係今日再重新做決定, 依然會買入現時嘅港股, 亦好有信心嚟緊會好轉
只係2020 2021太多意外, 好多「估唔到」
Bin 下自己C, 當日預計COVID玩一年就會完, 點知....
重申, 對於買入收租系列絕無後悔!

另一個計法, 如果學某幾位Blogger/fb KOL 咁用"資產總值" 當做回報
依兩年間, 小弟總資產值大增左4倍😆😆
抽下水only...唔好見怪 

依一年有幾個感悟:

「家家有本難念的經」
意思係: 每人投資目標唔同, 能力唔同
所以好多時有網友pm 問我點set 個盤好, 我都會反問返佢, 你有咩目標? 你願唔願意去增加自己能力? 你有咩能力? 
有人退休後依然會滿倉唔派息嘅股, 特別係全倉科技股, 佢地嘅操作會係每年賣出某部份持股去支持生活開支
佢好清楚自己嘅目標, 知道自己嘅能力圈
但我地作為一個外人就唔會理解點解佢會有咁嘅動作


亦唔知道其實佢做左好深入嘅功課
如果盲目跟從最後豬錢嘅只會係自己

「取捨」
當中包括左"眼紅症" & "識Say No"
好股無限, 錢銀有限
嚴格執行自己投資目標, 就要學識取捨, 識 say no
有位網友話佢目標每月要$XXK 嘅現金流去養家
但交流間佢又講到邊隻邊隻升得好勁, 買少少好唔好? "眼紅症"會害死自己
同目標唔符合嘅野, 要say no, 專注完成左首要目標先, 再睇下自己有無能力拓展一個新嘅選股範圍
過去1年如果我全倉美股, 好有信心地講, 絕對可以跑贏美國指數大市. 但符唔符合到養家盤嘅目標? 又好似未必. 
若果目標搖擺不定, 見到邊個人買咩股賺好多就跟, 另一個又跟少少, 低PE 股又學人去跟想撈個靚低, 最後幾頭唔到岸
眼紅人地賺得多, 但又無好似對方嘅用心做功課, 亦無對方當日嘅膽量
就要識Say No
唔少網友讀者有玩期權嘅習慣, 亦有人PM問我會唔會玩, 講左一大堆期權嘅好處, 增加現金流, 可以低位入貨, 可以避免唔少風險...etc...
我了解自己, 知道自己個腦未必handle到點樣計回本, 計波動, 計幾時要續期
果斷Say No, 情願賺少啲, 亦唔要為自己增加控制唔到嘅風險
亦唔好眼紅對方喺期權身上賺多幾多回報, 因為我say 左no.

投資對自己負責
可以向其他人學習, 而唔係比較.
了解對方嘅睇法同埋背後嘅理據, 而唔係跟冧巴.

最後一個
「買得唔好嗌; 嗌得唔好買」
依一年港股 中概股都受到連翻打擊, 特別係中概股, 我自己都中左唔少
但正正係因為買入時做足功課, 亦有心理準備, 相信自己嘅判斷, 接受自己嘅判斷
而市場上唔少人, 當中某位知名基金經理, 睇返佢過去嘅訪問&記者介紹佢嘅稿
該位經理依十幾年喺中港股 A股市場賺左唔少, 亦幫佢累積左唔少名氣
過去多次中國政策出擊佢都避過, 甚或只係受輕傷
但今年嘅「共富」打擊中概科網, 依位經理就不停怨婦式出post, 怨天怨地
喺中國市場玩左咁多年, 難度第一次遇上政策市? 買入時無預想過?
漸漸開始睇佢唔起, 唔係因為佢輸錢, 而係佢嘅態度好唔要得.

