2588中銀飛機租賃盈警, 股價跌6％. 買得?賣得?

2021年7月7日星期三

2588中銀飛機租賃盈警, 股價跌6％. 買得?賣得?

因時間所限, 今日唔會分析2588 係咪靚嘅leasing租賃公司

直接講左先. 係! 佢係一個靚嘅租賃公司

今日主要係講講點樣解讀佢份盈利預警 (2021年7月5) https://www1.hkexnews.hk/listedco/listconews/sehk/2021/0705/2021070500041_c.pdf

有無咩Tricky 位? 公司有無陰招? 點解佢要咁做? 投資人(你)應該點應對? 最後, 買定賣?

**************************************************************************************

首先, 我地一齊回下帶先

喺2021年01月04日, 2588 發出一份盈利預警, 預計2020年12月一整年度嘅稅後淨利潤Net Profit 會少25%-30%

當時份盈警係咁寫

2020年新冠疫情以及隨之而來的全球旅行限制對航空公司（包括本集團某些客戶）產生了重大不利影響。因此，董事會預計，本集團將在截至2020年12月31日止年度產生呆賬準備和減值損失，這將導致本年度的稅後淨利潤較截至2019年12月31日止年度的稅後淨利潤降低25%至30%之間。

唔知依個blog 嘅讀者有無熟Acct 嘅朋友仔, 或者早期少少嘅讀者, 應該有印象我大約講過紅色o個兩個字

2588 因為COVID影響佢手上嘅客(航空公司), 所以:::

增大左呆賬準備= 2588覺得堆客好大機會唔還錢/還唔足, 所以根據會計學入面嘅保守概念, 預先當佢地會唔還先. 係咪真係走左數? 未知. 但覺得機會唔細, 預先當係.

減值損失= 年報上面咁寫: 原因是若干飛機的估計可收回價值低於相關飛機的賬面淨值。

2588覺得第日架飛機租完比個客, 收返嚟之後, 未必再賣到好價錢/ 未必收到好嘅租金(因為COVID), 影響到第日架飛機值幾錢

件事發生左未? 未. 係咪今日已經飛機唔值錢? 唔係. 2588覺得佢未來好大機會唔值咁多錢, 今日減定先. 第日增值返? 唔會. 喺2588本數簿上面以後就會係細左嘅數

好, 問題嚟啦, 點解要咁做?

1. 會計學上穩建保守概念, 「報憂不報喜」

2. COVID係一個好嘅機會, 有咩衰野賴落佢到

令到2020年嘅Net Profit 細左, 第日COVID完左, 無事好返晒, 咁個Net Profit 咪會爆升, 又可以發"盈喜"😉

3. 如果2020年嘅呆賬準備, 個客無走數兼還晒錢, 2021年或者之後嘅年份, Profit 會有一個呆賬回撥, => 盈喜

4. 襯COVID, 將飛機價值減左落嚟, 第日賣飛機, 個Profit 會大啲

5. 亦可以令到今後嘅每年折舊金額縮細=> 之後嘅Profit會變大

(補充, 2588個減值金額好細, 影響不大. 當年0027銀河娛樂個賭牌減值就精彩好多, 第日寫寫)

依類行為叫做「Big Bath」

有咩衰野借機賴晒落去一個年度, 橫掂都衰, 唔差在. 整衰啲

咁出年嘅Profit 比較返今年就會靚仔左, 更突顯管理層嘅領導叻叻豬

依個就係所講嘅"陰招"

我地睇睇2588喺2020年嘅收益表先

紅色框, 飛機減值 $108,600 & 呆賬準備=$43,299

依兩舊「Big Bath」夾埋$151,899

咁稅後盈利少左幾多? 少左$192,418.(-27%) 所以發出盈警

如果拎返走紅框, 稅後盈利只係少左5.7%

大家望望綠框, 其實2588 喺2020年仲收益多左😏

而根據2588嘅股息政策:::

本公司的股息政策為至多分配整個財政年度稅後淨利潤的35%。董事會有絕對酌情處理權決定是否宣派任何一年的股息。如果董事會決定派息，其有絕對酌情處理權決定派息金額。

對咁多位收息嘅小股東, 有咩影響好明顯啦

派息政策係係根據稅後利潤, 飛機減值 & 呆賬準備 都會令到派息減少

(現金支出減少)

**************************************************************************************

好, 咁返嚟2021年7月5日出嘅 2021年度中期業績盈警 公告, 內容寫咩呢?

持續至2021年的新冠疫情以及隨之而來的全球出行限制對許多航空公司（包括本集團某些客戶）產生了重大不利影響。因此，董事會預計，本集團將在截至2021年6月30日止六個月期間產生呆賬準備和減值損失，這將導致本期間的稅後淨利潤較截至2020年6月30日止六個月期間的稅後淨利潤降低20%至25%之間。

以上對白有無啲熟口熟面?