騰訊派中期息! 世界沒日? 增長不再?

2021年12月14日星期二

騰訊派中期息! 世界沒日? 增長不再?

【分析憂業務高增長不再】騰訊突商派中期息歷來首次 https://bit.ly/322m5HK
#騰訊（00700）突然宣布審議派 #中期息，若獲得董事會批准，或是上市以來首次派發中期股息。分析認為，騰訊一向作為 #增長股代表，手上大量現金用於研發、併購和發展新業務，現在出乎意料增派中期息，市場擔心會否意味未來業務增速不再。
騰訊董事會宣布，預期於下周四（23日）審議一項決議，以批准派發中期股息。不過，公司於中期業績公告列明，並無宣派任何截至6月底的中期息。本報查詢是否追派6月底的股息，騰訊回應稱，除通告內容，沒有補充。
股息一向不是騰訊的賣點，以昨日收市價466.6元計，股息率僅0.34厘，即一手騰訊價值4.66萬元，僅收取股息160元。翻查資料，自2004年在港上市以來，騰訊從未派發中期息，一直只派末期息，並每年增加派息金額。以去年為例，每股末期息1.6元，較前年多33%，派息比率約25%。
市場對騰訊突然有意增派中期息感到不解。利達基金經理黃耀宗表示，傳統而言，增長股一般投放大量資金於研發，以維持業績增長，「當一隻增長股開始派息，是否意味成長階段過去？」他續說，之前有網上言論憂慮騰訊變成另一隻中移動（00941），即增長動力欠奉，成為收息股，「若預言成真就慘了」。

******************************************************************************
市場好多解讀, 包括及不限於:

公司無野想收購(acquisition)
公司無野想發展(CAPEX)
中移動化
內地政府要錢, 叫佢科水

well...咁我地今日睇少少數據, 應該會有答案

過去經常都話睇公司派息對比佢搵嘅錢, 最好就係睇"經營現金流", 再深入啲就係睇"自由現金流".

睇返過去5個年度, "經營現金流"對比"收入"嘅百分比為

40% 39% 35% 44% 43%

用於公司內部嘅資本支出, 包括無形資產嘅洗費, 大約佔"收入"為

12% 14% 16% 13% 11%

大約可以推斷"經營現金流" 扣減要支持公司營運嘅資本支出(CAPEX) , 大約會淨返25%-30% 嘅現金 ("自由現金流")

而, 過去5個年度, 騰訊用左幾多錢派息? 大約係佔收入嘅2%

每年洗淨佔收入25% 30% 嘅現金, 但派發股息只係用左2%

um..... 大家覺得騰訊嘅派息算唔算慷慨呢?

***註, 0941中移動差唔多派晒佢嘅"自由現金流"

如果張今日騰訊(可能)加派中期息, 就話佢邁向中移動....可能仲差得遠.

但, 過去騰訊都會收購唔同公司股權, 依部份又洗左幾多錢呢?

我張資本支出,購買無形資產, 聯營公司投資, 購買股權加起嚟(Sub Total), 大約佔收入百分比為

34% 31% 51% 40% 39%

對比返"經營現金流"

40% 39% 35% 44% 43%

其實仲有4% -6% 現金淨低, 加大一倍派息都問題不大...

******************************************************************************

公司無野想收購(acquisition)
公司無野想發展(CAPEX)
中移動化
內地政府要錢, 叫佢科水

我地再睇多次4個疑問

有無野想收購我就緊係唔清楚, 但喺增加派息嘅情況下, 過去嘅收購依舊可以繼續, 至少金額&對佔比收入嘅規模唔會少
騰訊係咪想唔再出錢發展(CAPEX)? 我都係唔知, 不過好似過去咁 keep住洗返佔收入大約十幾個百分比去實體資本, 還是軟件/平台開發嘅資本支出, 都係無問題嘅
中移動化? 可以分幾個層面咁講, 市場飽和? 未有深入研究, 但應該同電訊業嘅飽仲有段距離?
中移動會用現金流嘅八成去做資本支出, 淨返嘅係派股息, 而佢地嘅資本支出係用嚟維持公司現有規模為主. 即係話中移動嘅支出係唔出唔得, 唔係用嚟爭大個市佔率.
對比騰訊嘅資本支出 & 收購係用嚟增加市場份額, 橫向甚至縱向擴展, 如果話騰訊會「中移動化」應該仲有好大段距離
最後一個問題, 政府缺水?
依問題大家自己搵習總問下😅

******************************************************************************

我地望望騰訊嘅派息政策, 睇下有無咩insight?

股息政策
本公司致力維持足夠的營運資金以發展及經營本集團的業務，並向本公司股東提供可持續回報。
根據本公司目前的股息政策，可自本公司的可分派盈利或儲備中宣派股息。儘管尚未預先釐定派息比率，然而於建議或宣派任何股息時，董事會須考慮本集團的盈利表現、總體財務狀況、債務契約、未來營運資金及投資要求，以及董事會認為相關和適合的其他因素。

騰訊無一個預設派息比率, 亦會從以前賺落嘅派出嚟, 唔一定當年賺嘅錢先派得. 派息時會考慮前景

亦無好似其他已經穩定嘅公司, 有一個明確嘅「有加無減」派息策略

所以: 依段野係無乜重要insight 嘅😆

******************************************************************************

今次嘅事件明顯引起市場無限/過份解讀, 但上面望落盤數又唔係太誇張

公司搵錢能力超強, 派多double 嘅息都無大影響

作為投資者應該冷靜, 睇年報搵返事實數據, 思考&計算實際 /或可能潛在嘅影響有幾大

而唔係「好驚呀! 中移動呀!」

-完-

*********************************************************************************************

🔴🔴🔴Patreon支持: 港股美股英股估值

https://www.patreon.com/lookitsmathbook