今年嘅中概股受到拳拳重擊, 自己都估唔到股價腰斬再斬腰
但千祈唔好怨天, 反而係反思買入時嘅估值是否已經足夠反映未來可能嘅增長放緩
當日喺「共富」之下預想嘅情況有無比今日更差

身邊有朋友盲目撈底, 每跌一日, 叫春一次. 點解唔賣走佢? 又唔捨得
投資係尋開心, 尋成長嘅地方, 不論銀碼上嘅增長, 定係個人思考領域上嘅成長
有樣野好老土, 但又好真, 負面會阻礙自己
買入某股時, 要清楚自己目標& 原因, 忠於自己
「買得唔好嗌; 嗌得唔好買」

**************************************************************************************

回望自己, 對比n年前仲係一個典型高登/連登仔. 憎人富貴嫌棄貧, 埋怨世界無比機會, 卻從未去努力裝備
買股票短炒跟風, 每星期睇一本iMoney 以為自己好了解個市場
用「我覺得」「我以為」去做投資決定
2011年真倉










依兩年長進左唔少, 大家可以望下上圖, 係我2011年時嘅股票倉
當中有啲股喺今日仲停緊牌, 除左牌, 或者繼續一沉不起
喺股票上, 放開懷抱, 向海外推進, SG US UK EU
由以前着眼於過去盤數靚唔靚, 到今日會更着眼未來發展, 有無持續嘅護城河

個人成長當然都唔少, #老闆思維 除左有助揀股, 亦帶嚟正面思想
講樣野比大家知, 當年小弟就係A-Level 升唔到大學嘅廢J, 上到副學士亦無努力
top up出身, 每次見到都要解釋唔係 distance learning o個種
行左唔少冤枉路到今日未算成功, 但漸漸搵到自己想行嘅路
今日都有兩個碩士&一個專業資格喺手, 希望30歲仍然never too late
唔係想喺工作上有一個作為, 精準啲去講, 係想喺自己嘅領域上留名
無人鐘意返工, 係因為未有一個想發展嘅舞台, 行屍走肉9至5絕對唔係我想要嘅生活.

***************************************************************************
Q
近排唔少網友都好奇, 問我係咪財自左?

係, 但又唔係
「係」, 財自嘅定義= 被動收入大過生活支出
老實, 我好怕"財自"依個詞, 喺市場上講得太濫
跟據上述嘅定義, 今日係"財自"

「唔係」, 因為上一次轉工, 發覺中左伏, 任性地裸辭
幸好手上有 fuck you money (link by 窮生)
可以令我唔需要擔心供唔起層樓, 唔洗驚父母要訓街

另一個「唔係」,今日嘅養家盤仍然係喺槓杆當中. 有信心唔會出咩大事, 但始終市場最唔缺嘅就係意外
我仍然會去搵工, 但唔洗有一種「咩都做住先」嘅壓力
第一次深深感受到「錢」嘅力量

Q
有位網好問我依段失業/財自 時間係咪好得閒好悶? 問我係咪一個好有計劃嘅人?

絕對唔係
我無為自己寫下咩目標, 每日起身都係做想做嘅野
起身睇News, 搵公司去睇, 我對依件事依然係樂此不疲

Gmail


















每日都有唔同公司寄嚟嘅 News Alert
我唔會每封都睇晒, 因為我知道我手上揀嘅公司好優質, 睇少幾眼都可以, 甚至唔睇5年依然問題不大
前設係買o個下已經功課十足
我深信財務自由, 亦要時間自由
手上嘅好公司令我有依個選擇權, 
可以沉醉喺每日睇公司嘅世界, 亦可以落街行下石春路, 沿河邊散步再hea 下先食個brunch

***************************************************************************
今年開左Pay床 & PayMe
多謝訂閱左Pay床嘅朋友仔, 你地有咩要求都可以喺Pay床留言/PM提出
(我暫時未諗到點樣可以照顧好兩邊嘅讀者, 所以暫時係純支持形式, 多謝)
亦多謝喺PayMe 請我飲咖啡嘅讀者
你地嘅留言係好好嘅鼓勵, 多謝!
估唔到寫嘅野咁偏門會有人睇, 有人支持

