早排匯豐因為一籃子因素, 再跌到青姐$33價位
唔少網友都會問, 買唔買好呀? 銀行唔會死嘅!? （我老豆都有問我）
睇開小弟Blog 嘅讀者都知， 向來唔講股價，首要研究公司本質！
第一步，唔講太多點睇銀行數簿複雜技巧野
最簡單易明嘅 成本/收入比率，照字面去解就得，成本佔收入嘅百分比，當然佔比逾低逾好
可以見到 兩間跨國嘅大銀行：匯豐 & 渣打 成本/收入比都穩守90%以上
再對比下本地薑 恆生/大新/BOCHK
望埋最底兩行嘅國企大行
先唔講政治因素, 跨國大行係有本質上嘅問題, 睇上面嘅比率, 好明顯係營運效能好唔掂
第二步, 了解下銀行點賺錢先.
簡單咁去理解, 銀行業 吸存款 再貸款出去, 賺取息差
存款來源: 零售散戶/商業大戶/同業拆借, 依到我地假設平均成本大約為1%
而放貸: 私貸/樓按/商業/銀團貸款/同業, 假設平均收益大約為3%
銀行就賺左2% 息差...
但....
成本呢? 燈,油,火,蠟,租金,人工, 望返上面嘅 "成本/收入比", 大約50%咁計
息差賺左2% 扣左50%做成本, 得返1%利潤, 完未呢? 其實未, 仲有咩扣呀大佬?
壞帳! 唔係撥備咁簡單, 而係真係條友走左數, 如果借出去嘅錢當中有1%走左數
咁扣完成本得返1%利潤, 再走埋數....銀行就真係開善堂, 搞手賺夠啦, 但求打個和
當然實際銀行業盤數仲有好多唔同細位, 以上只係好簡化版咁講解下銀行業運作
仲有成本呢? 壞帳呢? 你可能會問嚟緊息差會唔會闊返些少呀?
一圖勝過千言萬語, 至少嚟緊兩年都唔會點加息, 息差會唔會可以闊到, 更加唔洗再講-> 唔會
可能再會問, 成本有無得再減呀?
難啲, 點解? 銀行業嘅合規要求只會越嚟越高,: 稅務/洗黑錢//新嘅會計準則
「環球金融，地方智慧」嘅代價就係每個營業地點嘅法律你都要遵守
咁嚟緊成本仲有無得減? 我真係諗唔到點減
==================================================================
資金水浸下, 銀行放貸亦只會更難做, 競爭激烈下, 邊間平息就邊間借得出, 息差進一步收窄
而為左減低壞帳風險, 亦唯有集中風險無咁低嘅放貸, 而往往依類貸款息口再更低
內房10年期息口都可以5% 樓下嘅時候, 仲有幾多息差利潤可以有呢?
銀行股買唔會得過?
: 息差收窄 / 合規成本上升 / 未來壞帳機會
-上 篇完-
==========================================================
Buy me a coffee?
沒有留言:
張貼留言