依條問題其實係"會計"學上嘅盲點
"會計"只係反映緊過去嘅數據, 一門行業有無前景真係要靠Business Sense
不過
其實喺年報/招股書可能會睇到啲端倪, 但相信招股書真係無乜人會逐粒字去睇
操重野交比小弟...
今日會講一隻財金KOL 推介嘅股, 比張圖大家望望
利申先, 依個blog 對數簿唔對人, 睇數簿唔睇人
今日講嘅股就係 HKEX 3868 信義能源
會透過依隻股去做例子, 講下點樣唔睇財務表/Financial Statement情況下, 而去睇得出有無前景?, 前景會如何?
有無啲咩keywords 要特別留意呢?
今日會睇HKEX 3868 信義能源 嘅招股書
(如果係手機睇嘅小心, 份野都幾大MB數)
平時我睇招股書的話通常有幾part 一定會睇, 睇財表之前就要睇
"行業概覽"
"本集團業務"
"風險因素"
"風險因素"
依三Part 內容會係啲咩相信照字面解都估到, 咁我就唔多解釋啦
與我們業務有關的風險我們面臨有關強制併網及收購可再生能源項目電力的政府政策變動的風險。我們面臨有關太陽能發電場項目併網及調度優先權的政府政策變動的風險。調低上網電價可能會對我們的業務及財務狀況、經營業績及現金流量造成重大及不利影響收取上網電價政策的電價調整出現任何重大及持久延誤可能會對我們的業務及財務狀況、經營業績及現金流量造成嚴重不利影響。
以上幾句係嚟自"風險因素", 相信照字面解都唔難明白
如果對內地發電/電廠有少少理解, 都知大陸係 電廠發電, 再跟唔同省份嘅電網賣上去
電網公司會再自己賣比居民 & 工業戶
電網公司會再自己賣比居民 & 工業戶
好明顯, "電"依家野係無乜差異性, 你嘅發電同我發嘅電其實無乜分別,上到電網都撈埋晒
如果"非價格"競爭係唔存在?
咁價格呢? 鬥平鬥賤賣唔賣到?
以下四張圖, 睇下大家get 到幾多😏😏
根據國家發改委於2015 年12 月發佈的《國家發展改革委關於完善陸上風電光伏發電上
網標杆電價政策的通知》（發改價格[2015]3044 號），未來數年將逐步下調標桿上網電價。
我們與客戶訂立的全部購電協議均未計及任何通脹價格增長。
就首批組合或目標組合的大型地面集中式太陽能發電場項目訂立的購電協議均無任何
按通脹提價的條文。通脹率上升可能導致我們的營運成本增加，因此我們未必可產生足夠
的收益以抵銷通脹的影響
自2009 年起，再生能源基金開始錄得資金短缺，一直錄得赤字，導致按中國國家配額
制度建造的太陽能發電場項目併網與財政部發放電價調整之間需要時間，以及延遲收取電
價調整
上面last 依張, 睇年份日期, 睇價格
應該都唔難明白
講下小弟睇法
四張圖當然唔能夠代表成個內地發電產業 (有興趣睇左招股書佢😏)
但至少睇到"價格" 係發電廠控制唔到嘅
甚至嚟緊係好大機會跟據國家政策而調低, 更甚係可能要拖數
A股/內地股小弟好少掂, 最大主因 係政策&政治風險好大, 大得嚟估唔到
幾時出招? 出幾大招? 會唔會突然撤回?
每個國家都有佢嘅政策風險, 但內地嘅, 自問真係好難預計
有個近排"貼地"嘅例子
再講
"電"係最基本嘅民生用品, 以內地嘅政治氛圍, 真係加到價?
比多個例子大家
帶量採購顛覆內地醫藥市場，上星期恆生指數跌248點。其中醫藥股跌幅最大，石藥全週跌10.9%，中生製藥跌10.3%，是跌幅最大兩隻藍籌股。
==============================================================
來個總結
- 唔識Acct唔緊要
- 睇年報/招股書 前面一大段嘅文字
- 魔鬼在細節，字體逾細；細節逾大
- 如果feel到/ get 到係價格競爭嘅...要深思下
- 甚至"競爭"都已經唔存, 係政府說了算, 就....
- 內地電業 同 香港唔同, 唔好用香港嗰套帶上去思考
依個年頭凡事講求Fact Check
投資都唔例外
當然, 股票市場嘅升跌, 同公司本質又好似.....
===========================================================
有網友話個blog 有時會留唔到comments, 可以經以下途經瘋狂交流
Facebook
Blog
Google Form 留意見
E-mail
DKLM10PM@gmail.com
==========================================================
票市場嘅升跌, 同公司本質又好似.....
回覆刪除無*關*係!
謝謝分享，好有用
回覆刪除多謝支持
刪除睇番依篇舊文,依家3868俾政府拖數,數簿兄又中😃
回覆刪除國安 is watching me? XD
刪除