來年, 希望可以少啲股票嘅操作
做到人生自由

寄望香港會更好
股票市場更好

-完-

*********************************************************************************************
🔴🔴🔴Patreon支持: 港股美股英股估值

🟡🟡🟡YouTube Channel

🟠🟠🟠Blog: 業績分析, 會計技巧

🟦🟦🟦Facebook Page

🟩🟩🟩若果寫嘅野幫到你, 請我飲咖啡? PayMe!
*********************************************************************************************

19 則留言:

  1. add oil, 有冇興趣簡單講下rw0u& N2iu單deal

    回覆刪除
    回覆
    1. 依個超大topic
      有無話想喺邊方想問?
      我試下搵答案, 如果中途搵到有趣嘅point 會講下

      買SG REIT嘅時候有無留意? (1)& (2)
      https://lookitsmathbook.blogspot.com/2021/06/sg-reit-1.html
      https://lookitsmathbook.blogspot.com/2021/07/sg-reit-2.html

      刪除
    2. As a shareholder of RW0U, I am delighted by the deal but I guess N2IU will lose out in terms of lowered valuation, which is justified by the geographical diworsenfication.

      Look forward to your blog posts on this deal!

      刪除
  2. "好股無限, 錢銀有限" 真係好正~
    數簿兄個背景同故事好勵志.

    回覆刪除
  3. 多謝數簿兄,睇完,覺得好勵志,共勉之。
    我今日將會辭職轉工,離開一個相對安穩,轉去一個新環境,滿有挑戰既環境,主要是人工高,希望可以捱到,適應到。
    最後,祝你新一年,都好快搵到合適既工

    回覆刪除
  4. 謝謝數簿兄很細心的分享,很多提醒
    自己都中招不少次,慢慢才避免做羊群

    投資者要不斷求進,但投資風格是很個人,是消化得出來的結果
    如果只係抄其他人,係會消化不良,甚至肚痛肚寫,你講得啱

    回覆刪除
  5. 你個portfolio 都80%港股
    應該拎HSI 2021 個-15% return 同個portfolio比,rather than 同S&P500比,咁就可以開班收學生(笑)

    回覆刪除
    回覆
    1. hahaha, 偷換概念依啲野留比其他人 XD

      刪除
  6. //依位經理就不停怨婦式出post, 怨天怨地
    喺中國市場玩左咁多年, 難度第一次遇上政策市? 買入時無預想過?// 因為同讀者同聲同氣地埋怨政治風險,就可以將自己做錯決定既焦點轉向政治風險,咁讀者就唔會怪佢,我估係咁。另外你指邊位經金經理,比大家估下

    回覆刪除
    回覆
    1. 唔洗開名啦 XD
      佢好出名嫁, 成日上唔同YouTube channel, 又有喺信報專欄

      刪除
  7. 作者已經移除這則留言。

    回覆刪除
  8. 每星期一本iMoney,初初買股票我都有咁做。
    我重cheap到去圖書館睇,後來發覺好唔對路,
    需要多一點知識,如財表,行業發展,技術分析。

    後來,去左櫃到睇天左唔少財經書,開始識得分辦好書同純吹水既書。
    情況好似股票咁,我也看了最初期的倉位,一樣有停牌:
    一樣有股價不動。不過,終於修正到今天倘可以的程度。

    期望,不段改善,鈠鍊自己眼光。

    回覆刪除
    回覆
    1. 其實唔止iMoney,我仲試過每日睇報紙搵52週低位嘅股嚟買 XD
      (以前報紙有一板係全部嘅股價)
      諗起都on9傻豬

      刪除
  9. 謝分享! 好勵志! 好有共鳴感!
    成長背景同你相若, 都係靠自己慢慢讀上泥
    投資最緊要了解自己既性格
    定好目確既目標 (呢方面自己都有待改善)
    好耐無莆頭, 慢慢追下POST先

    回覆刪除