熱門文章

書單推介

推介 書單 update (2023年)

燒腦谷 谷友 想我update 下個書單 會計知識 ; 投資心態 ; 宏觀經濟 我經常都講「書」係最抵嘅投資, 一二百蚊拎左對方嘅心血走 下面書單係之前嘅整合 https://www.facebook.com/duncanlindesign

2019年6月28日 星期五

2189嘉濤...老人院生意好好做?


近排有幾隻新股上市, 比較多人講嘅係中煙 & 太興
太興有好短咁寫左幾隻字, 有性趣嘅巴打可以去依個post

或者可以去小弟個blog (利申, 未有廣告ad sense)


每日溜連港交所嘅披露易,發現左仲有隻新股上市, 見到個名"嘉濤", 覺得好似啲老千股咁, 但老師教落唔可以易貌取人, 咁就望下佢咩料子啦

一望就心心眼, 係做老人院
現時創業板有一隻 #8405恒智控股, 品牌名係瑞安
另外一隻係主板 #1989松齡集團, 品牌名都係松齡
上年係Yoho開左間新嘅高端老人院, 唔係講笑, 租緊3-5萬一個床位
好, 利申返先, 唔係賣廣告, 但覺得大家應該要開下眼界
松齡現時有8間, 大約一千個床位

今日嘅主角係 Kato嘉濤#2189
旗下品牌有: 輝濤/嘉濤/荃威/荃灣中心/康城松山
一共8間院舍 1,129個床位


早一段時間參加過一啲so call 創業講座,賣老人人院股份,自己做左少少research

老人院嘅宿位分公營 & 私營, 公營一般要等2-3年
政府向來都少做少錯, 唔做唔錯, 但又要解決問題, 咁最快幫法就係洗錢
社署有個叫改善買位計劃(EBPS) ==我地簡稱做"買位" (招股書P66)
社署link<--建議認真望下, 入面嘅資料之後會提到


社署會按照 人均面積, 職員人手比例, 港島區 定九新區 去有一個統一嘅買位價格, 而私營營舍收左依筆錢之後, 可以再on top 收個老人家費用/清潔/食/賣下啲日用品/尿片

行業前景依啲新聞都講唔少, 招股書P64開始, 大家有性趣可以研究下
唔花時間多講
市佔率, 五大公司都係大約1%, 另外價格其實都好難有 differentiate
除非好似"松齡"咁整左個Yoho mall 高級院舍


講下"嘉濤"盤生意做成點先
Common size analysis, 將income statement 每個數除 Sales(收益), 拎個百分比
老人院唔係製造業 or 貿易業務, 所以唔會有"毛利", 我地可以直接望"純利"
過去三年都像20% above, 睇嚟依盤生意幾好賺, 而當中大家見到 人工 & 租金係最大成本


依張係"松齡"嘅common size
張兩間公司放埋一齊睇就可以睇到有無啲數過大or過細, 有奇怪位就要再去drill down 去搵, 都係搵有無水份嘅其中一個技巧

例子 : 松齡租金佔比~10%, 而嘉濤就要~18%, 點解會多咁呢?多出嘅位又合唔合理呢 
松齡有自置物業, 租金可以慳左, 而嘉濤全部都係租嘅

講返最大成本 人工&租金
招股書P259 做左個"敏感度分析", 假設依兩個咁重要嘅factor 若果要加租 & 薪金上調 對成盤生意有咩影響, 睇得到兩者都加20%的話
對2018年盈利會大約減少一半, Net Profit Ratio 會跌到落大約10%
都算係Not Bad, 就算招股書無做依一part, 都建議大家自己去做分析嘅時候, 可以自己做下, simple calculation 就可以


Income statement 望完, so far 無乜古怪位
望下balance sheet, 
非流動資產有大約1,758萬, 218萬係稅, 1540萬係係一啲裝修/設備為主
"嘉濤"無自置物業, 8間院舍都要租<-租金要留意
流動資產大約一半係關聯款項<-注意, 另一半係現金
貿易應收款好少, 主要係因為貿易對手係 社署& 院友, 應該都唔會點走數

權益大約有4225萬
負債總額有4524萬, 當中一半2671萬係銀行負債, 依部份其實佢有2176萬係五年後先還, 但由於有"附帶按要求償還條款"(招股書-I-28)
咩意思呢? 就係銀行有權隨時叫佢還錢, 所以就會2671萬成個數歸落流動負債, 而唔係"長期負債"


望望幾個大嘅財務比率
ROE 有成80%
ROA有40%
有研究開股票嘅巴打就會知依兩個比率, 有咁嘅水平係好鬼juicy

比幾個個參考大家
松齡ROE 8% ROA2%
大家至愛嘅維他奶ROE20% ROA11%
點解"嘉濤"個數可以咁靚仔呢, 其實係因為佢嘅business model 
佢嘅營運模式好簡單咁, 租鋪, 請人, 收床位費
無買鋪位, 成盤生意可以唔洗點有一啲大型資產, 成間公司個size 可以好細, 但就可以generate 到一個大佢自己幾倍嘅生意返嚟, 對比其他生意, 要設廠, 存貨, 有物業, "嘉濤"輕身好多

講到咁堅抽, 唔好唔記得!好緊要! Cash Flow!!!! 
一眼望晒, operating cash flow 穩定, 少少總結, 依盤生意穩定需求, 穩定現金

但大增長會唔會有呢? 相信難啲, 量(床位)好難加, 受制於社署嘅要求
價有無得加? 雖則無價管, 但老人行業, 點加得多? 跟通賬加少少都比人屌老母。而且社署買位邊會加得多, right?


