熱門文章

書單推介

睇左佢地未? 未睇就話學投資?

是咁的,不時都會有網友PM 我問想學睇年報, 想學投資 問我有無咩書推介 必睇 今日推介幾本我覺得幾啱新手睇嘅 會計 入門書; 中階書; 估值書 當然亦會有一啲講投資「大道理」嘅書 書睇過好多, 但真係覺得有用, 有insight 嘅兩隻手數晒 希望今次幫到大家慳返唔少時間去搵書 揀書

2022年4月10日 星期日

[黑歷史] 決定賣出依件資產

喺投資路上, 我做過好多on9野
2011年真倉
除左以上嘅黑歷史, 買過好多柒股票
講多樣黑歷史比大家知:

少部份白銀: 1oz & 1kg

買實體銀幣, 亦買左少量實體鈀金/鉑金/黃金
其實無乜做功課....
當年同屋企人睇報紙, 睇「所謂專家」嘅「建議」買入白銀 & 其他貴金屬「避險」
咁當年, 係幾時先?
當時其中一張收據, 2011年5月(?)

咁當時白銀係咩價位?

美金/港紙, Oz / Kg 我就唔喺到轉換計數啦
睇圖一目了然. 2011年5月買, 接近摸頂入場
對比返當年嘅買入成本, 假設今日賣返晒出去, 都應該蝕一半.

印度神童話4月13, 白銀會創新高

印度神童話嚟緊4月13號, 白銀價格會創歷史新高
下!? 咁堅? 咁要升double 喎, 歷史高位大約係2011年3月份, ~US$47
而最近嘅收市價係2022年04月08日, US$24.7 (價格link
um...我都想睇下係咪可以到得到...

*************************************************************************
講返正題

問: 當初點解買?
2008年金融海嘯後, 世界不停印錢, 亦吹風話金融市場會崩潰......(有無好熟口面?)
當時有好多「專家」出嚟話最好投資實體金屬, 因為紙金屬, 如黃金白銀ETF 都會受到市場崩潰而價值變零...
而10年前嘅我仲係on99 (依家都仲有on9), 做嘅功課就係睇報紙當研究, 睇過去嘅升跌圖當收集數據.
講到尾, 就係賭緊2011年買入, 喺若干年後可以更高價賣出

建基於:
1. 銀紙貶值, 銀紙換大左銀碼, 但購買力保住 (其實無賺)
2. 等緊下一手嘅水魚, 願意用更高嘅價格去接手我手上嘅貨 (依幾年好多乜乜乜幣....)

一件唔能夠產出現金流嘅資產, 就係建於上述兩個情況去為佢帶嚟價值
大家可以用"藝術品"嘅概念去理解依兩個情況

總結, 當年就係傻豬
*************************************************************************
問: 係咪因為銀價跌左就=傻豬?

唔係, 今日回頭想, 過去嘅10年, 因為買左白銀&其他貴金屬
舊錢比依堆實物金屬扎住左, 釋放唔到價值
唔將夠為我帶嚟loan value 去套息 (買層樓唔放租, 都可以加按套現)
唔能夠產生現金流去支持更好嘅消費&生活
假設依堆金屬升值10倍, 財富多左, 但生活依然無改善到
唯一可以為我地帶嚟價值, 就係要賣出, 亦係一次性嘅收益

諗起之前我寫嘅"跟誠哥搵食" (link)
試試另一個例子去講:
今日借錢買入新界北一塊農地, 等待10年20年炒高賣出. 依10年20年唔出租, 無租金收入, 但有利息支出. 而且喺未來塊地是否一定能夠高價賣出, 都係一個疑問(炒賣增長股/Dream Stock)

若果, 我今日借錢買入新界北一塊農地, 並改劃成停車場/ 貨櫃場出租, 依10年20年我keep住有租金收入, cover 利息支出 & 還款.
中途改劃成特賣場出租, 帶動人流, 提升租金, 亦帶動土地價值.(會增加派息嘅收息股) 因為租金提升, 現金流入增加, 為我帶嚟購買力去拼購週邊土地. 之後嘅故事, 應該唔洗再講? (新世界/新鴻基/恆基/長實)

哪怕唔能夠改做停車場/貨櫃場/特賣場, 一塊農地放租, 都可以帶嚟現金流. (唔會增加派息嘅收息股)

想帶出嘅係: 透過借貸去達致低買高賣存在不確定性, 回報可能好高? 可能係. 前題係塊地炒賣成功. 同時風險極大, 缺少現金流去減輕壓力.
(Margin 買增長股/Dream Stock)

雖然我唔係用借貸去買金屬, 但都有機會成本, 依個成本比上述提到嘅利息更大
其實結果都係一樣...
傻豬
*************************************************************************
問: 依家賣會蝕喎?

真, 仲要蝕一半
但點解仲要賣, 就係每一個決定都係當下嘅決定
過去嘅買入價已經無關係 (Sunk Cost)
而且亦落入左"錨定效應"
白銀&貴金屬 對於我嘅價值, 應該係今日如果唔買佢地 or 如果賣出佢地
可以為我帶嚟幾多利益"

1. 放入ib 戶口, 填補資金減槓, 減低風險, 亦減少利息支出
2. 買入收息股, 增加現金
3. 放落mortgage link 戶口, 帶嚟利息收入

如果我今日仍然持有, 其實只係同今日喺US$24.7買入無分別
等待下一手嘅水魚, 願意用更高嘅價格去接手我手上嘅貨 (依幾年好多乜乜乜幣....)

*************************************************************************
問: 因為印度神童話會破頂先賣?

哈哈...如果真係破頂, 我都好樂意
老實, 我唔相信3日內升一個 double
就算聽日再跌一半, 我都會果斷賣出

假設賣出後, 之後升破頂, 亦無從後悔
一件買入時已經係錯誤決嘅資產, 帶比我嘅價值=零
喺任何價格都應該賣出!

(以上都適用於任何其他投資, 如: 股票)
(基本面轉變 或, 當日因錯誤決而買入, 就算蝕錢, 都係要賣)
(反證, 買入時更應該小心研究, 預想5年嘅情景)


一件唔能夠帶嚟現金流嘅資產, 仲係咪好資產?

扣返今日嘅題目: 決定賣出依件資產!!!

-完-

*************************************************************************
🔴🔴🔴Patreon支持: 港股美股英股估值

🟡🟡🟡YouTube Channel

🟠🟠🟠Blog: 業績分析, 會計技巧

🟦🟦🟦Facebook Page

🟩🟩🟩若果寫嘅野幫到你, 請我飲咖啡? PayMe!

📩📩📩  DKLM10PM@Gmail.com

*************************************************************************

2 則留言:

  1. 我想問下你去左邊度賣? 我都有D 實體白銀, 我諗法同你呢篇文一樣

    回覆刪除
    回覆
    1. 我啲銀幣 當初係喺Kitoco & 利昌 買嘅
      所以依堆都去返 Kitco & 利昌 賣
      建議你先去返當日買嘅地點放
      如果去其他地點賣, 可能會有手續費 & 其他雜費

      刪除