所以, 就係佢上市嘅原因
招股書P296, 計劃集資1.2億 or 12320萬, 大家記唔記得佢嘅總資產本身係幾多? 係8913萬, 佢要整大佢公司一倍? 嚇死me 其實唔係

樓上講過下, 依盤生意嘅營運模式係輕資產, 未來佢都唔會打算買鋪, 所集資額12320萬入邊, 大約有一半係裝修->歸落"固定資產"
而另一半係洗費, 係支出, 租金/租鋪嘅按金/員工訓練/法律&專業費
佢打算嚟緊開多6間院舍, 每間大約146個床, 總數876個
按返本身平均每個床位收入$11,515 , Profit Ratio20%計, 每年帶嚟2420萬盈利

最後ROE ROA 係幾多, 留返比大家計, 好juicy


大家要留意返, 老人院盤生意好做, 但都要24個月先回本
而另外仲有前期工作大約18個月, 依三年半樣樣都係錢(cash OUT flow)
雖則本身每年有operating cash inflow 4800萬, 但跟據計劃開多六間鋪五年要洗18540萬, 真係未必夠, 而因為本身無乜資產嘅關係, 都好難借到咁大筆錢,所以上市集資係一個出路 (招股書P311)

So far講到依到, 間公司一啲古怪野都無? 點會無 
好眼訓直擊重點, 招股書P208
"嘉濤"好老實不客地氣講左現時8間院舍有6間係同大股東租物業嘅, 除左院舍,仲有幾個員工宿舍都係向大股東租嘅
熟股票嘅手足, McDonald, 翠華, 優品360, 買鋪放租,帶動人流再炒貴附近其他鋪位
依個情況會唔會係嘉濤身上發生呢? 招股書又點會咁寫
但諗左一陣, 老人院好難帶動人流呱

"關連交易"其中一個重點係有有無賣貴左? 收少左?
睇返招股書公佈6間院舍&員工宿舍嘅過去租金, 再上地產網對比返市值租金參考, 就會心裡有數, 我就手稿計左, 好眼訓, 唔打上嚟啦, 大家有時間可以自己玩下 (依個都係睇數簿嘅其中一個技巧)
-->簡單總結, 我相信係貼近市值租金

真Final 總結
輕資產, 穩定生意&現金流, 高ROE& ROA
自身增長有難度, 只可以靠收購& 開新院舍
本身有8間, 嚟緊會開6間, 預3-5年收入&現金會受影響
講漏, 6間新鋪仲搵緊, 未有簽任何合約, 要注意

利申,有入紙IPO, 本身諗住截飛前寫好放上嚟




想問下其實佢冇買物業做生意係好事黎咩,有冇可能畀人瘋狂加租?

利伸新手
有好有壞
手上8間完有6間係同大股東租,而招股書入面都講左嚟緊三年嘅租金上限,至少依幾年嘅租金都係可控範圍

關於未來發展,要租多6間院舍,每間放146張床,都要萬幾兩萬呎嘅鋪位先放得落,要搵鋪都有啲難度

若果喺業主角度,我有咁大個鋪,其實都唔係咁多行業可以食得落。gym?酒樓?超市?
老人院睇嚟係一個唔錯嘅租客 穩定現金流

要密切留意嚟緊開新鋪嘅租約期係點因為樓上提過 前期工作18個月,回本要另外24個月
租約無返4,5年的話真係搵嚟搞



其實都係要睇佢生唔生性,老人院上市真係唔係咁易,如果做到靚業績又有可見到成長,食住人口老化趨勢既問題,有機會既,算係以年計既放長線釣大魚既方法。你認唔認同?
 
其實大家都知人口老化問題好嚴重,你知我知單眼佬都知,香港其實亦唔少老人院,亦有好多人不停入緊黎分一杯,兢爭大都係隱憂
巴打講嘅野 我partly agger
若果以輕資產 租鋪咁去入場,資金要求相對比較細,可能真係呀豬呀狗都可以入場玩

But, 頭三年都係要洗cash, 有出無入
反而,我覺得想入場搞的話,“經驗”先係重要資產
要做甲一買位/社署有要求/裝修有要求/消防/員工/膳食,無返咁上下經驗都好難搞得掂

補充,施政報告話過會洗錢買地做社福設施,我諗政府買院都係判出嚟做
有經驗嘅私營院舍&上市地位 相信都會受惠

##
收入穩定 現金流穩定 有潛在增長位 受到經濟週期嘅影響比其他生意細
成盤生意睇落唔錯我會長揸
覺得太貴嘅巴打可以兩三年後等佢新六間真係有曬成果先再買嘅
不過到時咩價位就唔知啦

沒有留言:

張貼留言